Bengali Fashion Baingan Bhaja Recipe In Gujarati : મોટાભાગના ઘરોમાં બટાકા અને રીંગણનું શાક અથવા અથવા રીંગણનું ભરથું બને છે. જો કે, બાળકોથી લઈને વડીલો સુધી ઘણા લોકોને રીંગણની આ સામાન્ય રેસીપી બહુ પસંદ નથી આવતી. દરરોજ એક જ શાકભાજી જોઇને ભોજનનો સ્વાદ પણ કંટાળાજનક લાગવા લાગે છે. આવી સ્થિતિમાં, તમે રીંગણની કેટલીક નવી અને સરળ રેસીપી અજમાવી શકો છો, જે દરેકને પસંદ આવી શકે.
બંગાળી બૈંગન ભાજીની પરંપરાગત વાનગી અંદરથી નરમ અને બહારથી ક્રિસ્પી હોય છે. તે હળવા મસાલા અને સરસવના તેલમાં તૈયાર કરવામાં આવે છે જે ખોરાકનો સ્વાદ બમણો કરી શકે છે. ખાસ વાત એ છે કે તમે તેને ઘરે સરળતાથી બનાવી શકો છો જે ટૂંકા સમયમાં તૈયાર થઈ જાય છે. તે રોટલી અને ભાત સાથે ખાઇ શકાય છે.
બંગાળી સ્ટાઇલ રીંગણ ભાજી બનાવવા માટે સામગ્રી
- રીંગણ – 2
- ચણાનો લોટ – 2 ચમચી
- હળદર પાવડર – 1/4 ચમચી
- મરચું પાવડર – 1/4 ચમચી
- ખાંડ – 1 ચમચી
- સરસવ તેલ – 4 ચમચી
- મીઠું – સ્વાદ અનુસાર
બંગાળી રીંગણ ભાજી બનાવવાની રીત
આ વાનગી બનાવવા માટે, પહેલા રીંગણને સારી રીતે ધોઈ લો અને તેને સુકાવી લો. હવે રીંગણને લગભગ અડધાથી એક ઇંચ જાડા ગોળાકાર ટુકડાઓ કાપો. એટલું ધ્યાનમાં રાખો કે કાપતી વખતે રીંગણની સ્લાઇસ બહુ પાતળા ન હોય, નહીં તો તે તળતી વખતે સંપૂર્ણપણે બળી જશે. હવે તેમને લગભગ 10 મિનિટ સુધી પાણીમાં પલાળી રાખો.
એક વાસણમાં ચણાનો લોટ, મરી, હળદર પાવડર, ખાંડ અને મીઠું મિક્સ કરો. તેમાં બે ચમચી પાણી ઉમેરો અને ઘટ્ટ મિશ્રણ તૈયાર કરો. હવે તેમા રીંગણના ટુકડા નાંખો અને ચણાના લોટથી કોટિંગ કરી લો. તેને થોડી મિનિટો માટે છોડી દો.
આ પણ વાંચો | રાગી દૂધ હાડકાની નબળાઇ કરશે દૂર, વૈધ પાસેથી જાણો તે બનાવવાની રીત અને ફાયદા
થોડા સમયમાં રીંગણ તેનું પાણી છોડવાનું શરૂ કરશે ત્યારે બધા મસાલાને સારી રીતે મિક્સ કરો. હવે ગેસ ચાલુ કરી એક તવા પર બે ચમચી તેલ રેડો. ત્યારબાદ ચણાના લોટ વાળા રીંગણના ટુકડાને તવા પર મૂકો અને ધીમા તાપે સોનેરી થાય ત્યાં સુધી શેકો. રીંગણના ટુકડા ગોલ્ડન અને ક્રિસ્પી થાય ત્યાં સુધી શેકવાના છે. શેકતી વખતે તેલનો ઉપયોગ કરી શકાય છે. રીંગણ ક્રિસ્પી થાય જાય એટલે તવા પરથી લઇ લો. આ રીંગણને રોટલી અને ભાત સાથે પીસરો.
