ઘી આપણા આહારનો એક મુખ્ય હિસ્સો છે. તે પાચનક્રિયા સુધારવામાં, ત્વચાને પોષણ આપવામાં અને શરીરને કુદરતી ઊર્જા પૂરી પાડવામાં મદદરૂપ થાય છે. ઘરમાં હાજર ઘી અસલી છે કે નકલી તે ચકાસવા માટે કોઈ જટિલ લેબ ટેસ્ટની જરૂર નથી પરંતુ કેટલાક સરળ હોમ ટેસ્ટથી જ તેનો તફાવત જાણી શકાય છે.
અસલી શુદ્ધ ઘી ઓળખવાના સરળ અને દેશી રીત
1. દાણેદાર ટેક્સચર: અસલી દેશી ઘીની સૌથી મોટી ઓળખ તેની દાણાદાર બનાવટ હોય છે. થોડું ઘી હથેળી પર રાખો, જો તે શારીરિક ગરમીથી તુરંત જ ઓગળવા લાગે તો તે અસલી ઘી છે.
2. પાણીથી ટેસ્ટ કરો: એક કાચના ગ્લાસમાં પાણી ભરો અને તેમાં એક ચમચી ઘી નાખો. જો ઘી પાણીની સપાટી પર તરવા લાગે તો તે શુદ્ધ છે. નકલી કે મિશ્રિત ઘી પાણીમાં નીચે બેસી જાય છે અથવા વિખેરાઈ જાય છે.
3. સુગંધથી ચેક કરો: શુદ્ધ ઘીમાંથી કુદરતી, હળવી અને મધુર સુગંધ આવે છે, જ્યારે વનસ્પતિ કે કેમિકલ મિશ્રિત ઘીમાંથી કૃત્રિમ ગંધ આવે છે.
4. આગથી પરીક્ષણ કરો: એક ચમચીમાં ઘી લઈ તેને ગેસ પર ગરમ કરો. શુદ્ધ ઘી તુરંત જ ઓગળીને ઘેરા તપખીરિયા રંગનું થઈ જાય છે, જ્યારે ભેળસેળવાળું ઘી ઓગળવામાં વાર લગાડે છે અને પીળાશ પડતું રહે છે.
આ પણ વાંચો: દિવાળી તહેવારોમાં મહેમાનોને પીરસો ચમેલીના ‘ફૂલ જેવી પોચી ઈડલી’, સ્વાદ ચાખીને દરેક પૂછશે સિક્રેટ રેસીપી
5. ફ્રિજનો ટેસ્ટ: ઘીને થોડા સમય માટે ફ્રિજમાં મૂકો. શુદ્ધ ઘી એકસમાન રીતે સખત થઈ જશે, જ્યારે નકલી ઘીમાં તેલ અને ઘીના જુદા જુદા લેયર (પડ) દેખાવા લાગશે.
6. આયુષ્ય અને ટકાઉપણું: અસલી અને શુદ્ધ દેશી ઘી લાંબા સમય સુધી બગડતું નથી અને તેની સુગંધ તથા સ્વાદ જળવાઈ રહે છે.
7. શુદ્ધ ઘીના ફાયદા: શુદ્ધ ઘીનું સેવન કરવાથી રોગપ્રતિકારક શક્તિ વધે છે, સાંધાના દુખાવામાં રાહત મળે છે અને મગજની કાર્યક્ષમતામાં સુધારો થાય છે.
