સોનાની ચેઈન લાંબા સમય સુધી નવા જેવી રહેશે, પહેરતી અને તિજોરીમાં મૂકતી વખતે આટલું ધ્યાન રાખો

Gold Jewelry Storage Suggestions: સોનાના ભાવ આસમાને પહોંચી રહ્યા છે. આવી સ્થિતિમાં દરેક માટે વારંવાર નવું સોનું ખરીદવું શક્ય નથી. જો તમે પણ દરરોજ સોનાની ચેઈન પહેરો છો, તો તમારે તેને સુરક્ષિત રાખવા, તેને તૂટતા અટકાવવા અથવા ચમક ઝાંખી થતી અટકાવવા માટે કેટલીક બાબતો ધ્યાનમાં રાખવી જોઈએ.

સોનાને કાટ નથી લાગતું, પરંતુ તે નરમ ધાતુ છે. તેથી, રોજિંદા ઉપયોગમાં ઘણી વખત સોનાની ચેઈન સ્ક્રેચ, ધૂળ માટી, પરસેવો અને કોસ્મેટિક પ્રોડક્ટથી પ્રભાવિત થઈ શકે છે. સોનાની ચેઈન કેટલો સમય નવી અથવા સલામત દેખાશે તે માત્ર કેરેટ પર જ નહીં, પરંતુ તેનો ઉપયોગ, જાળવણી અને સ્ટોર કરવાની રીત પર પણ આધાર રાખે છે. આવી સ્થિતિમાં, કેટલીક મહત્વપૂર્ણ બાબતો ધ્યાન રાખીને, તમે તમારી મનપસંદ સોનાની ચેઈનને લાંબા સમય સુધી નવા જેવી રાખી શકો છો.

જો તમે સોનાની ચેઈન પહેરો છો, તો આ ભૂલો કરવાનું ટાળો

ચેઈન પહેરીને સૂવું અથવા કસરત કરવી

જો તમે સૂતી વખતે અથવા કસરત કરતી વખતે સોનાની ચેઈન પહેરી રાખો છો, તો થોડી સાવચેતી રાખો. ચેઈન ઓશીકું અથવા કપડાંમાં અટવાઈ શકે છે. સતત દબાણ ચેઈનની કડીને નબળી પાડી શકે છે. જિમ અથવા રમત રમતી વખતે ખેંચાવાથી ચેઈન તૂટી શકે છે.

પરફ્યુમ, હેર સ્પ્રે અને લોશન લગાવ્યા પછી તરત જ ચેઈન પહેરવી

ઘણા લોકો પરફ્યુમ, હેર સ્પ્રે અને લોશન લગાવ્યા પછી તરત જ ચેઈન પહેરે છે. આવી ભૂલ કરવાથી બચવું જોઈએ. બ્યૂટી પ્રોડક્ટમાં રહેલા કેમિકલ સોનાની ચેઈનની ચમકને ઝાંખી કરી શકે છે. તેથી, હંમેશા પહેલા સ્કીન કેર પ્રોડક્ટ અને પરફ્યુમ લગાવ્યા બાદ થોડી મિનિટો પછી જ દાગીના પહેરવા જોઇએ.

સ્નાન અથવા સ્વિમિંગ પૂલમાં ચેઈન પહેરવી

જો તમે નહાતી વખતે અથવા સ્વિમિંગ પૂલમાં જતી વખતે ચેઈન પહેરો છો, તો સાવધાની રાખો. સાબુ અને શેમ્પૂ ચેઈનની ચમક ઘટાડી શકે છે. સ્વિમિંગ પૂલનું ક્લોરિન વાળું પાણી સોના પર ખરાબ અસર કરી શકે છે. તેથી, ચેઈન સફાઈ પર ધ્યાન આપો.

ચેઈન સાથે અન્ય દાગીના મૂકવા

જો તમે આ ભૂલ કરો છો, તો તેને સુધારવાની જરૂર છે. ચેઈન અન્ય ઘરેણાં સાથે ઘસવાથી સ્ક્રેચ થઈ શકે છે. ઉપરાંત પાતળી ચેઈન સરળતાથી ગૂંચવાઈ જાય છે. દરેક ચેઇનને અલગ પાઉચ અથવા અલગ ડબ્બામાં રાખવી વધુ સારું છે.

ચેઈન સાફ ન કરવી

જો તમે પણ એવા લોકોમાંના એક છો, જે ચેઈન પહેર છે પરંતુ તેને ઉતારતા નથી અને મહિનાઓ સુધી તેની સફાઇ કરતા નથી, તો પણ ચેઈનની ચમક પણ ઝાંખી થઈ શકે છે. ધૂળ, પરસેવો અને ચીકાશ જમા થતી  રહે છે. તેનાથી ચેઈન કાળી પડી જાય છે. સમયાંતરે તેને સાફ કરતા રહો.

આ પણ વાંચો | જુના ઓશીકાના કવર માંથી બનાવો 5 સુંદર ઘર સજાવટની વસ્તુ

બ્રશ અથવા કેમિકલ ક્લીનરનો ઉપયોગ

ઘણી વખત ઉતાવળમાં ચેઈન સાફ કરવા માટે કોઈપણ કડક બ્રશ અથવા કેમિકલયુક્ત ક્લીનરનો ઉપયોગ કરો. તે ચેઈન માટે પણ અસુરક્ષિત છે. કડક બ્રશથી ચેઈનને ઘસારો લાગી શકે છે. બ્લીચ, એમોનિયા અથવા હાર્ડ કેમિકલનો ઉપયોગ સોનાના દાગીનાને નુકસાન પહોંચાડી શકે છે.