Fruit Sweet Recipe : રંગબેરંગી કેન્ડી જોઈને બાળકો ઘણીવાર તે ખાવાની જીત કરે છે. બજારમાં ઉપલબ્ધ મોટાભાગની કેન્ડીઓમાં કૃત્રિમ કલર, સ્વાદ અને પ્રિઝર્વેટિવ્સ હોય છે. આટલું જ નહીં, ખાંડ પણ વધારે પ્રમાણમાં ઉમેરવામાં આવે છે. આવી સ્થિતિમાં બાળકોના સ્વાસ્થ્યને ધ્યાનમાં રાખી બાળકો માટે મોસમી ફળો માંથી ઘરે જ ટેસ્ટી ફ્રૂટ કેન્ડી બનાવી શકાય છે. હોમમેઇડ ફ્રૂટ કેન્ડી બાળકો તેમજ મોટી ઉંમરના લોકોને પણ ખાવી ગમે છે. અહીં 3 સરળ ફ્રૂટ કેન્ડી રેસીપી આપી છે, જે વધારે મહેનત વગર ઘરે બનાવી શકાય છે.
મેંગો ફ્રૂટ કેન્ડી રેસીપી : Mango Fruit Sweet Recipe
મેંગો ફ્રૂટ કેન્ડી બનાવવા માટે સામગ્રી
- પાકી કેરી – 2
- ખાંડ – 1 થી 1/2 કપ (કેરીની મીઠાશ અનુસાર)
- કાળું મીઠું – 1/2 ચમચી (વૈકલ્પિક)
- ચાટ મસાલો – 1/2 ચમચી (વૈકલ્પિક)
મેંગો ફ્રૂટ કેન્ડી બનાવવા માટે સૌ પ્રથમ પાકી કેરી પાણીમાં ધોઈને છાલ ઉતારી નાનાં-નાના ટુકડા કરી લો. પછી તેમા ખાંડ ઉમેરી 8-10 કલાક અથવા આખી રાત રાખી મૂકો. આમ કરવાથી કેરી તેનો રસ છોડે છે. આ પછી તેને ધીમા તાપ પર 8-10 મિનિટ સુધી રાંધો. તે વધારે ઓગળી ન જાય તેની કાળજી રાખો. તે પછી તેને ચાળણી વડે ગાળી લો. હવે આ મિશ્રણને તડકામાં 2-3 દિવસ સુધી સુકાવા મૂકો અથવા ઓવનમાં 60°C તાપમાન કે ફૂડ ડિહાઇડ્રેટરમાં સુકવો. જો તમે ઇચ્છો તો તેની ઉપર ચાટ મસાલો અથવા કાળું મીઠું ભભરાવો. આ મેંગો ફ્રૂટ કેન્ડીને એરટાઇટ જારમાં સ્ટોર કરો.
લીચી ફ્રૂટ કેન્ડી રેસીપી | Litchi Fruit Sweet Recipe
લીચી ફ્રૂટ કેન્ડી બનાવવા માટે સામગ્રી
- તાજી લીચી – 500 ગ્રામ
- ખાંડ – 1 કપ
- લીંબુનો રસ – 1 ચમચી
લીચી કેન્ડી બનાવવા માટે લીચીની છાલ ઉતારી તેના બીજ કાઢી લો. ત્યારબાદ તેમા ખાંડ ઉમેરી 5-6 કલાક સુધી મૂકી રાખો. આ પછી ધીમા તાપ પર 5-7 મિનિટ સુધી સહેજ પકવવો. ત્યારબાદ તેમા લીંબુનો રસ ઉમેરો. છેલ્લે આ મિશ્રણને એક ટ્રેમાં પાથરી તડકામાં અથવા ડિહાઇડ્રેટરમાં સુકાવા મૂકો. સુકાયા બાદ પણ તે સહેજ ચીકણું રહેશે. સૂકવ્યા પછી હવાચુસ્ત બરણીમાં સ્ટોર કરો.
જાંબુ ફ્રૂટ કેન્ડી રેસીપી : jamun Fruit Sweet Recipe
જાંબુ ફ્રૂટ કેન્ડી બનાવવા માટે સામગ્રી
- જાંબુ – 500 ગ્રામ
- ખાંડ – 3/4-1 કપ કાળું
- મીઠું – 1/2 ચમચી
- શેકેલું જીરું પાવડર – 1/2 ચમચી
જો તમને જાંબુ ખાવા ગમે છે, તો તમે તેમાંથી કેન્ડી પણ બનાવી શકો છો. આ માટે સૌ પ્રથમ જાંબુ પાણીમાં સારી રીતે ધોયા બાદ તેના ઠળિયા અલગ કરી પલ્પ કાઢી લો. જાંબુના પલ્પમાં ખાંડ ઉમેરી 4-5 કલાક સુધી રહેવા દો. ત્યાર પછી તેને 5 મિનિટ સુધી ધીમા તાપે પકવો. છેલ્લે આ મિશ્રણને ટ્રે પાથરી દો અને 2-3 દિવસ સુધી તડકામાં સુકાવા દો. તે સુકાય પછી કાળું મીઠું અને શેકેલું જીરું ભભરાવો. જાંબુ કેન્ડીને એરટાઇટ કન્ટેનરમાં ભરીને સ્ટોક કરો.
આ પણ વાંચો | ઊંધિયાને ટક્કર મારે તેવું ચટાકેદાર સંભારીયું શાક રેસીપી, 15 થી 20 મિનિટમાં બની જશે
આ બાબત ધ્યાનમાં રાખો
તડકામાં સૂકવતી વખતે, ધૂળ અને જંતુઓ ન લાગે તેની માટે ટ્રેને મલમલના કપડાથી ઢાંકી દો. તે સંપૂર્ણપણે સૂકાઈ જાય પછી જ સ્ટોર કરો, નહીત્તર ફુગ લાગી શકે છે. ફળની મીઠાશ અનુસાર ખાંડની માત્રા ઘટાડી કે વધારી શકાય છે. ફ્રિજમાં કન્ડી રાખવાથી તે લાંબા સમય સુધી સારી રહી શકે છે.
