Makhana Milk : આજનું ભાગદોડ ભર્યું જીવન, કામના તણાવ અને સ્ક્રીનનો વધતો ઉપયોગને કારણે રાત્રે પથારીમાં ઊંઘ્યા પછી પણ કલાકો સુધી ઊંઘ ન આવવી એક સામાન્ય સમસ્યા બની ગઈ છે. ઊંઘ પુરી ના થવાની સીધી અસર આપણા માનસિક અને શારીરિક સ્વાસ્થ્ય પર પડે છે. ઘણીવાર લોકો રાત્રે ઊંઘ ન આવે ત્યારે ઊંઘની ગોળીઓ ખાય છે, જેની સ્વાસ્થ્ય પર ઘણી આડઅસરો થાય છે. તમને જણાવી દઈએ કે બજારમાં મળતી ઊંઘની ગોળીઓને બદલે તમે ઊંઘ મેળવવા માટે આયુર્વેદિક ઉપચારોનો આશરો લઈ શકો છો. આયુર્વેદમાં રાતની ઊંઘ મેળવવાનો એક કુદરતી ઉપાય છે.
આયુર્વેદિક અને યુનાની દવાઓના નિષ્ણાત ડો.સલીમ ઝૈદીના જણાવ્યા અનુસાર રાત્રે સૂતા પહેલા દૂધમાં મખાના પકાવી પીવું અનિદ્રાની સમસ્યાને દૂર કરવા માટે એક સચોટ ઘરેલું ઉપાય હોઈ શકે છે. મખાનામાં મળતા પોષક તત્વો અને દૂધનું સંયોજન મનને શાંત કરે છે અને શરીરને ઘણી રીતે ફાયદા પણ આપે છે. ચાલો આયુર્વેદના જાણીતા નિષ્ણાત પાસેથી સીધા જાણીએ કે મખાનાનું દૂધ બનાવવાની સાચી રીત અને તેનાથી મળતા 6 ફાયદા કયા છે.
ઊંઘની ગુણવત્તા સુધરી શકે છે
ડોક્ટરના જણાવ્યા અનુસાર દૂધ અને મખાનામાં ટ્રિપ્ટોફન નામનું એમિનો એસિડ જોવા મળે છે. શરીરમાં તે સેરોટોનિન અને પછીથી મેલાટોનિનના નિર્માણમાં મદદ કરે છે. મેલાટોનિન એક હોર્મોન છે જે ઊંઘને નિયંત્રિત કરે છે. મખાનામાં હાજર મેગ્નેશિયમ સ્નાયુઓ અને નર્વસ સિસ્ટમને આરામ આપવામાં પણ મદદ કરી શકે છે.
હાડકાંને પોષણ મળી શકે છે
મખાનાને કેલ્શિયમ, મેગ્નેશિયમ અને ફોસ્ફરસનો સારો સ્ત્રોત માનવામાં આવે છે. જ્યારે દૂધમાં કેલ્શિયમ પણ ભરપૂર છે. આવી સ્થિતિમાં બંનેનું કોમ્બિનેશન હાડકાં અને દાંતની મજબૂતી માટે ફાયદાકારક હોઈ શકે છે.
ત્વચાની તંદુરસ્તી સુધારે છે
ડોક્ટરે કહ્યું કે જો તમે દરરોજ દૂધ સાથે મખાના મિક્સ કરીને પીવો છો, તો મખાનામાં મળતા એન્ટીઓકિસડન્ટ અને ફ્લેવોનોઇડ્સ ત્વચાને ઓક્સિડેટિવ સ્ટ્રેસથી બચાવવામાં મદદ કરી શકે છે. ઉપરાંત દૂધમાં હાજર પ્રોટીન અને એમિનો એસિડ શરીરમાં કોલેજન નિર્માણને પ્રક્રિયાને સપોર્ટ કરી શકે છે, જે ત્વચાને હેલ્ધી રાખવામાં મહત્વપૂર્ણ ભૂમિકા ભજવે છે.
પાચનતંત્ર સ્વસ્થ રહે છે
મખાનામાં ફાઇબર અને રેસિસ્ટેંટ સ્ટાર્ચ હોય છે, જે આંતરડા માટે ફાયદાકારક બેક્ટેરિયાને પ્રોત્સાહન આપવામાં મદદ કરી શકે છે.જ્યારે ગરમ દૂધ કેટલાક લોકોમાં કબજિયાતની સમસ્યા ઘટાડવામાં પણ મદદગાર થઈ શકે છે.
થાક અને નબળાઇથી રાહત આપે છે
નિષ્ણાતોના જણાવ્યા અનુસાર જો તમે દરરોજ રાત્રે સૂતા પહેલા દૂધમાં મખાના પકાવીને ખાવ છો, તો મખાનામાં હાજર એન્ટીઓક્સિડન્ટ અને દૂધના પ્રોટીન શરીરને લાંબા સમય સુધી ઊર્જા આપે છે. મખાના અને દૂધનું સંયોજન એવા લોકો માટે ઉપયોગી થઈ શકે છે જેઓ આખો દિવસ થાક અનુભવે છે.
એકંદર સ્વાસ્થ્યમાં સુધારો કરે છે
આયુર્વેદમાં મખાનાને શરીર માટે પૌષ્ટિક ખોરાક માનવામાં આવે છે. ડોક્ટરના જણાવ્યા અનુસાર તેનું નિયમિત સેવન ઉર્જા, રોગપ્રતિકારક શક્તિ અને એકંદર સ્વાસ્થ્યને જાળવવામાં મદદ કરી શકે છે.
40 સેકન્ડ સુધી જીભ બહાર કાઢી રાખો તો શું થશે? શરીરમાં જોવા મળશે આવા ફેરફાર
દૂધ અને મખાના લેવાની સાચી રીત
ડો.સલીમના જણાવ્યા અનુસાર એક ગ્લાસ દૂધમાં મુઠ્ઠી ભરેલા મખાના, થોડી એલચી, 2-3 કેસરના તાંતણા અને એક ચમચી દેશી ઘી મિક્સ કરીને તેનું સેવન કરો. રાત્રે સૂવાના લગભગ એક કલાક પહેલા તેને લેવું વધુ સારું માનવામાં આવે છે. તે બાળકો અને કિશોરોને સવારે નાસ્તા સમયે પણ આપી શકાય છે.
મખાનનું દૂધ બનાવવાની રીત
એક કઢાઇમાં ઘી ગરમ કરી તેમાં મખાનાને 2-3 મિનિટ સુધી હળવા હાથે શેકી લો. હવે તેમાં દૂધ, કેસર અને એલચી ઉમેરો અને ધીમા તાપે 5-7 મિનિટ સુધી રાંધી લો. જ્યારે મખાના નવશેકા થાય ત્યારે તેને ચાવો હોય અને દૂધ પી લો.
ડિસ્ક્લેમર : નિયમિતપણે કોઈ પણ ઘરેલું ઉપાય અપનાવતા પહેલા, ખાસ કરીને જો તમને ડાયાબિટીસ, કિડનીની બીમારી, દૂધની એલર્જી અથવા અન્ય કોઈ સ્વાસ્થ્ય સમસ્યા હોય, તો ડોક્ટર અથવા ડાયેટિશિયનની સલાહ લો.
