બગદાણા વિવાદની વચ્ચે આ ગુજરાતી ગીત ફરી વાયરલ થયું, જાણો આ ગીત સાથે શું છે સંબંધ?

ગાયક અનિલ ભરવાડ જણાવે છે કે આ ગીત આમ તો પરસોત્તમ ભાઈ સોલંકી અને દિવ્યેશ ભાઈ માટે બનાવ્યું હતું. તેમની સાથે ફરતા લોકો અને ખાસ કરીને કાળુ ભાઈ જાંબુચા વાત કરી અને પછી અમે રાઈટર પાસેથી ગીત લખાવી આ સોંગ બનાવ્યું.

જ્યારે ગીત બનાવ્યું ત્યારે આવો કોઈ આઈડિયા નહોતો, અમારા અજય ભાઈએ આ સોંગ લખ્યું છે. જેને બે વર્ષ જેવો સમય થઈ ગયો છે. આમાં ભાઈ એટલે પુરુષોત્તમ ભાઈને ભાઈ કહેવામાં આવ્યા છે. જે અત્યાર સુધી ચાલી રહ્યું છે.

આ ગીત અંગે વાત કરતા ગાયક જણાવે છે કે અમે આવા હેતુ માટે થઈને ગીત નહોતું બનાવ્યું. પણ પબ્લિક અત્યારે એક્સેપ્ટ કરી રહી છે.

ગાયક જણાવે છે કે આ ગીતમાં આમ તો સેવાકીય પ્રવૃત્તિનો જ ઉલ્લેખ છે. જો કે કલાકારે જણાવ્યું કે આ વિવાદમાં અમે પડવા નથી માગતા. અમારે તો કલાકારની દ્રષ્ટિએ ઘણા બધા ગીતો આવતા હોય છે. મેં ઘણા બધા સોંગ બનાવેલા છે. અમારે રાજકારણ સાથે કંઈ લેવા દેવા નથી. અમારે કામથી કામ મતલબ હોય.