વાળની સંભાળ માટે બીટરૂટનો ઉપયોગ કરો, હેર માસ્ક બનાવવાની રીત નોટ કરો

Beetroot Hair Masks : દરરોજ ઘરની બહાર નીકળતી વખતે વાળ ધૂળ, માટી, પ્રદૂષણ અને હવાના સંપર્કમાં આવે છે. આને કારણે વાળ શુષ્ક, નિર્જીવ અને ગૂંચવાયેલા દેખાય છે. આ સિવાય ઘણા લોકોના વાળ ઓઈલી હોય છે, જેના કારણે તેમને વારંવાર ધોવાની જરૂર પડે છે. આનાથી વાળ તેની કુદરતી ચમક ગુમાવી શકે છે. આ કિસ્સામાં વાળની સંભાળ રાખવા માટે માત્ર શેમ્પૂ અને તેલ પૂરતા નથી. કેટલાક ઘરેલું ઉપચારની મદદથી, વાળને રેશમી નરમ અને ચમકદાર બનાવી શકાય છે. આ માટે બીટરૂટનો ઉપયોગ કરી શકાય છે. તે માત્ર ત્વચામાં જ નહીં પરંતુ વાળની સંભાળમાં પણ ફાયદાકારક માનવામાં આવે છે.

બીટની મદદથી તમે વાળ માટે હેર માસ્ક તૈયાર કરી શકો છો. જે વાળને ચમકદાર અને નરમ બનાવી શકે છે. જોકે તેમાંથી બનેલા હેર માસ્કનો ઉપયોગ કરતા પહેલા સાવધાની રાખો. જો તમને એલર્જી અથવા ત્વચાની સમસ્યા છે, તો ચોક્કસપણે નિષ્ણાતની સલાહ લો. બીટરૂટથી હેર માસ્ક બનાવવાની એક રીત અહીં છે જણાવી રહ્યા છીએ. જેની મદદથી તેને ઘરે જ સરળતાથી બનાવી શકાય છે અને માસ્કને હેર કેર રૂટિનમાં સામેલ કરી શકાય છે.

સામગ્રી

• બીટરૂટ – 1
• દહીં – 2 ચમચી
• મધ – 1 ચમચી
• નાળિયેર તેલ – 1 ચમચી

બનાવવાની રીત

તેને બનાવવા માટે તાજું બીટરૂટ લો અને તેને ધોઈને સારી રીતે છોલ લો. તેના નાના ટુકડા કરી મિક્સરમાં પીસી લો. એક બારીક અને સુંવાળી પેસ્ટ તૈયાર કરો. હવે તેમાં દહીં, મધ અને નાળિયેર તેલ નાખો અને બધું સારી રીતે મિક્સ કરી લો. આ રીતે હેર માસ્ક તૈયાર થઈ જશે. જોકે જો તમને કોઈ વસ્તુથી એલર્જી છે, તો તમે તેને છોડી શકો છો. હેર માસ્કનો ઉપયોગ કરતા પહેલા પેચ ટેસ્ટ કરો. જો તમને કોઈ રીતે બળતરા અથવા અગવડતા લાગે છે તો તેને લાગુ કરશો નહીં.

બાથરૂમની ડોલ, ટપ અને પાટલી પર જામી ગઇ છે ગંદકી અથવા સફેદ પરત, સફાઇની આ રીત કામ આવશે

હેર માસ્કનો ઉપયોગ કેવી રીતે કરવો

બીટરૂટમાંથી બનેલા આ હેર માસ્કનો ઉપયોગ કરતા પહેલા વાળને હળવા ભીના કરો. ગ્લોવ્ઝ પહેરો જેથી રંગ હાથ પર ન આવે. વાળના મૂળથી લઇને ટીપ સુધી તમારા હાથથી માસ્કને સારી રીતે લગાવો. તેને લગભગ 25 થી 30 મિનિટ લગાવી રાખો. હવે વાળને હળવા શેમ્પૂથી ધોઈ લો. આ હેર માસ્કનો ઉપયોગ અઠવાડિયામાં એક કે બે વાર કરી શકાય છે. આ હેર માસ્કને ફ્રિજમાં લગભગ બે દિવસ સુધી સ્ટોર કરી શકાય છે.

વાળમાં બીટરૂટથી બનેલા હેર માસ્ક લગાવતા પહેલા પેચ ટેસ્ટ કરો. જો તમને કોઈ વસ્તુથી એલર્જી હોય અથવા ત્વચાની સમસ્યા હોય, તો તેનો ઉપયોગ કરતા પહેલા નિષ્ણાતની સલાહ લો. જો લાગુ કરતી વખતે બળતરા, સંવેદના અથવા અગવડતા હોય તો તેનો ઉપયોગ કરશો નહીં.

ડિસ્ક્લેમર : આ લેખ સામાન્ય જાણકારીના ઉદ્દેશ્યથી તૈયાર કરવામાં આવ્યો છે. કોઈપણ પ્રકારનો ફેરફાર અથવા ઘરેલું ઉપાય અપનાવતા પહેલા એકવાર તમારા ડોક્ટર અથવા ત્વચારોગ ચિકિત્સકની સલાહ લો.