Final Up to date:
IPL 2026ની શરૂઆત 28 માર્ચથી થશે, ફાઇનલ 31 મેના રોજ. BCCI અને IPL ગવર્નિંગ કાઉન્સિલ શેડ્યૂલ અંગે અંતિમ નિર્ણય લેશે, ચૂંટણીના કારણે વિલંબ થયો છે.
હાલ ભારત અને શ્રીલંકાની સંયુક્ત યજમાનીમાં ટી20 વર્લ્ડ કપ 2026 રમાઈ રહ્યો છે, જેને લઈને ઇન્ડિયન પ્રીમિયર લીગની આગામી સિઝન એટલે કે, IPL 2026ને લઈને ફેન્સ વધુ ચર્ચા કરી રહ્યાં નથી. પરંતુ અમે તમને જણાવી દઈએ કે, IPLની આગામી સિઝનની શરૂઆત ક્યારથી થશે. સામે આવેલા નવા રિપોર્ટમાં જણાવવામાં આવ્યું છે કે, ટુર્નામેન્ટ શરૂ થવાની તારીખ બદલાઈ ગઈ છે. ત્યારે આવો જાણીએ કે, શેડ્યૂલને લઈને શું છે નવી અપડેટ.
ESPNcricinfoમાં છપાયેલા રિપોર્ટ અનુસાર 2026 આઈપીએલની શરૂઆત 28 માર્ચથી થશે. આગળ કહેવામાં આવ્યું છે કે, ભારતીય ક્રિકેટ કન્ટ્રોલ બોર્ડ એટલે કે BCCIએ જણાવ્યું કે, પહેલા નક્કી કરવામાં આવ્યું હતું કે, ટુર્નામેન્ટની શરૂઆત 2 દિવસ પહેલા એટલે કે 26 માર્ચથી થશે. આઈપીએલ તરફથી 15 ડિસેમ્બરે તમામ ફ્રેન્ચાઇઝીઓને જણાવી દેવામાં આવ્યું હતું કે, આગામી સિઝનની ટુર્નામેન્ટની શરૂઆત 26 માર્ચથી થશે.
આગળ જણાવવામાં આવ્યું કે, 28 માર્ચથી શરૂ થનાર ટુર્નામેન્ટની ખિતાબી મેચ 31 મેના રોજ રમાશે. એવામાં માનવામાં આવી રહ્યું છે કે, આઈપીએલ ગવર્નિંગ કાઉન્સિલ આગામી અઠવાડિયે મિટિંગ કરશે. જેથી શેડ્યૂલ જાહેર કરવાની યોજનાને અંતિમ રૂપ આપી શકાય. અસમ, પશ્ચિમ બંગાળ, તમિલનાડુમાં વિધાનસભાની ચૂંટણીની તારીખો જાહેર ન થવાના કારણે શેડ્યૂલમાં વિલંબ થયો છે.
કેમ કે કોલકાતા (પશ્ચિમ બંગાળ) અને ચેન્નઈ (તમિલનાડુ) ક્રમશ: કોલકાતા નાઇટ રાઇડર્સ અને ચેન્નઈ સુપર કિંગ્સનું હોમ ગ્રાઉન્ડ છે. જ્યારે અસમની રાજધાની ગુવાહાટી રાજસ્થાન રોયલ્સનું બીજું હોમ ગ્રાઉન્ડ છે.
2008માં આઈપીએલની શરૂઆત બાદ જ્યારે પણ દેશમાં સામાન્ય ચૂંટણી થઈ છે, કે કોઈ રાજ્યમાં વિધાનસભા ચૂંટણી થઈ, તો શેડ્યૂલ બે ભાગમાં જાહેર કરવામાં આવ્યું. આ વખતે પણ એવું જોવા મળી શકે છે. જો કે, બીજી વાત એ પણ છે કે, હાલ બીસીસીઆઈ તરફથી કોઈ સત્તાવાર અપડેટ આવ્યું નથી. હવે એ જોવું રસપ્રદ હશે કે, બીસીસીઆઈ તરફથી શેડ્યૂલ ક્યારે જાહેર કરવામાં આવે છે.
Feb 27, 2026 11:09 PM IST
