Mamata Banerjee : પશ્ચિમ બંગાળના પૂર્વ મુખ્યમંત્રી મમતા બેનર્જીએ ગુરુવારે રાજધાનીમાં એક પત્રકાર પરિષદ યોજીને દાવો કર્યો હતો કે આ વખતે ભાજપ સત્તામાંથી બહાર થઇ જશે. તેમણે કહ્યું કે લોકોને 2029 સુધી રાહ જોવી પડશે નહીં, ટૂંક સમયમાં ગુડ ન્યૂઝ મળશે.
આ દરમિયાન તેમણે ચૂંટણી પંચ ઉપર પણ પ્રહાર કર્યો હતો. મમતા બેનર્જીએ કહ્યું કે ભારતનો લોકો તે લોકોને માફ નહીં કરે જેમણે તેમનો મતાધિકાર છીનવી લીધો છે. પ્રેસ કોન્ફરન્સમાં મમતા બેનર્જીએ 2023ના એક કાયદા હેઠળ મુખ્ય ચૂંટણી કમિશનર અને ચૂંટણી કમિશનરોને આપવામાં આવેલી છૂટની જોગવાઈ ઉપર પણ સવાલ ઉઠાવ્યા હતા.
મમતાએ જ્ઞાનેશ કુમારને ગણાવ્યા વેનીશ કુમાર
મમતા બેનર્જીએ મુખ્ય ચૂંટણી કમિશ્નર જ્ઞાનેશ કુમારને વેનીશ કુમાર ગણાવતા કહ્યું કે તેમણે લોકોના અધિકારોને ગાયબ કરી દીધા છે. હું તેમને કેવી રીતે માફ કરી શકું? હું કોણ હોઉં, ભારતની જનતા તેમને માફ નહીં કરે.
મમતા બેનર્જીએ કહ્યું કે તેમની પાર્ટીએ શરૂઆતથી જ પશ્ચિમ બંગાળમાં મતદાર યાદી એસઆઈઆરનો વિરોધ કર્યો હતો. તેમણે આરોપ લગાવ્યો હતો કે આ સમગ્ર પ્રક્રિયાને ચૂંટણી પંચ દ્વારા સેન્ટ્રલાઇઝ કરવામાં આવી હતી. તેમણે કહ્યું કે અમે કોર્ટમાં ગયા હતા પરંતુ ન્યાય મળ્યો ન હતો. અમે 100 પીડિતો સાથે ચૂંટણી પંચ પાસે ગયા હતા પરંતુ તેઓએ અમારું અપમાન કર્યું હતું.
ચૂંટણી કમિશનરોને આપવામાં આવતા કાયદાકીય સુરક્ષા પર સવાલ ઉઠાવતા મમતા બેનર્જીએ કહ્યું કે સીઈસી અને અન્ય ચૂંટણી કમિશનરો તેમના સત્તાવાર કાર્ય દરમિયાન કરવામાં આવેલા કામ માટે સિવિલ અથવા અપરાધિક કાર્યવાહીથી સુરક્ષા મળેલી છે.
174 મુસાફરોનો જીવ બચાવનાર સ્મિત મચ્છરે એક વર્ષ પહેલા જે કહ્યું હતું તે હવે કેમ થઇ રહ્યું છે વાયરલ
તેમણે કહ્યું કે જો કોઈ વ્યક્તિ ચૂંટણી પ્રક્રિયા અને લોકશાહીની જવાબદારી નિભાવી રહી છે અને બંધારણ અનુસાર કામ કરી રહી છે તો તેનું સન્માન કરવું જોઈએ. પરંતુ તેમણે સવાલ કર્યો હતો કે જો કોઈ વ્યક્તિ તેને મળેલા કાનૂની સંરક્ષણને કારણે તેની જવાબદારી યોગ્ય રીતે નિભાવશે નહીં તો શું થશે?
ટીએમસીના કાર્યકર્તાઓ મુશ્કેલીઓનો સામનો કરી રહ્યા છે
આ દરમિયાન મમતા બેનર્જીએ દાવો કર્યો હતો કે પશ્ચિમ બંગાળમાં ટીએમસીના કાર્યકરોને પરેશાન કરવામાં આવી રહ્યા છે. તેમણે કહ્યું કે મને કોર્ટના આદેશ વિના ઘરની બહાર નીકળવાની મંજૂરી નથી. અમારી પાર્ટીને મીટિંગ કરવાની મંજૂરી નથી. અમારા કાર્યકર્તાઓ વિરુદ્ધ કેસ નોંધવામાં આવ્યા છે. ત્યાં સુધી કે મારા ઘરે પણ કોઈ સુરક્ષા નથી.
