જીવનશૈલી | સાંજના ચાના સમય માટે જો તમે મેંદા અને તેલથી મુક્ત, કોઈ હેલ્ધી અને ક્રિસ્પી નાસ્તો શોધી રહ્યા છો, તો જુવારના ક્રેકર્સ એક ઉત્તમ વિકલ્પ છે. જુવારનો લોટ અને બેસન ફાઈબર તથા પ્રોટીનથી ભરપૂર હોય છે.
જુવાર ક્રેકર્સ જે વજન ઉતારવામાં અને બ્લડ શુગર કંટ્રોલ કરવામાં મદદ કરે છે. ગાર્લિક પાવડર અને તલના મિશ્રણથી આ ક્રેકર્સ એકદમ સ્વાદિષ્ટ, કરકરા અને માર્કેટ જેવા જ બને છે, અહીં જાણો રેસીપી
જુવાર ક્રેકર્સ રેસીપી
સામગ્રી
- 1 કપ જુવારનો લોટ
- 1/4 કપ બેસન
- સ્વાદ મુજબ મીઠું
- 1 ચમચી મરચાં પાવડર
- 1/2 ચમચી ગાર્લિક પાવડર
- 1 ચમચી તેલ
- 1 કપ પાણી 1 કપ
- 2 ચમચી તલ
જુવાર ક્રેકર્સ બનાવવાની રીત
એક મોટા બાઉલમાં 1 કપ જુવારનો લોટ અને 1/4 કપ બેસન ચાળીને લો. તેમાં સ્વાદ મુજબ મીઠું, 1 ચમચી મરચાં પાવડર અને 1/2 ચમચી ગાર્લિક પાવડર ઉમેરીને બરાબર મિક્સ કરો.
હવે લોટમાં 1 ચમચી તેલ અને ૨ ચમચી તલ ઉમેરીને હાથથી બરાબર મિક્સ કરો, જેથી ક્રેકર્સ એકદમ ક્રિસ્પી બને.
1 કપ પાણીને થોડું ગરમ કરી લો. થોડું થોડું પાણી ઉમેરીને મધ્યમ કઠણ અને સફાઈદાર લોટ બાંધી લો. લોટને 10 મિનિટ માટે ઢાંકીને રાખી મુકો.
સ્વીટ, મસાલેદાર, ક્રિસ્પી હની ચીલી મખાના, બાળકોના નાસ્તા માટે હેલ્ધી નાસ્તો!
લોટમાંથી લૂઓ બનાવી તેને બે બટર પેપર અથવા પ્લાસ્ટિક શીટની વચ્ચે રાખીને પાતળો વણી લો. વણેલી રોટલી પર કાંટા ચમચીની મદદથી નાના નાના કાણાં પાડી દો, જેથી શેકતી વખતે ક્રેકર્સ પૂરીની જેમ ફૂલે નહીં.
છરી અથવા કૂકી કટરની મદદથી તેને ચોરસ કે ત્રિકોણ આકારમાં કાપી લો. 180°C પર પ્રી-હીટ કરેલા ઓવન કે એર ફ્રાયરમાં 12 થી 15 મિનિટ માટે ગોલ્ડન અને ક્રિસ્પી થાય ત્યાં સુધી બેક કરો.
તવા પર ધીમા તાપે બંને બાજુ ગોલ્ડન બ્રાઉન અને કરકરા થાય ત્યાં સુધી શેકી લો. ક્રેકર્સને ઠંડા થવા દો, ઠંડા થયા પછી તે વધુ ક્રિસ્પી બનશે. તેને એર-ટાઈટ કન્ટેનરમાં ભરીને 3 અઠવાડિયા સુધી સ્ટોર કરી શકો છો.
