સુપરફૂડ દાડમ : ફાયદા ઘણા છે, પરંતુ શું તે તમારા માટે યોગ્ય છે? જાણો આયુર્વેદિક એક્સપર્ટનો અભિપ્રાય

Pomegranate Well being Advantages : દાડમ સ્વાસ્થ્ય માટે શ્રેષ્ઠ ‘સુપર ફૂડ’ માનવામાં આવે છે. દાડમ મોંઘા છે પરંતુ તે સ્વાસ્થ્ય માટે એક અનમોલ ફળ છે. એક દાડમ એક સાથે અનેક રોગોની સારવાર કરી શકે છે. તેનું સેવન કરવાથી ડાયરિયા, ફૂડ ઇંફેક્શ અને લોહીની ઉણપમાં રાહત મળે છે. ઘણા સંશોધનોમાં તે સાબિત થયું છે કે દાડમનું સેવન રોગપ્રતિકારક શક્તિને મજબૂત બનાવે છે, ઉલટી, ઝાડા અને તાવ સામે રક્ષણ આપે છે. 

દાડમમાં હાજર એન્ટીઓક્સિડન્ટ, વિટામિન્સ અને મિનરલ્સ શરીરમાં લોહીની ઉણપને દૂર કરવા અને હૃદયના સ્વાસ્થ્યને સુધારવામાં અસરકારક સાબિત થાય છે. પરંતુ શું તમે જાણો છો કે દરેક ફળ અથવા સુપરફૂડ દરેકના શારીરિક સ્વભાવ સાથે અનુકુળ હોતું નથી?

આયુર્વેદિક નિષ્ણાત ડો.રૂપાલી જૈને જણાવ્યું હતું કે દાડમ સ્વાસ્થ્ય માટે ફાયદાકારક છે, પરંતુ આ ફળ બધાને ફાયદા આપી શકતું નથી. નિષ્ણાતો પાસેથી જાણીએ કે દાડમનું સેવન કરવાથી શરીરને શું-શું ફાયદા થાય છે અને કયા લોકોએ તેનું સેવન કરવાનું ટાળવું જોઈએ.

આયુર્વેદમાં દાડમને રુચિકર ફળ કેમ માનવામાં આવે છે

આયુર્વેદમાં દાડમને રુચિકર ફળ તરીકે વર્ણવવામાં આવે છે. આનો અર્થ એ છે કે તે ખાવાની રુચિ અને સ્વાદ વધારવામાં મદદ કરી શકે છે. ખાસ કરીને જેમને ઓછી ભૂખ લાગે છે તેમના માટે દાડમનું સેવન ઉપયોગી માનવામાં આવે છે.

દાડમ એનિમિયા અને ઓછા હિમોગ્લોબિનમાં બેમિસાલ

દાડમને બ્લડ બૂસ્ટર માનવામાં આવે છે. તેથી જે લોકોને એનિમિયા અથવા હિમોગ્લોબિનની ઉણપ હોય છે તેઓ તેને તેમના આહારમાં સામેલ કરી શકે છે. જોકે એનિમિયાની સારવાર માટે, માત્ર દાડમ પર આધાર રાખવો નહીં, ડોક્ટરની સલાહ મુજબ દવા અને આહારમાં સુધારો કરવો જરૂરી નથી.

આયુર્વેદ અનુસાર જ્યારે નબળા પાચક અગ્નિને કારણે ભૂખ ઓછી થાય છે અથવા વારંવાર મળત્યાગની સમસ્યા થાય છે, ત્યારે દાડમનું સેવન અસરકારક સાબિત થાય છે.

લોહી નીકળવાની સમસ્યામાં પણ ઉપયોગી 

આયુર્વેદમાં દાડમનું સેવન રક્તપિત્ત જેવી પરિસ્થિતિઓમાં અસરકારક સાબિત થાય છે. તેમાં બબાસીર દરમિયાન લોહી આવવું, નાકમાંથી લોકી આવવું અથવા મહિલાઓને પીરિયડ દરમિયાન વધુ પડતા બ્લેડિંગ જેવી સમસ્યાઓમાં અસરકારક સાબિત થાય છે.

એસિડિટી હોય તો ખાટા નહીં પણ ગળ્યા દાડમ ખાઓ

જેમને એસિડિટીની સમસ્યા હોય તેવા લોકો દાડમનું સેવન કરી શકે છે. ડોક્ટરે એસિડિટીની સમસ્યા ધરાવતા લોકોને ખાટા નહીં પણ ગળ્યા દાડમ ખાવાની સલાહ આપી છે.

યાદશક્તિ માટે પણ છે ટોનિક

દાડમને બુદ્ધિ અને યાદશક્તિ સુધારવા માટે પણ અસરકારક માનવામાં આવે છે. તેના સેવન ભૂલવાની બીમારીની સારવાર થાય છે અને યાદશક્તિને સ્વસ્થ રાખે છે.

દિવસમાં કેટલા દાડમ ખાવા જોઈએ?

એક સમયે અડધા દાડમનું સેવન સ્વાસ્થ્ય માટે ફાયદાકારક સાબિત થઈ શકે છે. આ સિવાય દાડમનો રસ કાઢીને લગભગ 30-40 મિલી લઈ શકાય છે.

શું કેળા ખાવાથી કબજિયાત પુરી રીતે ઠીક થઇ જાય છે? એક્સપર્ટ પાસેથી જાણો

કયા લોકોએ દાડમ ખાવું જોઈએ?

• આયુર્વેદમાં દાડમને હળવા અને સ્વાદિષ્ટ કહેવામાં આવે છે, એટલે કે તેને પાચન અગ્નિ અને ખાવાની રુચિ વધારવા માટે માનવામાં આવે છે. જે લોકોને ઓછી ભૂખ લાગે છે તેઓએ દાડમનું સેવન કરવું જોઈએ.
• જે લોકોનું પાચન નબળું હોય છે તેઓએ ગળ્યા પાકેલા દાડમ ખાવા જોઈએ.
• જેમને ઝાડા અથવા વારંવાર પાતળા મળની પ્રવૃત્તિ હોય છે તેઓએ પણ દાડમનું સેવન કરવું જોઈએ. દાડમને એક મળ બાંધનાર ફળ માનવામાં આવે છે.
• પિત્ત પ્રકૃતિને લગતી સમસ્યાઓવાળા લોકો ગળ્યા દાડમનું સેવન કરી શકે છે. ગળ્યા દાડમ એસિડિટીના દર્દીઓ માટે પણ અસરકારક સાબિત થાય છે.

કયા લોકોએ દાડમનું સેવન ના કરવું જોઈએ?

• કબજિયાતની સમસ્યા ધરાવતા લોકોએ દાડમનું સેવન ના કરવું જોઈએ. દાડમને મળ બાંધનાર માનવામાં આવે છે. કબજિયાતના કિસ્સામાં તેને ટાળવું જોઈએ.
• જો પેટમાં ખૂબ બળતરા અને એસિડ હોય, તો દાડમનું સેવન કરવાનું ટાળો. 
• જે લોકોને દાડમથી એલર્જી હોય છે અથવા તેને ખાધા પછી પેટ ફૂલી જાય છે તો તેનું સેવન કરવાનું ટાળો.

ડિસ્ક્લેમર : આ માહિતી આયુર્વેદિક માન્યતાઓ અને પરંપરાગત ઉપયોગ પર આધારિત છે. દાડમ કોઈ રોગનો ઇલાજ અથવા દવાનો વિકલ્પ નથી. કોઈ સ્વાસ્થ્ય સમસ્યા, એલર્જી અથવા નિયમિત દવાના વપરાશના કિસ્સામાં, દાડમનું સેવન કરતા પહેલા ડોક્ટર અથવા લાયક આયુર્વેદ નિષ્ણાતની સલાહ લો.