લખન વારોતરિયાએ એશિયન યોગાસન સ્પર્ધામાં સિલ્વર મેડલ જીત્યો, યોગના જણાવ્યા ફાયદા

ભાણવડ તાલુકાના મોટા કાલાવડ ગામના લખન વારોતરિયાએ આવનારી 2જી એશિયન યોગાસન ચેમ્પિયનશિપમાં ભારત દેશનું પ્રતિનિધિત્વ કર્યું હતું. યોગાસનને આંતરરાષ્ટ્રીય રમત તરીકે માન્યતા મળ્યા બાદ પહેલી વખત ભારત દેશ યોગાની ટીમ મેદાને ઉતારી હતી. આ સ્પર્ધામાં દેવભૂમિ દ્વારકા જિલ્લાના ભાણવડ તાલુકાના મોટા કાલાવડના લખન વજશીભાઈ વારોતરિયાએ પસંદગી મેળવી હતી. જેમાં લખન વારોતરિયાએ તેમણે લેગ બેલેન્સમાં સિલ્વર મેડલ હાંસલ કરીને હાલાર અને આહીર સમાજ તથા વારોતરિયા પરિવારનું ગૌરવ વધારેલ છે.

લખનના જણાવ્યા અનુસાર યોગ એ આપણા દેશની સૌથી પ્રાચીન સંસ્કૃતિ છે જેને લોકો જાણે અને માણે તે માટે વડાપ્રધાન નરેન્દ્ર મોદી દ્વારા વિશ્વ યોગ દિવસની ભેટ આપવામાં આવી છે. ત્યારબાદ લોકોમાં યોગ પ્રત્યે જાગૃતિ આવી છે. હું દિવસ દરમિયાન યોગ પાછળ સખત મહેનત કરું છું. સવાર અને સાંજ સતત પ્રેક્ટિસ કરી દિવસ દરમિયાન અંદાજે 3 થી 4 કલાક યોગ પાછળ સતત બગાડું છું. મહત્વનું છે કે તાજેતરમાં દિલ્હીના ઈન્દિરા ગાંધી ઈન્ટરનેશનલ સ્ટેડિયમ ખાતે યોજાયેલ 2જી એશિયન યોગાસન ચેમ્પિયનશીપ-2025માં ભારતે 87 મેડલ જીતી ઇતિહાસ સર્જ્યો છે.

યોગ અને ધ્યાનના ફાયદા(Advantages of yoga and meditation)

માનસિક શાંતિ: યોગ અને ધ્યાન મગજમાં સકારાત્મક ઉર્જા લાવે છે, જેનાથી માનસિક શાંતિ વધે છે.

તણાવ અને ચિંતામાં ઘટાડો: નિયમિત રીતે યોગ અને ધ્યાન કરવાથી શરીરમાં સ્ટ્રેસ હોર્મોન (કોર્ટિસોલ)નું પ્રમાણ ઘટે છે, જેનાથી તણાવ અને ચિંતા ઓછી થાય છે.

સારી ઊંઘ: માનસિક શાંતિના કારણે ઊંઘ પણ સુધરે છે, જેના કારણે શરીરને યોગ્ય આરામ મળે છે.

શારીરિક સંતુલન: યોગના આસનો શરીરને લવચીક અને મજબૂત બનાવે છે, જે માનસિક અને શારીરિક સંતુલન જાળવવામાં મદદ કરે છે.