“જ્યારે લોટરી લાગશે ત્યારે શું થશે…” અક્ષય કુમાર અભિનીત ફિલ્મ મિસ્ટર એન્ડ મિસિસ ખિલાડીના ગીતની આ પંક્તિ તમને યાદ હશે. ગીતના શબ્દો સૂચવે છે કે લોટરી જીતવાથી અઢળક સંપત્તિ મળે છે. અલબત્ત આવું નસીબ તો કોઈક ભાગ્યશાળી વ્યક્તિને જ સાથ આપે છે. અમેરિકાના વર્જિનિયા રાજ્યમાં કંઈક આવું જ બન્યું છે, જ્યાં પતિ દ્વારા આપવામાં આવેલી એક સામાન્ય ભેટ પત્ની માટે જીવન બદલી નાખનારી અને ક્યારેય ન ભૂલાય તેવી સરપ્રાઈઝ બની ગઈ.
પતિએ પોતાની પત્નીને લોટરીની બે ટિકિટ ભેટમાં આપી હતી. જ્યારે પત્નીએ તેમાંથી એક ટિકિટ ઘસી (સ્ક્રેચ કરી) ત્યારે તેનું નસીબ ચમકી ગયું. ટિકિટમાં $577,777 (આશરે ₹5 કરોડ)નું ઈનામ નીકળ્યું. તેમના જીતવાના સમાચાર હવે માત્ર અમેરિકામાં જ નહીં પરંતુ સમગ્ર વિશ્વમાં વાયરલ થઈ ગયા છે.
આ ક્યાં બન્યું?
આશરે ₹5 કરોડનું લોટરી ઈનામ જીતનાર આ મહિલાએ જણાવ્યું છે કે તે આ રકમનો ઉપયોગ દુનિયાભરમાં ફરવા અને નવા અનુભવો માણવા માટે કરવા માંગે છે. વર્જિનિયા લોટરીના અધિકારીઓના જણાવ્યા અનુસાર, આ દંપતી અમેરિકાના બેડફોર્ડ કાઉન્ટીમાં રહે છે. પતિએ વર્જિનિયાના ફોરેસ્ટ વિસ્તારમાં વોટરલિક રોડ પર આવેલા “ક્વિક-ઈ ફૂડ્સ” સ્ટોરમાંથી “ગોલ્ડ 7s” નામની બે સ્ક્રેચ-ઓફ લોટરી ટિકિટ ખરીદી હતી. ઘરે પરત ફરીને તેણે ટિકિટો ટેબલ પર મૂકી અને પત્નીને કહ્યું કે આ તેના માટે ભેટ છે.
આ પણ વાંચો: ‘સરહદ પર અશાંતિ માટે ચીન જ જવાબદાર’; ITBP ચીફના નિવેદન પર વિદેશ મંત્રાલયનું મોટું નિવેદન
ટિકિટ ઘસી અને નસીબ ચમકી ગયું
પતિ તરફથી મળેલી આ ભેટ સામાન્ય લાગતી હતી પરંતુ તે બંનેમાંથી કોઈને પણ ખ્યાલ નહોતો કે તેમાં કેટલી મોટી કિસ્મત છુપાયેલી છે. મહિલાએ પતિ દ્વારા આપેલી ટિકિટો ઘસીને પોતાનું નસીબ અજમાવવાનું નક્કી કર્યું. જ્યારે તેણે ટિકિટ પરના નંબરો ઘસીને જોયા, ત્યારે તેને ખબર પડી કે તેણે આ ગેમનું સૌથી મોટું ઈનામ $577,777 (આશરે 5 કરોડ રૂપિયા)—જીતી લીધું છે.
જીતેલી રકમ સાથે મુસાફરી કરવાની યોજનાઓ
આટલી મોટી રકમ જીત્યા પછીની પોતાની ભવિષ્યની યોજનાઓ વિશે પૂછવામાં આવતા તે મહિલાએ જણાવ્યું કે તે આ રકમનો અમુક હિસ્સો મુસાફરી પાછળ ખર્ચવા માંગે છે. મુસાફરી ઉપરાંત તે અન્ય વિવિધ નવા અનુભવો મેળવવાની પણ આશા રાખે છે.
