નવરાત્રીના ઉપવાસમાં નાળિયેરની ચટણી સાથે કુટ્ટુ ઢોસા પીરસો, અલગ સ્વાદ માટે કરો ટ્રોય

Kuttu Atta Dosa Recipe : નવરાત્રીના ઉપવાસ દરમિયાન ઘણીવાર ઘરોમાં સાબુદાણા, બટાકા, કટ્ટુ, સૂકા મેવાઓ, સામાના ચોખા અને ફળોનો ઉપયોગ કરીને અલગ-અલગ ડિશ તૈયાર કરવામાં આવે છે. તમે ઉપવાસ દરમિયાન ઘણી વખત સાબુદાણા ખીચડી, મખાના ખીર, બટાકાનું શાક અને કુટ્ટુ લોટની પુરી ખાધી હશે. જોકે આપણે દરેક વખતે એક જ પ્રકારની વસ્તુઓ ખાઈને ઉપવાસમાં કંટાળી શકીએ છીએ. આ કિસ્સામાં તમે કેટલીક અલગ અને સ્વાદિષ્ટ વસ્તુઓ ટ્રાય કરી શકો છો. આ દરમિયાન તમે ઢોસા પણ બનાવી શકો છો. તે સવારે નાસ્તામાં અથવા સાંજે ડિનરમાં ઉપવાસ દરમિયાન બનાવી શકાય છે.

જો તમે ઉપવાસ દરમિયાન કંઇક અલગ અને સ્વાદિષ્ટ ખાવા માંગો છો તો આ વખતે તમે કુટ્ટુ ઢોસા બનાવી શકો છો. તેની રેસીપી અહીં બતાવવામાં આવી છે, જેની મદદથી ઓછા સમયમાં સરળતાથી ઢોસા તૈયાર કરી શકાય છે.

ઢોસા બનાવવા માટેની સામગ્રી

• કટ્ટુનો લોટ – 1 કપ
• સામાના ચોખા – 1/4 કપ પાણી
• સિંઘાડાનો લોટ – 2 ચમચી
• સેંધાલુણ મીઠું – સ્વાદ પ્રમાણે
• મરી પાવડર – 1/4 ચમચી
• જીરું – 1/2 ચમચી
• લીલું મરચું – 1 (ઝીણું સમારેલું ) 
• લીલા ધાણા – 2 ચમચી (ઝીણી સમારેલી ) 
• પાણી – જરૂર મુજબ 
• ઘી – જરૂર મુજબ 

ઢોસા બનાવવાની રીત

કટ્ટુના લોટમાંથી ઢોસા બનાવવા માટે સૌ પ્રથમ આપણે ખીરું તૈયાર કરવું પડશે. આ માટે એક બાઉલમાં કટ્ટુનો લોટ, સામાનો લોટ અને સિંઘાડાનો લોટ લો. જો તમે ઇચ્છો તો ફક્ત કટ્ટુના લોટથી પણ બનાવી શકો છો. હવે તેમાં સેંધાલુણ મીઠું, કાળા મરી પાવડર, જીરું, લીલું મરચું અને ધાણાના પાન ઉમેરો. 

હવે ખીરું બનાવવા માટે બધી સામગ્રીને ધીમે ધીમે મિક્સ કરીને પાણી ઉમેરો. પાણી ઉમેરતી વખતે ચમચીથી ખીરાને હલાવતા રહો. તેનાથી બેટર સ્મૂથ અને સરસ બની શકે છે. ખીરાને વધુ જાડું ન રાખો. હવે તેને લગભગ 5 થી 10 મિનિટ માટે છોડી દો.

માવા-પનીરથી નહીં ફક્ત બે ગ્લાસ દૂધથી સાબુદાણા રસમલાઈ બનાવો, ઉપવાસ માટેની રેસીપી

હવે નોન-સ્ટીક પેનને ધીમી આંચ પર ગરમ કરી લો. તેની પર ચમચી વડે ખીરું રેડી તેને પાથરી લો. આ સમય દરમિયાન ફ્લેમ ઓછી રાખો. તમે તેની ઉપર થોડું ઘી લગાવી શકો છો. જ્યારે ઢોસો નીચેથી રંધાઇ જાય ત્યારે બીજી બાજુ પલટાવીને શેકી લો. જ્યારે ઢોસા બન્ને બાજુએ રંધાઈ જાય ત્યારે તેને થાળીમાં કાઢી લો. બાકીના ઢોસાને પણ આ જ રીતે તૈયાર કરી લો.

ચટણી કેવી રીતે બનાવવી

કટ્ટુના લોટમાંથી બનેલા આ ઢોસાને નાળિયેરની ચટણી સાથે પીરસી શકાય છે. આ માટે એક મિક્સરમાં કાચું નાળિયેર, મગફળી, લીલા મરચાં, લીલા કોથમીર, સેંધાલુણ મીઠું અને જીરું મેળવી સારી રીતે પીસી લો. ધ્યાન રાખો કે ચટણી માટે પહેલા મગફળીને રોસ્ટ કરો. જેના કારણે ચટણીનો સ્વાદ ખૂબ સારો આવી શકે છે.

મહત્વની ટીપ્સ

ઢોસાનું સ્મૂથ બેટર બનાવવા માટે તમે ગરમ પાણીનો ઉપયોગ કરી શકો છો. તૈયાર કરનાર બેટરને વધારે ફેંટવું જોઈએ નહીં. તેમજ ઢોસાને મધ્યમ તાપ પર ધીમે ધીમે રાંધવા દો, જેથી તે ક્રિસ્પી થઇ શકે. આ બાબતોને ધ્યાનમાં રાખીને ઉપવાસ માટે સ્વાદિષ્ટ અને ક્રિસ્પી ઢોસા તૈયાર કરી શકાય છે.