Char Dham Yatra : હવામાન વિભાગની ભારે વરસાદની આગાહીના કારણે ચારધામ યાત્રાને 27 સપ્ટેમ્બર સુધી સ્થગિત કરવામાં આવી છે. મોસમ વિભાગે ઉત્તરાખંડમાં આગામી બે દિવસ સુધી ભારે વરસાદ માટે રેડ અને ઓરેન્જ એલર્ટ જાહેર કર્યું છે. અધિકારીઓએ જણાવ્યું હતું કે ચાર ધામ યાત્રા શનિવાર અને રવિવાર માટે સ્થગિત કરવામાં આવી છે.
ગઢવાલ કમિશનર આનંદ સ્વરૂપે આ સંદર્ભે તમામ જિલ્લા મેજિસ્ટ્રેટને પત્ર જાહેર કર્યો છે. પત્રમાં કહેવામાં આવ્યું છે કે હવામાન વિભાગ દ્વારા જાહેર કરવામાં આવેલી આગાહીના આધારે અને દેશ-વિદેશથી આવતા યાત્રાળુઓની સલામતીને ધ્યાનમાં રાખીને વરસાદ માટે રેડ એલર્ટ જાહેર થતા ચાર ધામ યાત્રા શનિવારે બપોરથી રવિવાર સુધી સ્થગિત રાખવામાં આવી છે.
26 અને 27 સપ્ટેમ્બર રેડ અને ઓરેન્જ એલર્ટ જાહેર
કમિશનરે તમામ જિલ્લા મેજિસ્ટ્રેટને તેમના સંબંધિત જિલ્લાઓમાં આ સંદર્ભે જરૂરી કાર્યવાહી કરવા નિર્દેશ આપ્યો છે. પત્રમાં ઉલ્લેખ કરવામાં આવ્યો છે કે જ્યારે હવામાન સામાન્ય થશે ત્યારે યાત્રા ફરી શરૂ કરવામાં આવશે. ભારતીય હવામાન વિભાગ (આઇએમડી) એ 26 અને 27 સપ્ટેમ્બરના રોજ ઉત્તરાખંડના વિવિધ જિલ્લાઓમાં રેડ અને ઓરેન્જ એલર્ટ જાહેર કર્યું છે.
શનિવારે આ પાંચ જિલ્લામાં રેડ એલર્ટ
શનિવારે પાંચ જિલ્લા બાગેશ્વર, પિથોરાગઢ, ચંપાવત, નૈનીતાલ અને ઉધમ સિંહ નગર માટે ભારે વરસાદનું રેડ એલર્ટ જાહેર કરવામાં આવ્યું છે. અન્ય પાંચ જિલ્લા દહેરાદૂન, પૌડી, રુદ્રપ્રયાગ, ચમોલી અને અલ્મોડા માટે ઓરેન્જ એલર્ટ જાહેર કરવામાં આવ્યું છે અને બાકીના ત્રણ જિલ્લાઓ હરિદ્વાર, ઉત્તરકાશી અને ટિહરી માટે યલો એલર્ટ જાહેર કરવામાં આવ્યું છે.
અયોધ્યા રામ મંદિરમાં દાન ચોરી કેસ, કોંગ્રેસે SIT તપાસ પર સવાલ ઉઠાવ્યા
રવિવારે આ ચાર જિલ્લામાં રેડ એલર્ટ
એ જ રીતે રવિવારે દેહરાદૂન, ટિહરી, પૌરી અને હરિદ્વાર સહિત ચાર જિલ્લાઓ માટે રેડ એલર્ટ જાહેર કરવામાં આવ્યું છે, ઉત્તરકાશી, ચમોલી, નૈનીતાલ અને રુદ્રપ્રયાગ સહિત અન્ય ચાર જિલ્લાઓ માટે ઓરેન્જ એલર્ટ જાહેર કરવામાં આવ્યું છે અને બાકીના પાંચ જિલ્લાઓ બાગેશ્વર, અલ્મોડા, ચંપાવત, ઉધમ સિંહ નગર અને પિથોરાગઢ માટે યલ્લો એલર્ટ જાહેર કરવામાં આવ્યું છે.
