સાંજની હળવી ભૂખમાં ખાવ હેલ્ધી નાસ્તો, ક્રિસ્પી મગની દાળની ટિક્કી આવી રીતે બનાવો

Crispy Moong Dal Tikki Recipe: સાંજની હળવી ભૂખમાં ઘણી વખત એવું ખાવાની ઇચ્છા થાય છે જે ક્રિસ્પી અને મસાલેદાર હોય. આવી સ્થિતિમાં મોટાભાગના લોકો સમોસા, પાણીપુરી, ચાટ અથવા અન્ય વસ્તુઓનું સેવન કરે છે, જે સ્વાસ્થ્યને નુકસાન પહોંચાડી શકે છે. ઘરમાં ઘણી હેલ્ધી વસ્તુઓ છે જેની મદદથી તમે ઘણી સ્વાદિષ્ટ વાનગીઓ બનાવી શકો છો. આમાંની એક મગની દાળ છે, જેને લોકો ઘણીવાર ચીલા બનાવીને ખાવાનું પસંદ કરે છે. પરંતુ સાંજે હળવી ભૂખ દરમિયાન તમે ઘરે ઝડપી મગદાળની ટિક્કી બનાવી શકો છો.

મગની દાળમાં પ્રોટીનની માત્રા ઘણી વધારે હોય છે. પ્રોટીન શરીરમાં સ્નાયુઓને સુધારવામાં, મૂડમાં સુધારો કરવામાં અને ભૂખને નિયંત્રિત કરવામાં મદદ કરે છે. મગની દાળની ટિક્કી બનાવવાની સરળ રેસીપી જાણીએ.

મગની દાળ ટિક્કી માટે સામગ્રી

• 1 કપ લીલા મગની દાળ (3-4 કલાક પલાળેલી)
• 2-3 ચમચી બેસન (વૈકલ્પિક, વધુ સારી રીતે બાંધવા માટે) 
• 1 મધ્યમ ડુંગળી (ઝીણી સમારેલી )
• 2-3  લીલા મરચાં (ઝીણા સમારેલા ) 
• 1 ઇંચ છીણેલું આદુ 
• અડધો કપ તાજા કોથમીરના પાન (ઝીણા સમારેલા ) 
• 1 ચમચી  હળદર પાવડર 
• 1 ચમચી લાલ મરચાં પાવડર 
• અડધી ચમચી અજમો
• 1/4 ચમચી કાળું મીઠું અથવા સાદું મીઠું 
• અડધી ચમચી શેકેલું જીરું પાવડર
• એક ચપટી હીંગ (વૈકલ્પિક)
• 2-3 ચમચી તેલ
• 50 ગ્રામ છીણેલું પનીર (વૈકલ્પિક)

મગની દાળની ટિક્કી બનાવવાની રીત

સૌ પ્રથમ મગની દાળને સારી રીતે ધોઈ લો. હવે એક બાઉલમાં પાણી નાખી તેમાં અડદની દાળ ઉમેરી તેને 3-4 કલાક અથવા આખી રાત પલાળી રાખો.

પલાળેલી દાળને કાઢી લો અને તેને મિક્સરમાં મૂકો. તેમાં લીલા મરચાં, આદુ અને થોડું પાણી ઉમેરી સુંવાળી પેસ્ટ બનાવો. મિશ્રણ ખૂબ પાતળું અથવા ખૂબ જાડું ન હોવું જોઈએ. તો તમે હળવા દાણાદાર ટેક્સચર માટે બરછટ ગ્રાઇન્ડ પણ કરી શકો છો.

આ પેસ્ટને મોટા વાસણમાં લઇ લો. હવે તેમાં ડુંગળી, કોથમીર, ચણાનો લોટ, હળદર, લાલ મરચું, અજમો, મીઠું, કાળું મીઠું, જીરૂ પાવડર, પનીર અને હીંગ મેળવી સારી રીતે મિક્સ કરી લો.

લવિંગનું પાણી રોજ સવારે પીવાથી શરીર પર શું અસર થશે? જાણો ફાયદાઓ

મિશ્રણનો થોડો ભાગ લો અને તેને ગોળાકાર અથવા ટિક્કી જેવો આકાર આપો. એક કઢાઇમાં તેલ ગરમ કરો અને ટીક્કીને મધ્યમથી ધીમા તાપે રાંધવા દો. તેને ગોલ્ડન અને ક્રિસ્પી થાય ત્યાં સુધી 3-4 મિનિટ સુધી પકવા દો. તે પછી બીજી બાજુ ફેરવી સોનેરી થાય ત્યાં સુધી રાંધી લો.

વધારાનું તેલ દૂર કરવા માટે તૈયાર કરેલી ટિક્કીને ટિશૂ પેપર પર કાઢી લો. તમે તેને આમલીની ચટણી સાથે પીરસી શકો છો.