સૂર્યકુમાર યાદવ પર નિવેદન આપીને ફસાઈ ખુશી મુખર્જી;100 કરોડનો માનહાનિનો કેસ નોંધાયો, હવે કરી રહી છે ડેમેજ કંટ્રોલ

ખુશીએ એક ઇવેન્ટ દરમિયાન પૈપરાજી સાથે વાત કરતા દાવો કર્યો હતો કે તે કોઈ ક્રિકેટરને ડેટ કરવા નથી માગતી. સૂર્યકુમાર યાદવ તેને બહુ મેસેજ કરતો હતો. હવે તેમના વચ્ચે વાતચીત થતી નથી અને તે નથી ઈચ્છતી કે તેનું નામ કોઈની સાથે જોડાય. વિવાદ વધ્યા બાદ અભિનેત્રી બેકફૂટ પર આવી ગઈ છે. મામલો કાનૂની રૂપ લેતો જોઈ ખુશી મુખર્જીએ ડેમેજ કંટ્રોલ શરૂ કરી દીધું છે. તેનો દાવો છે કે, તેમની વાતોને ખોટી રીતે રજૂ કરવામાં આવી છે. તેણે એવું પણ કહ્યું કે તેનું ઇન્સ્ટાગ્રામ અકાઉન્ટ હેક થઈ ગયું છે. તેણે સ્વીકાર્યું કે વાતચીત થઈ હતી, પણ ખાલી દોસ્તાના હતી અને એક મેચ હાર્યા બાદ સહાનુભૂતિ તરીકે થઈ હતી.

સૂર્યકુમાર યાદવે આ સમગ્ર મુદ્દા પર અત્યાર સુધીમાં કોઈ નિવેદન નથી આપ્યું. તે પોતાની રમત અને આગામી ટૂર્નામેન્ટ પર ધ્યાન આપી રહ્યો છે. અહીં ઉલ્લેખનીય છે કે 100 કરોડનો માનહાનિ કેસ સાબિત કરવો ફૈઝાન માટે પડકાર હશે, પણ તેણે ખુશી મુખર્જી માટે મોટી કાનૂની મુશ્કેલીઓ ઊભી કરી દીધી છે. ગાજીપુર પોલીસ હવે તેને લેખિત ફરિયાદની તપાસ કરી રહી છે. જો ફરિયાદ થશે તો ખુશી મુખર્જીને પૂછપરછ માટે બોલાવી શકે છે.