Golmaal 5 Launch Date : રોહિત શેટ્ટી ફરી એકવાર દર્શકોને હસાવવા અને મનોરંજન કરવા માટે તૈયાર છે. લગભગ 10 વર્ષ બાદ ‘ગોલમાલ’ ગેંગ મોટા પડદા પર વાપસી કરવા જઈ રહી છે. ગોલમાલનો ચોથો ભાગ વર્ષ 2017 માં રિલીઝ થયો હતો. આ લોકપ્રિય કોમેડી ફ્રેન્ચાઇઝીના પાંચમા ભાગની જાહેરાત કરવામાં આવી છે. આ ફિલ્મમાં અજય દેવગણ, અરશદ વારસી, કૃણાલ ખેમુ, શ્રેયસ તલપડે અને તુષાર કપૂર સાથે અક્ષય કુમાર પણ જોવા મળશે.
લાંબી રાહ જોયા બાદ ‘ગોલમાલ 5’ની રિલીઝ ડેટ સામે આવી ગઇ છે. આ ફિલ્મ 8 જાન્યુઆરી 2027ના રોજ રિલીઝ થશે. એટલે કે વર્ષની શરૂઆત હસી અને મસ્તીથી થવાની છે. દર્શકોને ફરી એકવાર હાસ્ય, મસ્તી અને ધમાલથી ભરેલી સફર જોવા માટે લાંબો સમય રાહ જોવી પડશે નહીં.
રોહિત શેટ્ટીએ ‘ગોલમાલ 5’ ની જાહેરાત કરી
ફિલ્મના દિગ્દર્શક રોહિત શેટ્ટીએ ફિલ્મ ગોલમાલ 5ની જાહેરાત કરતી વખતે કેપ્શનમાં લખ્યું કે હસી, મસ્તી, ખુશી, આનંદ અને પરિવાર… બસ તેના સિવાય કાંઇ નહીં, 8 જાન્યુઆરી, 2027. તેમણે ફિલ્મનું મોશન પોસ્ટર પણ રિલીઝ કર્યું છે. આ વખતે પહેલા ભાગમાં જોવા મળેલ શરમન જોશી પણ ફિલ્મમાં પરત ફરી રહ્યો છે. તે ગોલમાલના પહેલા ભાગમાં જોવા મળ્યો હતો. આ કારણે ફિલ્મ માટે ઉત્સાહ વધતો જણાય છે.
પોસ્ટરમાંથી અક્ષય કુમાર ગાયબ
આ પોસ્ટરમાંથી અક્ષય કુમારને ગાયબ જોઈને પણ આશ્ચર્ય થાય છે. થોડા સમય પહેલા અક્ષય કુમારનો લુક પણ રિલીઝ થયો હતો. પોસ્ટરમાં અક્ષયનો બોલ્ડ લુક જોવા મળ્યો હતો. જણાવવામાં આવી રહ્યું હતું કે આ ફિલ્મમાં અક્ષય વિલનના રોલમાં જોવા મળી શકે છે. પરંતુ હવે ફિલ્મના આ નવા પોસ્ટરમાં અક્ષય ક્યાંય જોવા મળતો નથી.
ફિલ્મ ગોલમાલ 5ની હિરોઇન કોણ હશે?
આ ફિલ્મમાં હિરોઇન કોણ હશે તે અંગે હજુ સુધી કોઈ માહિતી મળી નથી.
ઓસ્કાર 2027માં ભારતની ઓફિશિયલ એન્ટ્રી બની આ મરાઠી ફિલ્મ, 33 ફિલ્મોને પાછળ છોડી, જાણો શું છે ખાસ?
શરમન જોશીની વાપસી
આ ખાસ રિયુનિયનમાં હવે શરમન જોશી પણ સામેલ થયો છે, જે લગભગ બે દાયકા પછી ‘ગોલમાલ’ ફ્રેન્ચાઇઝીમાં વાપસી કરી રહ્યો છે. શરમને 2006માં આવેલી ફિલ્મ ‘ગોલમાલ: ફન અનલિમિટેડ’માં લક્ષ્મણની ભૂમિકા ભજવી હતી, પરંતુ તે પછીની સિક્વલ ફિલ્મોનો ભાગ બન્યો ન હતો. હવે આટલા લાંબા સમય બાદ તેની વાપસીથી ફિલ્મ પ્રત્યેનો ઉત્સાહ વધી ગયો છે.
