મીશો પર આફત! ₹1500 કરોડની ટેક્સ નોટિસ અને 10% તૂટ્યા શેર, રોકાણકારોએ શું કરવું જોઈએ?

મનીકંટ્રોલના રિપોર્ટ અનુસાર, કંપનીનું કહેવું છે કે તે આ નોટિસ સાથે સંમત નથી, તેમાં કરવામાં આવેલી કેટલીક ટિપ્પણીઓ અને એડજસ્ટમેન્ટ્સ પર વાંધો છે. મીશોએ જણાવ્યું છે કે તેની પાસે કાનૂની અને તથ્યોના આધારે મજબૂત આધાર છે, તેથી તે આ ડિમાન્ડને કોર્ટ અથવા અપીલમાં પડકારશે. કંપનીનો દાવો છે કે આ નોટિસ તેની નાણાકીય સ્થિતિ, બિઝનેસ ઓપરેશન્સ અથવા અન્ય પ્રવૃત્તિઓ પર કોઈ મોટી નકારાત્મક અસર કરશે નહીં. આ પહેલી વખત નથી. અગાઉ અસેસમેન્ટ યર 2022-23 માટે પણ ₹572 કરોડની આવી જ ડિમાન્ડ નોટિસ આવી હતી, જેના પર કર્ણાટક હાઈકોર્ટે એપ્રિલ 2025માં સ્ટે (રોક) લગાવી દીધો હતો અને કેસ હજુ પેન્ડિંગ છે. મીશોનું કહેવું છે કે, તે આ નવી નોટિસને પણ કાયદેસર રીતે લડી રહી છે.

મીશોના શેર IPO પ્રાઇસ ₹111થી હજુ પણ 22-23% ઉપર છે, પરંતુ પોસ્ટ-લિસ્ટિંગ હાઈ ₹254થી 44% નીચે છે. 2026માં અત્યાર સુધી શેર 21% ઘટી ચૂક્યા છે. કંપનીની માર્કેટ કેપ લગભગ ₹64,700 કરોડ છે. રોકાણકારો હવે ટેક્સ કેસની આગળની સુનાવણી, કંપનીની અપીલ અને બજારના મૂડ પર નજર રાખી રહ્યા છે. ટેક્સ ડિમાન્ડ નોટિસ અને લોક-ઇન એક્સપાયરીને કારણે મીશોના શેરમાં આજે ભારે ઘટાડો થયો છે. કંપનીએ કહ્યું છે કે તે મજબૂતીથી લડી રહી છે અને બિઝનેસ પર કોઈ મોટી અસર પડશે નહીં.

વ્હેલબુકના એનાલિસ્ટ્સનું માનવું છે કે, ભારતમાં ઈ-કોમર્સના ઝડપી વિકાસ અને મજબૂત માર્કેટ પોઝિશનને કારણે મીશોની કમાણી આગળ પણ વધી શકે છે, પરંતુ કંપની માટે નફામાં આવવું હજુ મોટો પડકાર છે અને અંદાજ છે કે કંપની FY2028 સુધી જ બ્રેક-ઇવન પર પહોંચી શકશે. આ ઉપરાંત ચાલુ ટેક્સ વિવાદ અને શેર લોક-ઇન પૂરો થવાથી શેર પર દબાણ રહી શકે છે. આવી સ્થિતિમાં શેરમાં જલ્દી મોટી રિકવરી એ વાત પર આધાર રાખે છે કે કંપની કાનૂની પડકારોને કેવી રીતે સંભાળે છે અને નફાનો સ્પષ્ટ રસ્તો બતાવી શકે છે કે નહીં.