વેસ્ટ ઈન્ડિઝના કેપ્ટન શાઈ હોપનું ભારત સામે ધમાકેદાર પ્રદર્શન હૈદરાબાદમાં પણ ચાલુ થયું. હોપે T20 શ્રેણીની ચોથી મેચમાં સદી ફટકારી હતી.
હૈદરાબાદમાં વેસ્ટ ઈન્ડિઝના કેપ્ટન હોપે માત્ર 50 બોલમાં પોતાની સદી પૂરી કરી હતી. આ T20 શ્રેણીમાં હોપની આ બીજી અને ભારતના આ પ્રવાસમાં એકંદરે ચોથી સદી હતી.
આ સાથે હોપે ભારતમાં ભારત સામે T20 શ્રેણીમાં સૌથી વધુ 2 સદી ફટકારવાનો રેકોર્ડ પણ બનાવ્યો હતો.
બુધવાર, 14 ઓક્ટોબરના રોજ રાજીવ ગાંધી ઇન્ટરનેશનલ સ્ટેડિયમ ખાતે રમાયેલી શ્રેણીની ચોથી મેચમાં વેસ્ટ ઈન્ડિઝે આક્રમક બેટિંગ કરી હતી.
પ્રથમ બેટિંગ કરતા વેસ્ટ ઈન્ડિઝે 20 ઓવરમાં 3 વિકેટે 247 રનનો જબરદસ્ત સ્કોર બનાવ્યો. આ શ્રેણીમાં સતત ત્રીજી મેચમાં વેસ્ટ ઈન્ડિઝે 200 રનનો આંકડો વટાવી દીધો હતો.
કેપ્ટન શાઈ હોપે વેસ્ટ ઈન્ડિઝનીઇનિંગની શરૂઆત કરી અને છેલ્લા બોલ સુધી ટકી રહ્યો. હોપે પહેલા ફક્ત 28 બોલમાં પોતાની અડધી સદી પૂરી કરી અને પછી 50મા બોલમાં સદી પૂરી કરી.
ઇનિંગના છેલ્લા બે બોલમાં બે છગ્ગા ફટકારીને વેસ્ટ ઈન્ડિઝના કેપ્ટને પોતાની સદી પૂરી કરી હતી.
હોપે 50 બોલમાં 102 રન બનાવી અણનમ રહ્યો. તેણે નવ છગ્ગા અને ચાર ચોગ્ગા ફટકાર્યા. (PC:PTI/X)
