well-known waterfalls in monsoon : વરસાદની ઋતુમાં મુસાફરી કરવી થોડી મુશ્કેલ બની જાય છે પરંતુ લોકો આ ખુશનુમા મોસમનો આનંદ માણવા માટે ફરવા જાય છે. ચોમાસા દરમિયાન દરેક સ્થળની સુંદરતામાં ઘણો વધારો થાય છે. ભારતમાં ઘણી બધી જગ્યાઓ છે જ્યાં લોકો વરસાદની ઋતુમાં ખાસ કરીને ધોધ જોવા જાય છે. ભારતમાં ઘણી જગ્યાએ સુંદર ધોધ છે, અહીં અમે ભારતના પાંચ પ્રખ્યાત ધોધ જણાવી રહ્યા છીએ. જ્યાં લોકો વરસાદની ઋતુમાં ચોક્કસપણે મુલાકાત લે છે.
દૂધસાગર ધોધ, ગોવા
ગોવા-કર્ણાટક સરહદ પર સ્થિત દૂધસાગર વોટરફોલ ચોમાસાની ઋતુ દરમિયાન પહાડ પરથી ઘણા તેજીથી પડે છે. જેના કારણે તે દૂધની ધાર જેવું દેખાય છે તેથી તેનું નામ દૂધસાગર પડ્યું છે. આ ધોધ માંડોવી નદીના ઉપરના પ્રવાહ સાથે જોડાયેલ છે અને ગાઢ જંગલોથી ઘેરાયેલ છે. વરસાદની ઋતુ દરમિયાન તેનો તેજ ફ્લો સુંદર હોય છે, પરંતુ આ સમય દરમિયાન ધોધની મુલાકાત લેતી વખતે સ્થાનિક સલામતી નિયમોનું પાલન કરવું મહત્વપૂર્ણ છે.
કેમ્પ્ટી ધોધ, ઉત્તરાખંડ
મસૂરી નજીક સ્થિત કેમ્પ્ટી ધોધ ઉત્તરાખંડના સૌથી પ્રખ્યાત ધોધમાંથી એક છે. તે મસૂરીથી લગભગ 15 કિમી દૂર છે અને પર્વતો અને હરિયાળીથી ઘેરાયેલો આ ધોધ જોવામાં ઘણો સુંદર લાગે છે. ધોધની નીચે સ્નાન કરવા માટે એક ખાસ જગ્યા છે. ધોધને કારણે તેની આસપાસનો વિસ્તાર પણ ભીનો રહે છે. ભારે વરસાદ દરમિયાન સાવધાની રાખવી જરૂરી છે.
ચિત્રકોટ ધોધ, છત્તીસગઢ
છત્તીસગઢના બસ્તરમાં સ્થિત ચિત્રકોટ ધોધ ઇન્દ્રાવતી નદી પર બનેલો છે. તેને ભારતનો મીની નાયગ્રા કહેવામાં આવે છે. વરસાદની ઋતુ દરમિયાન ખાસ કરીને જુલાઈ અને ઓક્ટોબર વચ્ચે આ ધોધ તેના સૌથી ભવ્ય અને શક્તિશાળી રુપમાં હોય છે.
ભારતના આ 5 ગામો માંથી દેખાય છે બોર્ડરની પેલી પારનો નજારો, ગુજરાતનું એક ગામ સામેલ, સુંદરતા એવી કે જોતા રહી જશો
શિવનસમુદ્ર વોટરફોલ, કર્ણાટક
શિવનસમુદ્ર કાવેરી નદી પર એક બનેલો એક શાનદાર ટ્વિન ધોધ છે. અહીં નદી બે મુખ્ય પ્રવાહોમાં વિભાજીત થાય છે અને ગગનચુક્કી અને ભરાચુક્કી ધોધ બનાવે છે. વરસાદની ઋતુ દરમિયાન આસપાસની હરિયાળી ધોધની સુંદરતામાં વધુ વધારો કરે છે.
બારેહીપાની ધોધ, ઓડિશા
બારેહીપાની ધોધ ઓડિશાના મયુરભંજ જિલ્લાના સિમિલિપાલ વિસ્તારમાં સ્થિત છે. ઓડિશા ટુરિઝમ અનુસાર તેની ઊંચાઈ આશરે 399 મીટર છે, જે તેને ભારતના સૌથી ઊંચા ધોધમાંથી એક બનાવે છે.
