જ્યારે પણ આપણે વાહનમાં પેટ્રોલ કે ડીઝલ પુરાવવા જઈએ છીએ ત્યારે આપણું ધ્યાન માત્ર મીટર પરના ‘ઝીરો’ પર જ હોય છે. માત્ર ઝીરો જોઈ લેવાથી ઈંધણની શુદ્ધતાની ખાતરી મળતી નથી. જો ઈંધણમાં કેરોસીન, સોલ્વન્ટ કે અન્ય રસાયણોની ભેળસેળ હોય તો તે વાહનના એન્જિનને કાયમી નુકસાન પહોંચાડી શકે છે. તેથી દરેક ગ્રાહકે ઈંધણની ડેન્સિટી (ઘનતા) વિશે જાણવું જરૂરી છે.
ઘનતા (Density) શું છે?
- ઘનતા એટલે ઈંધણના ચોક્કસ કદ (વોલ્યુમ) નું વજન.
- તેનો ઉપયોગ પેટ્રોલિયમ ઉત્પાદનોની ગુણવત્તા ચકાસવા માટે થાય છે.
- તાપમાન સાથે ઈંધણની ઘનતા બદલાય છે.
ક્યાં તપાસવી જોઈએ ડેંસિટિ?
- દરેક પેટ્રોલ પંપ મશીનમાં ‘ડેન્સિટી મીટર’ નામનું ઉપકરણ હોય છે.
- તે તમારા વાહનમાં ભરાતા ઈંધણની ગુણવત્તા અને શુદ્ધતા માપે છે.
- ડેંસિટિનો મૂળભૂત અર્થ ઈંધણની ઘનત્વ છે.
જો ઈંધણમાં ભેળસેળ હોય તો ઉદાહરણ તરીકે, કેરોસીન અથવા અન્ય પદાર્થોની તો તેની ઘનતા બદલાઈ જાય છે. આથી જ ડેન્સિટી મીટરનું રીડિંગ ઈંધણની ગુણવત્તાનું મુખ્ય સૂચક માનવામાં આવે છે. ઘનતાનું રીડિંગ મશીન પર કિંમત અને જથ્થાની વિગતોની બરાબર બાજુમાં દર્શાવવામાં આવે છે.
આ પણ વાંચો: ઘરના શાકને પણ મળશે રેસ્ટોરન્ટ જેવો ટેસ્ટ, આ 5 સિક્રેટ મસાલા ટ્રિક્સ અજમાવો
પેટ્રોલ અને ડીઝલની ઘનતા કેટલી હોવી જોઈએ?
ઈંધણ ભરાવતી વખતે હંમેશા મશીન પર ઘનતાનું રીડિંગ તપાસો. પેટ્રોલ માટે મશીન પર ઘનતાનું રીડિંગ 730 અને 800 ની વચ્ચે હોવું જોઈએ. ત્યાં જ ડીઝલ માટે રીડિંગ 830 અને 900 ની વચ્ચે હોવું જોઈએ. જો રીડિંગ આ શ્રેણીની બહાર હોય તો તે પેટ્રોલ પંપ પરથી ઈંધણ ખરીદવાનું ટાળો.
