અમદાવાદમાં ‘વિશ્વ યોગાસન ચેમ્પિયનશિપનું આયોજન’, પીએમ મોદીએ કહ્યું- વિશ્વના રમતગમત વારસામાં વધુ એક નવો અધ્યાય

અમદાવાદમાં 4 જૂનથી 8 જૂન દરમિયાન પહેલી વિશ્વ યોગાસન ચેમ્પિયનશિપનું આયોજન કરવામાં આવી રહ્યું છે. ગુરુવારે સાંજે વડા પ્રધાન નરેન્દ્ર મોદીએ વર્ચ્યુઅલ માધ્યમ દ્વારા પહેલી વિશ્વ યોગાસન ચેમ્પિયનશિપ-2026 ના પ્રારંભની સત્તાવાર જાહેરાત કરી હતી.

પ્રથમ વિશ્વ યોગાસન ચેમ્પિયનશિપ

પ્રધાન પ્રધાન નરેન્દ્ર મોદીએ પોતાના સંબોધનમાં કહ્યું, “અમદાવાદની ધરતી પરથી વિશ્વના રમતગમત વારસામાં વધુ એક નવો અધ્યાય ઉમેરવામાં આવી રહ્યો છે. પ્રથમ વિશ્વ યોગાસન ચેમ્પિયનશિપ શરૂ થઈ રહી છે. આ ચેમ્પિયનશિપમાં ભાગ લેવા માટે ભારત આવેલા તમામ સહભાગીઓનું હું સ્વાગત કરું છું, અને તેમને મારી શુભકામનાઓ પાઠવું છું. અમદાવાદ યુનેસ્કો વર્લ્ડ હેરિટેજ સિટી છે. આ ઐતિહાસિક ભારતીય શહેરમાં આ કાર્યક્રમનું આયોજન ખૂબ ગર્વની વાત છે.” 

તેમણે વધુંમાં કહ્યું કે 21 જૂનને આંતરરાષ્ટ્રીય યોગ દિવસ તરીકે ઉજવવામાં આવશે. આ દિવસે વિશ્વભરના વિવિધ દેશોમાં યોગ સંબંધિત કાર્યક્રમો યોજાશે. આ વર્ષે મુખ્ય કાર્યક્રમ બીજા એક ઐતિહાસિક ભારતીય શહેર કોલકાતામાં યોજાશે. આંતરરાષ્ટ્રીય યોગ દિવસ પહેલા આયોજિત વિશ્વ યોગાસન ચેમ્પિયનશિપ આરોગ્ય અને સુખાકારીના ‘ડબલ ડોઝ’ તરીકે સેવા આપે છે.

Addressing the Yogasana World Championship in Ahmedabad. Yoga is India’s timeless reward to humanity! Uniting thoughts, physique and spirit, it evokes a more healthy, extra harmonious world.@yogasanabharat@worldyogasanahttps://t.co/wEFbJoWTn9

— Narendra Modi (@narendramodi) June 4, 2026

પ્રધાનમંત્રીએ કહ્યું કે, “એક દાયકા પહેલા ભારતે સંયુક્ત રાષ્ટ્ર સમક્ષ આંતરરાષ્ટ્રીય યોગ દિવસ સ્થાપિત કરવાનો પ્રસ્તાવ રજૂ કર્યો હતો. અમે આ પ્રાચીન ભારતીય પરંપરાને સમગ્ર માનવતાના સ્વાસ્થ્ય અને સામૂહિક સુખાકારી સાથે જોડવાનો પ્રયાસ કર્યો હતો. સંયુક્ત રાષ્ટ્રમાં 190 રાષ્ટ્રોએ ભારતના પ્રસ્તાવને ટેકો આપ્યો. એ જોઈને આનંદ થાય છે કે લાખો લોકોએ હવે યોગને તેમના જીવનનો અભિન્ન ભાગ બનાવ્યો છે. ધ્યાન અને પ્રાણાયામ તેમની જીવનશૈલીના તાણાવાણામાં વણાઈ રહ્યા છે.”

પીએમ મોદીએ વધુમાં જણાવ્યું હતું કે, “દરેક જીવંત પરંપરા આખરે ઉત્ક્રાંતિના એક નવા તબક્કામાં પ્રવેશ કરે છે. આ વિશ્વ યોગાસન ચેમ્પિયનશિપ આવા જ તબક્કાની શરૂઆત દર્શાવે છે. આ ચેમ્પિયનશિપ દ્વારા, યોગાસનને સ્પર્ધાત્મક રમત તરીકે એક નવી ઓળખ મળશે. મને વિશ્વાસ છે કે, ભવિષ્યમાં, યોગાસન મુખ્ય આંતરરાષ્ટ્રીય રમતગમત કાર્યક્રમોમાં પોતાનું યોગ્ય સ્થાન મેળવશે પછી ભલે તે ઓલિમ્પિક્સ હોય કે અન્ય કોઈપણ બહુ-રમતગમત સ્પર્ધા. આપણા પ્રયાસો જેટલા વધુ હશે, તેટલા વધુ ફળદાયી પરિણામો મળશે. હાલમાં અમદાવાદમાં ચાલી રહેલી પ્રથમ વિશ્વ યોગાસન ચેમ્પિયનશિપ આ યાત્રામાં મુખ્ય ભૂમિકા ભજવવા માટે તૈયાર છે.”

ગુજરાત રાજ્યસભા ચૂંટણી માટે ઉમેદવારોના નામ જાહેર, માનસિંહ પરમાર અને રાજુ શુક્લા સહિત આ ચહેરાઓ મેદાનમાં

પ્રધાનમંત્રીએ જણાવ્યું હતું કે ભારત સરકારના આયુષ મંત્રાલયે ‘યોગ 365’ શરૂ કર્યું છે. “હું આ વિશ્વ યોગાસન ચેમ્પિયનશિપમાં ભાગ લેનારા તમામ ખેલાડીઓને પણ વિનંતી કરીશ. જ્યારે તમે પોતપોતાના દેશોમાં પાછા ફરો ત્યારે યોગનો સંદેશ તમારી સાથે લઈ જાઓ. તમે બધા તમારા દેશોમાં ‘યોગ 365’ના રાજદૂત બની શકો છો. તમારા અનુભવો અને તમારી દૃઢતા સમગ્ર વિશ્વને આ સંદેશ સાથે જોડી શકે છે.”

તેમણે કહ્યું કે, “આ સ્પર્ધામાં કોણ વિજયી બને છે તે ધ્યાનમાં લીધા વિના ફક્ત તેમાં ભાગ લઈને તમે બધા પહેલાથી જ પોતાને ચેમ્પિયન સાબિત કરી ચૂક્યા છો. તમારી પ્રતિભા અને તમારી શિસ્ત વિશ્વભરના યુવાનોને પ્રેરણા આપશે. આ શુભેચ્છાઓ સાથે હું બધા સહભાગીઓ અને આયોજકોને મારા હૃદયપૂર્વક અભિનંદન આપું છું.” પોતાના સંબોધનના સમાપન કરતાં પ્રધાનમંત્રીએ પ્રથમ વિશ્વ યોગાસન ચેમ્પિયનશિપ 2026 અમદાવાદ ઓપનની શરૂઆતની જાહેરાત કરી.