પ્રેમ અને આદર વ્યક્ત કરવામાં કંજૂસી ન કરો: કોઈપણ સંબંધનો પાયો પ્રેમ અને પરસ્પર સન્માન પર ટકેલો છે. પતિ ઘરે આવે ત્યારે ચહેરા પર સ્મિત રાખવું, સ્નેહપૂર્વક વાત કરવી કે થોડીવાર સાથે બેસવું પણ ઘણું મહત્વ ધરાવે છે. પરંતુ આ જ બાબત પતિ માટે પણ એટલી જ લાગુ પડે છે. પત્નીએ આખો દિવસ ઘર સંભાળ્યું હોય કે નોકરી કરી હોય, તેની મહેનતની કદર કરવી અને વખાણ કરવા ખૂબ જરૂરી છે. જ્યારે બંને એકબીજાની મહેનત અને લાગણીઓનું મૂલ્ય સમજે છે, ત્યારે વિશ્વાસ દ્રઢ બને છે અને દામ્પત્ય જીવન સુખી બને છે.
