ભારત અને અફઘાનિસ્તાન વચ્ચે ત્રણ મેચની T20 શ્રેણી શરૂ થઈ ગઈ છે. રવિવારે નવી દિલ્હીમાં રમાઈ રહેલી પ્રથમ T20 ઈન્ટરનેશનલ મેચમાં ભારતીય કેપ્ટન શ્રેયસ અય્યરે ટોસ જીતીને પહેલા બોલિંગ કરવાનો નિર્ણય લીધો હતો. જોકે ટીમની પ્લેઈંગ XI એ ઘણાને ચોંકાવી દીધા હતા. ચાહકોના પ્રિય એવા 15 વર્ષીય વૈભવ સૂર્યવંશીને ટીમમાં સ્થાન મળ્યું નથી, જ્યારે સંજુ સેમસને વાપસી કરી છે.
ટોસ સમયે કેપ્ટન શ્રેયસ અય્યરે પુષ્ટિ કરી હતી કે વૈભવ સૂર્યવંશી આ મેચ રમી રહ્યો નથી. આનો અર્થ એ છે કે વર્લ્ડ કપ વિજેતા જોડી સંજુ સેમસન અને અભિષેક શર્મા ફરી એકવાર ઇનિંગ્સની શરૂઆત કરતા જોવા મળશે. દરમિયાન વોશિંગ્ટન સુંદર, રવિ બિશ્નોઈ અને યશ ઠાકુર પણ પ્લેઈંગ XI માં સ્થાન મેળવવામાં નિષ્ફળ રહ્યા હતા.
ટોસ બાદ શ્રેયસ અય્યરે કહ્યું, “અમે પહેલા બોલિંગ કરીશું. જ્યારે તમે દિલ્હીમાં રમો છો ત્યારે તમને ખબર હોય છે કે પિચ પાસેથી શું અપેક્ષા રાખવી. અમે અહીં ઘણી મેચો રમી છે. તેના આધારે પિચ બેટિંગ અને બોલિંગ બંને માટે સારી દેખાય છે.” જસપ્રીત બુમરાહ વિશે વાત કરતા તેમણે કહ્યું, “ટીમમાં તેનું હોવું એ સકારાત્મક બાબત છે. તે અપાર અનુભવ લાવે છે અને ટીમના વિજયમાં હંમેશા મહત્વપૂર્ણ ભૂમિકા ભજવી છે. તે મેચ-વિનર છે.”
પ્રથમ T20 માટે ભારતની પ્લેઈંગ XI
સંજુ સેમસન (વિકેટકીપર), અભિષેક શર્મા, ઈશાન કિશન, શ્રેયસ અય્યર (કેપ્ટન), તિલક વર્મા, નીતિશ કુમાર રેડ્ડી, શિવમ દુબે, અક્ષર પટેલ, અર્શદીપ સિંહ, જસપ્રીત બુમરાહ, વરુણ ચક્રવર્થી.
આ પણ વાંચો: બાળકના અભ્યાસમાં રુચિ વધારવાના 7 સરળ અને અસરકારક ઉપાયો, વાલીઓ આજે જ અપનાવો આ રીતો
પ્રથમ T20 માટે અફઘાનિસ્તાનની પ્લેઈંગ XI
ઈબ્રાહિમ ઝદરાન (કેપ્ટન), રહેમાનુલ્લાહ ગુરબાઝ (વિકેટકીપર), સેદિકુલ્લાહ અટલ, દરવેશ રસૂલી, અઝમતુલ્લાહ ઓમરઝાઈ, ગુલબદિન નાઈબ, મોહમ્મદ નબી, રાશિદ ખાન, મુજીબ ઉર રહેમાન, નૂર અહેમદ, ફઝલહક ફારૂકી.
