ગુજરાતના અનેક જિલ્લાઓમાં ભારે વરસાદને કારણે પરિસ્થિતિ વણસી છે. મધ્ય અને દક્ષિણ ગુજરાતમાં તેની સૌથી વધુ અસર જોવા મળી છે જ્યાં આણંદ, અમદાવાદ અને વલસાડ જેવા વિસ્તારોમાં ભારે વરસાદ અને પાણી ભરાવાને કારણે પૂર જેવી સ્થિતિ સર્જાઈ છે. વહીવટીતંત્ર દ્વારા NDRF અને SDRFની 38 ટીમો તૈનાત કરવામાં આવી છે. રાજ્યભરના 35 જળાશયો હાઈ એલર્ટ પર છે અને હવામાન વિભાગે અનેક જિલ્લાઓમાં ભારે વરસાદની ચેતવણી આપી છે.
આ જિલ્લાઓ માટે ‘રેડ એલર્ટ’
હવામાન વિભાગે આગામી 24 કલાક દરમિયાન સુરેન્દ્રનગર, રાજકોટ અને મોરબી જિલ્લાના કેટલાક વિસ્તારોમાં ગાજવીજ અને તેજ પવન સાથે ભારેથી અતિ ભારે વરસાદની આગાહી કરી ‘રેડ એલર્ટ’ જાહેર કર્યું છે. કેટલાક વિસ્તારોમાં મુશળધાર વરસાદની પણ શક્યતા છે.
આ જિલ્લાઓ માટે ‘ઓરેન્જ એલર્ટ’
બનાસકાંઠા (વાવ-થરાદ), પાટણ, મહેસાણા, અમદાવાદ, આણંદ, ભરૂચ, જામનગર, પોરબંદર, જૂનાગઢ, અમરેલી, ભાવનગર, દ્વારકા, ગીર સોમનાથ, બોટાદ, કચ્છ અને દીવના છૂટાછવાયા વિસ્તારોમાં ગાજવીજ સાથે ભારેથી ખૂબ ભારે વરસાદ માટે ‘ઓરેન્જ એલર્ટ’ જાહેર કરવામાં આવ્યું છે.
Each day Climate Briefing (14-09-2026)
Underneath the affect of low-pressure space over Southeast Rajasthan & adjoining north Gujarat, remoted extraordinarily heavy rainfall seemingly over Saurashtra & Kutch and remoted very heavy over Gujarat Area on at this time, the 14th September, 2026.…
— India Meteorological Division (@Indiametdept) September 14, 2026
આ જિલ્લાઓમાં ભારે વરસાદ માટે ‘યલો એલર્ટ’
સાબરકાંઠા, અરવલ્લી, ગાંધીનગર, ખેડા, વડોદરા, સુરત, નવસારી, વલસાડ, દમણ અને દાદરા-નગર હવેલીમાં છૂટાછવાયા સ્થળોએ ગાજવીજ સાથે ભારે વરસાદ માટે ‘યલો એલર્ટ’ જાહેર કરવામાં આવ્યું છે.
આ જિલ્લાઓમાં હળવા થી મધ્યમ વરસાદ માટે ‘યલો એલર્ટ’
આ ઉપરાંત, પંચમહાલ, દાહોદ, મહીસાગર, છોટા ઉદેપુર, નર્મદા, તાપી, ડાંગ, જામનગર, પોરબંદર, જૂનાગઢ, અમરેલી, ભાવનગર, દ્વારકા, ગીર સોમનાથ, બોટાદ, કચ્છ અને દીવના છૂટાછવાયા વિસ્તારોમાં વીજળીના કડાકા અને તેજ પવન (30-40 કિમી/કલાક) સાથે હળવા થી મધ્યમ વરસાદ માટે ‘યલો એલર્ટ’ જાહેર કરવામાં આવ્યું છે.
તા. 14 સપ્ટેમ્બરના રોજ રાજ્યના કેટલાંક જિલ્લાઓમાં ભારેથી અતિભારે વરસાદ સાથે છૂટાછવાયા સ્થળોએ અત્યંત ભારે વરસાદની આગાહી, જ્યારે તા. 15 સપ્ટેમ્બરના રોજ રાજ્યમાં છૂટાછવાયા સ્થળોએ ભારે વરસાદની આગાહી…#Rain#GujaratRain#heavyrain#GujaratInformationpic.twitter.com/kcnYffbc7n
— Gujarat Data (@InfoGujarat) September 14, 2026
રાજ્યના 35 જળાશયો હાઈ એલર્ટ પર
ગુજરાતના 206 જળાશયોમાંથી 35 જળાશયો હાઈ એલર્ટ પર છે, જ્યારે અન્ય 13 જળાશયો માટે ચેતવણી આપવામાં આવી છે. રાજ્યમાં સરેરાશ મોસમી વરસાદના 80.23 ટકા વરસાદ નોંધાયો છે, જ્યારે દક્ષિણ ગુજરાતમાં આ આંકડો 110 ટકાથી વધુ છે.
આ પણ વાંચો: અમદાવાદમાં ધોધમાર વરસાદ, પોશ વિસ્તારો જળબંબાકાર, આગામી 2 કલાક માટે ભારે વરસાદનું રેડ એલર્ટ
આવતીકાલે આ જિલ્લાઓમાં ભારે વરસાદની ચેતવણી
હવામાન વિભાગે રાજકોટ, જામનગર, પોરબંદર, જૂનાગઢ, મોરબી, દ્વારકા અને કચ્છ જિલ્લાના છૂટાછવાયા વિસ્તારોમાં ભારે વરસાદની આગાહી કરી છે.
સંવેદનશીલ જિલ્લાઓમાં NDRF અને SDRF તૈનાત
સ્ટેટ ઈમરજન્સી ઓપરેશન સેન્ટરના જણાવ્યા અનુસાર, વરસાદની સૌથી વધુ અસર મધ્ય ગુજરાતમાં જોવા મળી હતી. સવારે 6 થી બપોરે 2 વાગ્યાની વચ્ચે આણંદ જિલ્લાના બોરસદ તાલુકામાં 138 મિમી વરસાદ નોંધાયો હતો, જ્યારે અમદાવાદ જિલ્લાના ધોળકામાં 102 મિમી વરસાદ નોંધાયો હતો. અમદાવાદ શહેરમાં 84 મિમી વરસાદ પડ્યો હતો. અનેક વિસ્તારોમાં પૂર જેવી સ્થિતિ સર્જાઈ હતી. સંવેદનશીલ જિલ્લાઓમાં NDRF અને SDRFની કુલ 38 ટીમો તૈનાત કરવામાં આવી છે.
