Mumbai Locations to Go to : મુંબઈના ભાગદોડભર્યા જીવનમાંથી થોડો બ્રેક જરુર લેવો જોઈએ. આ માટે તમે વીકેન્ડમાં મિત્રો કે પરિવાર સાથે શહેર અથવા તેની આસપાસના શાનદાર સ્થળોએ સમય પસાર કરી શકો છો. સાંજે સમુદ્ર કિનારે સમય પસાર કરવાનો હોય કે હરિયાળી વચ્ચે આરામથી બેસવાનું હોય, મુંબઈમાં એવી તમામ જગ્યાઓ એવી જ્યાં તમને શાંતિ અને સુકુન બંનેનો અનુભવ થશે.
મરીન ડ્રાઇવ
જો તમે બીચ પર સમય પસાર કરવા માંગો છો, તો મુંબઈની મરીન ડ્રાઇવ એક ઉત્તમ વિકલ્પ બનશે. જ્યાં તમે દરિયના મોજાં, ઠંડી હવા અને સુંદર સૂર્યાસ્તનો આનંદ માણી શકો છો. જો તમને ફોટોગ્રાફીનો શોખ છે, તો આ જગ્યા સારી રહેશે. તમને નજીકમાં ઘણા સ્ટ્રીટ ફૂડ મળશે જે તમે ટ્રાય કરી શકો છો.
ગેટવે ઓફ ઇન્ડિયા
ગેટવે ઓફ ઈન્ડિયા મુંબઈના પ્રખ્યાત સ્થળોમાંથી એક છે. અહીં તમે ફેરી બોટ દ્વારા આસપાસના ટાપુઓની મુલાકાત પણ લઈ શકો છો. મિત્રો સાથે વીકેન્ડ પસાર કરવા માટે આ એક સારું સ્થળ સાબિત થઈ શકે છે. જ્યાં તમને અદભૂત દૃશ્યો જોવા મળશે.
જુહુ બીચ
મુંબઈનો જુહુ બીચ પર્યટકોમાં ખૂબ જ પ્રખ્યાત છે, જ્યાં દરેક વ્યક્તિ ઓછામાં ઓછી એક વાર જવા માંગે છે. આ સ્થળ વીકેન્ડમાં મિત્રો કે ફેમિલી સાથે સમય પસાર કરવા માટે યોગ્ય રહેશે. બીચ પર, તમે વડા પાવ, ભેલપુરી અને પાવ ભાજી જેવા સ્ટ્રીટ ફૂડનો આનંદ માણી શકો છો.
બાંદ્રા-વર્લી સી લિંક
સમુદ્રની ઉપર બનેલો ભવ્ય પુલ બાંદ્રા અને વર્લીને જોડે છે. રાત્રે તેની લાઇટ અને સમુદ્રનું દૃશ્ય જોવા લાયક હોય છે. જે લોકો ડ્રાઇવિંગ અને ફોટોગ્રાફીના શોખીન છે તેઓ અહીં ફરવાનું પસંદ કરે છે. જો તમે વીકેન્ડને ખાસ બનાવવા માંગતા હો તો તમે સાંજે આ સુંદર સ્થળના નજારો જોઈ શકો છો.
સંજય ગાંધી નેશનલ પાર્ક
જો તમે હરિયાળી, વન્યજીવન અને શાંત વાતાવરણનો આનંદ માણવા માંગો છો તો સંજય ગાંધી નેશનલ પાર્ક શ્રેષ્ઠ સ્થળ સાબિત થશે. અહીં તમને પ્રકૃતિની વચ્ચે સમય પસાર કરવાની તક મળશે. ઉદ્યાનની અંદર કન્હેરી ગુફાઓ પણ છે જે પ્રવાસીઓને આકર્ષિત કરે છે. તમે આ શાનદાર સ્થળે પણ સમય પસાર કરી શકો છો.
કેદારનાથ યાત્રા પર જઇ રહ્યા છો તો આસપાસના આ 5 સુંદર સ્થળોને પણ કરો એક્સપ્લોર
કાર્ટર રોડ
મુંબઈના બાંદ્રા વિસ્તારમાં આવેલું કાર્ટર રોડ મોર્નિંગ જોગિંગ અને મિત્રો સાથે સમય પસાર કરવા માટે ઉત્તમ છે. જો તમને શાંત વાતાવરણ અને સમુદ્ર પાસે સમય પસાર કરવો ગમે છે, તો તમે મિત્રો સાથે અહીં વીકેન્ડમાં પ્રવાસનું આયોજન કરી શકો છો.
પોવાઈ ઝીલ
મુંબઈના સુંદર અને શાંત સ્થળોમાંથી એક પોવાઈ ઝીલ શહેરની ધમાલથી દૂર શાંતિની અનુભુતિ કરાવે છે. આ એક આર્ટિફિશિયલ ઝીલ છે. જ્યાં સાંજનો નજારો વધારે આકર્ષક બને છે.
ચોમાસા દરમિયાન આ સ્થળોની સુંદરતા વધે છે, મિત્રો કે ફેમિલી સાથે સમય પસાર કરવાથી લઈને અદ્ભુત સ્ટ્રીટ ફૂડનો આનંદ માણવા સુધી. અહીં તમે વીકેન્ડને મનોરંજક બનાવી શકો છો.
