Akka Trailer : નેટફ્લિક્સની આગામી સિરીઝ ‘અક્કા’નું ટ્રેલર રિલીઝ થઈ ગયું છે, જેમાં કીર્તિ સુરેશ અને રાધિકા આપ્ટે દમદાર સ્ટાઇલમાં જોવા મળી રહ્યા છે. વફાદારી, છેતરપિંડી અને બદલાની આગથી ભરેલી આ કહાની ગેંગસ્ટરોની દુનિયામાં મહિલાઓનું વર્ચસ્વ અને સત્તાને નજીકથી દર્શાવે છે.
ટ્રેલરની શરૂઆત 1985ના પેરનુરની વાર્તાથી થાય છે, જ્યાં માત્ર મહિલાઓ જ શાસન કરે છે. આ સિરીઝમાં કીર્તિ સુરેશ અક્કા અને રાધિકા આપ્ટે રુદ્રાની ભૂમિકામાં છે. જે પેરનુરની ગાદી પર જે બેસે છે તેને અક્કા કહેવામાં આવે છે.
‘અક્કા’નું ટ્રેલર
2 મિનિટ 23 સેકન્ડના આ ટ્રેલરમાં એક એવી કહાની વિશે બતાવવામાં આવી રહ્યું છે જેમાં મહિલાઓને પ્રેમ કરવાની સ્વતંત્રતા છે, પરંતુ તેને નિભાવવાની નહીં, અહીં લગ્નને માન્યતા આપવામાં આવતી નથી અને આ ઘરાનાને માત્ર મહિલાઓના નામથી ઓળખાય છે.
આ જગ્યાના પોતાના નિયમો છે, જેમાં મહિલાઓ દ્વારા બનાવવામાં આવેલા કાયદો અને મહિલાઓનો સ્થાપિત બિઝનેસ ચાલે છે અને છેતરપિંડીની કિંમત જીવ આપીને સીધી ચૂકવવી પડે છે. અહીંની મહિલાઓ ઘર ચલાવવું અને બિઝનેસ ચલાવવા વિશે પણ જાણે છે.
આ કહાનીમાં એક અક્કા (કીર્તિ) છે અને બીજો તેની દુશ્મન રુદ્રા (રાધિકા) છે. મુંબઈ પર રાજ કરનાર રુદ્રાએ હવે આ પેરનુર પર કબજો કરવો છે પરંતુ તેના માટે તેણે અક્કા અને તેણે બનાવેલી દુનિયાને ખતમ કરવી પડશે.
રાધિકા આપ્ટે બની દમદાર વિલન
ટ્રેલરમાં રાધિકા આપ્ટે કહે છે કે હવે બહેનોનું શાસન ખતમ કરવાનો સમય આવી ગયો છે. તેનાથી સ્પષ્ટ છે કે બંને અભિનેત્રીઓ એકબીજાની આમને-સામને જોવા મળશે. બંને અભિનેત્રીઓ ખૂબ જ દમદાર ભૂમિકામાં જોવા મળી રહી છે. આ માત્ર બદલો લેવાની કહાની નથી, પરંતુ સંબંધો, વફાદારી અને સત્તાની રમત પણ છે.
સલમાન ખાને શેર કર્યું ‘માતૃભૂમિ’ નું ‘જય હિંદ’ ગીત, કહ્યું – દેશભક્તિ માટે બે દિવસ પૂરતા નથી
‘અક્કા’ ક્યારે રિલીઝ થશે?
વાયઆરએફ એન્ટરટેઇનમેન્ટની શ્રેણી ‘અક્કા’ થી ધર્મરાજ શેટ્ટી દિગ્દર્શકમાં ડેબ્યૂ કરી રહ્યા છે. તેમણે આ સિરીઝ લખી પણ છે. આ સિરીઝમાં કીર્તિ સુરેશ અને રાધિકા આપ્ટે સિવાય તન્વી આઝમી પણ જોવા મળવાની છે. આદિત્ય ચોપરા, યોગેન્દ્ર મોગરે અને અક્ષય વિધાની એક્ઝિક્યુટિવ પ્રોડ્યુસર છે. અક્કા નું પ્રીમિયર 30 ઓક્ટોબરે નેટફ્લિક્સ પર થશે.
