Beggar Girl Money Viral Video : એક વૃદ્ધ મહિલાએ પોતાની આખી જિંદગી ભીખ માંગીને પસાર કરી હતી. જોકે તેના મોત પછી તેના ઘરમાંથી 30થી વધુ બોરીઓ ભરીને રુપિયા મળી આવ્યા છે. આ ચોંકાવનારી ઘટના કર્ણાટકના મંડ્યા જિલ્લામાંથી સામે આવી છે. ભીખ માંગીને ગુજરાન ચલાવતી વૃદ્ધ મહિલાના મૃત્યુ પછી જ્યારે લોકોએ તેના ઘરની તપાસ કરી ત્યારે આ વાત બહાર આવી હતી. મહિલાના નાના રૂમમાંથી 30 થી વધુ બોરીઓ ભરેલી ચલણી નોટો મળી આવી છે.
આ ઘરમાંથી પ્લાસ્ટિકની થેલીઓમાં હજારો 10, 20 અને 50 રૂપિયાની નોટો મળી આવી હતી. વૃદ્ધ મહિલાના મૃત્યુ પછી તેના ઘરમાંથી મળી આવેલા નોટોના ઢગલાથી બધા ચકિત રહી ગયા છે.
વૃદ્ધ મહિલા એકલા રહેતા હતા
પ્રાપ્ત માહિતી અનુસાર આ ઘટના કર્ણાટકના મંડ્યા જિલ્લાના ગુથાલુ વિસ્તારમાં બની હતી. જ્યાં હૂર ઉન્નિસા નામની એક વૃદ્ધ મહિલા ભીખ માંગીને પોતાનું ગુજરાન ચલાવતી હતી. હૂર ઉન્નિસા તેની બહેન સાથે ભાડાના ઘરમાં રહેતી હતી. બંને બહેનોમાંથી કોઈના લગ્ન થયા ન હતા. તેની બહેનનું લગભગ બે વર્ષ પહેલા મૃત્યુ થયું હતું. આ પછી હૂર ઉન્નિસા એકલા રહેતા હતા.
30 થી વધુ બોરીઓમાં લાખો રૂપિયા મળી આવ્યા
ઉંમર સંબંધિત બીમારીને કારણે ગઈકાલે તેમનું મૃત્યુ થયું. તેમના મૃત્યુ પછી સ્થાનિક લોકોએ ઘરની શોધખોળ કરી ત્યારે 30 થી વધુ બોરીઓમાં રોકડ રકમ મળી આવી હતી. જેમાં લાખો રૂપિયા હતા. જે પછી નોટોની ગણતરી શરૂ થઈ હતી. ગણતરીના કલાકો પછી આશરે 8-9 લાખ રૂપિયાની ગણતરી કરવામાં આવી હતી. જ્યારે લગભગ 20 અન્ય બોરીઓમાં જમા રોકડ રકમની ગણતરી બાકી છે.
પતિથી સંતાડીને સંદૂકમાં રાખેલા ₹12 લાખ ઉંદરો કોતરી ગયા, મહિલાની 8 વર્ષની બચત બરબાદ
ઘરમાં મળી આવેલા પૈસા હાલમાં ગુથાલુ વિસ્તારની એક મસ્જિદમાં સોંપવામાં આવ્યા છે. સમુદાયના નેતાઓએ હૂર ઉન્નિસાના સંબંધીઓને આ અંગે જાણ કરી છે. બાકીના પૈસા સંબંધીઓના આવ્યા પછી ગણવામાં આવશે. આ પછી નક્કી કરવામાં આવશે કે પૈસા કોને સોંપવામાં આવશે.
