દીપિકા પાદુકોણ અને રણવીર સિંહના ઘરમાં ફરી એકવાર કિલકારી ગુંજી છે. આ કપલ બીજી વખત માતાપિતા બન્યા છે. તેમને ઘરે પુત્રીનો જન્મ થયો છે. રાધાષ્ટમીના શુભ દિવસે આ દંપતીને ત્યાં લક્ષ્મીનો જન્મ થયો છે. બંને કલાકારોએ સોશિયલ મીડિયા પર એક કોલૈબોરેશન પોસ્ટ શેર કરતા ચાહકો સાથે આ ખુશખબર શેર કરી હતી.
સોશિયલ મીડિયા પોસ્ટમાં તેમની નાની પુત્રીના પગના નિશાનનો ફોટો અને તેની જન્મ તારીખ દર્શાવવામાં આવી છે. આ ખુશખબરના એક દિવસ પહેલા દીપિકા પાદુકોણ અને રણવીર સિંહે સિદ્ધિવિનાયક મંદિરના દર્શન કરવા પહોંચ્યા હતા. મંદિરમાં દર્શન કરતા તેમના ફોટા અને વીડિયો સોશિયલ મીડિયા પર વાયરલ થયા હતા.
ચાહકો પાઠવી રહ્યા છે અભિનંદન
આ પોસ્ટ દ્વારા દીપિકા અને રણવીરે જણાવ્યું કે તેમના જીવનમાં ફરી એકવાર ખુશીએ દસ્તક દીધી છે. દીપિકા અને રણવીરે પોસ્ટ સાથે ઇવિલ આઈ વાળું ઇમોજી પણ શેર કર્યું છે. દંપતીએ ચાહકો સાથે આ ખુશખબર શેર કરતાની સાથે જ સોશિયલ મીડિયા પર અભિનંદન પાઠવવામાં આવી રહ્યા છે. ચાહકો સાથે ઇન્ડસ્ટ્રીઝના નજીકના મિત્રો પણ તેમને અભિનંદન પાઠવી રહ્યા છે.
રોહિત શેટ્ટીએ ‘ગોલમાલ 5’ ની રિલીઝ ડેટ જાહેર કરી, પોસ્ટરમાંથી અક્ષય કુમાર ગાયબ
2024 માં પ્રથમ પુત્રીનો જન્મ થયો હતો
રણવીર અને દીપિકા બીજી વખત પુત્રીના માતા-પિતા બન્યા છે. અગાઉ તેમના ઘરે 2024માં પુત્રીનો જન્મ થયો હતો. તેમની પહેલી પુત્રીનો જન્મ 8 સપ્ટેમ્બર 2024 ના રોજ થયો હતો. તેઓએ આ માહિતી પણ સોશિયલ મીડિયા દ્વારા શેર કરી હતી. આ દંપતીએ 2018માં ઇટાલીમાં લગ્ન કર્યા હતા.
