Legendary Singer Asha Bhosle Dying Information : આશા ભોંસલેનું 92 વર્ષની વયે નિધન થયું છે. આશા ભોંસલે એ મુંબઈની બ્રીચ કેન્ડી હોસ્પિટલમાં અંતિમ શ્વાસ લીધા છે. આ વાતની પુષ્ટિ ગાયિકાના પુત્ર આનંદ ભોંસલેએ કરી છે. હોસ્પિટલમાંથી બહાર આવીને તેમણે પત્રકારોને જણાવ્યું હતું કે મારી માતા આશા ભોંસલેનું આજે નિધન થયું છે. આવતીકાલે સવારે 11 વાગ્યે તેમના ઘરે અંતિમ સંસ્કાર કરવામાં આવશે. આવતીકાલે સાંજે 4 વાગ્યે શિવાજી પાર્કમાં અંતિમ સંસ્કાર કરવામાં આવશે.
#WATCH मुंबई: मशहूर सिंगर आशा भोसले के बेटे आनंद भोसले ने कहा, “मेरी माताजी का आज निधन हो गया है। लोग कल सुबह 11 बजे लोअर परेल के कासा ग्रांडे में उन्हें आखिरी श्रद्धांजलि दे सकते हैं, जहां वे रहती थीं। उनका अंतिम संस्कार कल शाम 4 बजे शिवाजी पार्क में किया जाएगा।” https://t.co/KtCV0UBDJbpic.twitter.com/vn0qZNjEGo
— ANI_HindiNews (@AHindinews) April 12, 2026
તમને જણાવી દઈએ કે દિગ્ગજ ગાયકને શનિવારે ભારે થાક અને છાતીમાં ચેપને કારણે હોસ્પિટલમાં દાખલ કરવામાં આવ્યા હતા. ગાયકના નિધનના સમાચાર બહાર આવતાની સાથે જ ઇન્ડસ્ટ્રીના લોકો અને ચાહકોએ તેમને શ્રદ્ધાંજલિ આપવાનું શરૂ કરી દીધું છે.
આશા ભોંસલે 10 વર્ષની ઉંમરે ગીત ગાવાનું શરૂ કર્યું
પ્રખ્યાત ગાયિકા આશા ભોંસલેએ 10 વર્ષની ઉંમરે ગીત ગાવાનું શરૂ કર્યું હતું અને 1943માં આવેલી મરાઠી ફિલ્મ ‘માઝા બલ’ના ‘ચલા ચલા નવ બાલા’ ગીતથી કારકિર્દીની શરૂઆત કરી હતી. પાંચ વર્ષ પછી, તેમણે ફિલ્મ ‘ચુનારિયા’ (1948) ના ગીત ‘શ્રાવણ આયા’ થી હિન્દી ફિલ્મ ઇન્ડસ્ટ્રીઝમાં પ્રવેશ કર્યો. ફિલ્મ ‘નયા દૌર’ (૧૯૫૭)ના ‘માંગ કે સાથ તુમ્હારા’ અને ‘ઉડે જબ જબ ઝુલ્ફેન તેરી’ ગીતોથી તેઓ ફેમસ થયા હતા.
આ ફિલ્મમાં તેણે મુખ્ય અભિનેત્રી વૈજયંતિમાલા માટે તમામ ગીતોને પોતાનો અવાજ આપ્યો હતો. 1950ના દાયકામાં તેમની બહેન લતા મંગેશકર, શમશાદ બેગમ અને ગીતા દત્ત જેવી સુપ્રસિદ્ધ ગાયિકાઓનું પ્રભુત્વ હતું, ત્યારે ભોંસલેએ તે યુગની અન્ય કોઈ પણ મહિલા ગાયિકા કરતાં વધુ ગીતો રેકોર્ડ કર્યા હતા.
