નિવેદનમા શું કહેવામાં આવ્યું?- કંપનીઓ દ્વારા આપવામાં આવેલી માહિતી અનુસાર, આ મર્જરનો ઉદ્દેશ્ય ઓપરેશનલ સિનર્જી વધારવી, ખર્ચ ઘટાડવો અને સંસાધનોનો વધુ સારી રીતે ઉપયોગ કરવાનો છે. આનાથી પશ્ચિમ ભારતમાં અંબુજા સિમેન્ટ્સની ઉત્પાદન ક્ષમતા અને વિતરણ નેટવર્ક મજબૂત થવાની અપેક્ષા છે. ગુજરાત અને રાજસ્થાન જેવા મુખ્ય બજારોમાં અંબુજાનો પગપેસારો વધુ મજબૂત થઈ શકે છે. સાંઘી ઇન્ડસ્ટ્રીઝ ગુજરાત સ્થિત સિમેન્ટ કંપની છે જે કચ્છ ક્ષેત્રમાં એક મોટું ઉત્પાદન એકમ ધરાવે છે. કંપની પાસે ચૂનાના પથ્થરના મોટા ભંડાર છે, જેનો અંબુજા સિમેન્ટ્સ હેઠળ વધુ સારી રીતે ઉપયોગ કરી શકાય છે. દેશની અગ્રણી સિમેન્ટ કંપનીઓમાંની એક, અદાણી ગ્રુપ દ્વારા સંપાદન પછી, અંબુજા સિમેન્ટ્સ ઝડપથી વિસ્તરી રહી છે.
