મનોરંજન ન્યૂઝ | સ્પોર્ટ્સ | નોરા ફતેહી (Nora Fatehi) નું નવું ગીત “સર સર” (Siir Siir) FIFA વર્લ્ડ કપ 2026 (FIFA World Cup 2026) માટે રિલીઝ કરવામાં આવ્યું છે. આ ટ્રેક FIFA વર્લ્ડ કપ 2026 ઓફિશિયલ મ્યુઝિક પ્રોજેક્ટના ભાગ રૂપે M પર રિલીઝ કરવામાં આવ્યો હતો, જે ટુર્નામેન્ટના ઓફિશિયલ આલ્બમમાં શામેલ છે.
નોરા ફતેહીના આ ટ્રેક માટે વિશ્વભરના કલાકારોને એકસાથે લાવવામાં આવ્યા હતા, જે મ્યુઝિક ડાયરેક્ટર સંજય અને ફ્રેન્ચ ગાયક વેગડ્રીમના સહયોગથી બનાવવામાં આવ્યો હતો. આ ગીતને 18 કલાકમાં 6.1 મિલિયન વ્યૂઝ મળી ચૂક્યા છે.
નોરા ફતેહી સીર સીર ફિફા ગીત
આ જાહેરાત 12 જૂને ટોરોન્ટોના આઉટડોર સ્ટેડિયમ, BMO ફિલ્ડ ખાતે FIFA વર્લ્ડ કપ 2026 ના ઉદ્ઘાટન સમારોહમાં નોરા ફતેહી પરફોર્મ કરશે તેની પુષ્ટિ થયાના થોડા દિવસો બાદ જ આવી છે. કતાર વર્લ્ડ કપ દરમિયાન એક ફેન ઇવેન્ટમાં તેના પરફોર્મન્સ પછી, નોરા ફતેહીનું FIFA ખાતે આ બીજું પરફોર્મન્સ હશે.
નોરા ફતેહી માટે આ ગીત ખૂબ જ ખાસ
“સીર સીર” વિશે બોલતા, નોરાએ કહ્યું, “આ ગીત મારા માટે ખૂબ જ ખાસ છે,” તેણે સમજાવ્યું કે આ ટ્રેકની કલ્પના વિવિધ સંસ્કૃતિઓના મિશ્રણ તરીકે કરવામાં આવી હતી અને તેનો ઉદ્દેશ્ય તેની વિશિષ્ટતા જાળવી રાખીને વૈશ્વિક બનવાનો હતો.
નોરા ફતેહી મ્યુઝિકલ પરફોર્મન્સ વિવાદ
કામના મોરચે નોરા તાજેતરમાં એક મ્યુઝિકલ ફિલ્મમાં તેના વાંધાજનક ડાન્સ પરફોર્મન્સને કારણે વિવાદમાં ફસાઈ ગઈ હતી અને તાજેતરમાં જ તેને રાષ્ટ્રીય મહિલા આયોગ સમક્ષ હાજર થવું પડ્યું હતું. તેના પર ” સરકે ચુનાર ” ગીતમાં મહિલાઓને ખોટી રીતે રજૂ કરવાનો આરોપ છે.
આ હિન્દી ગીતના શબ્દો અને સીનની વાંધાજનક અને “બેવડા અર્થવાળા” તરીકે ટીકા કરવામાં આવી હતી, જેના કારણે સોશિયલ મીડિયા અને ધાર્મિક સંગઠનો દ્વારા વ્યાપક વિરોધ કરવામાં આવ્યો હતો. માર્ચમાં ફિલ્માવવામાં આવેલા ગીતના હિન્દી વરઝ્નની એક ઝલક રિલીઝ થઈ ત્યારથી નોરા અને સંજય દત્ત બંને વિશે ટીકા થઇ રહી છે.
બોક્સ ઓફિસ પર જોરદાર કમાણી કર્યા બાદ અવતાર ૩ ઓટીટી પર આવવા તૈયાર, આ પ્લેટફોર્મ પર જુઓ
નોરાએ કહ્યું કે તે ભવિષ્યમાં આવા આઇટમ સોંગ્સ નહીં કરે.નોરાએ લેખિત માફી માંગી હતી, જેમાં જણાવ્યું કે તેનો કોઈને નારાજ કરવાનો કોઈ ઈરાદો નહોતો. ગીતનું હિન્દી વર્ઝન પાછળથી યુટ્યુબ પરથી દૂર કરવામાં આવ્યું હતું. તેણે ભવિષ્યમાં આવા આઇટમ સોંગ્સ નહીં કરવાની પ્રતિજ્ઞા લીધી હતી.
આ બાબતની સ્પષ્ટતા કરતા, નોરાએ જણાવ્યું કે તેણે આ ગીત ત્રણ વર્ષ પહેલાં શૂટ કર્યું હતું. તેણે તેને કન્નડમાં શૂટ કર્યું હતું, પરંતુ ફિલ્મ નિર્માતાઓએ પાછળથી તેને તેની જાણ વગર રિલીઝ કર્યું હતું, જેમાં વાંધાજનક હિન્દી ગીતો અને AI વર્ઝન ઉમેર્યા હતા.
