Final Up to date:
PM Modi Malaysia Go to: ભારતના વડાપ્રધાન નરેન્દ્ર મોદી 2 દિવસના પ્રવાસે મલેશિયા પહોંચ્યા છે. અહીં એરપોર્ટ પર પીએમ મોદીનું સ્વાગત કરવા માટે મલેશિયાના વડાપ્રધાન અનવર ઇબ્રાહિમ પોતે પહોંચ્યા હતા. તેઓએ વડાપ્રધાન નરેન્દ્ર મોદીનું ઉષ્માભર્યું સ્વાગત કર્યું હતું.
PM Modi arrives in Malaysia: ભારતના વડાપ્રધાન નરેન્દ્ર મોદી 2 દિવસના પ્રવાસે મલેશિયા પહોંચ્યા છે. અહીં એરપોર્ટ પર પીએમ મોદીનું સ્વાગત કરવા માટે મલેશિયાના વડાપ્રધાન અનવર ઇબ્રાહિમ પોતે પહોંચ્યા હતા. તેઓએ વડાપ્રધાન નરેન્દ્ર મોદીનું ઉષ્માભર્યું સ્વાગત કર્યું હતું. જે બાદ તેઓએ પીએમ મોદીને પોતાની કારમાં બેસાડ્યા હતા. પીએમ મોદી અને અન્વર ઇબ્રાહિમે કારમાં સેલ્ફી પણ લીધી હતી. ત્યારબાદ બંને કુઆલાલમ્પુર ખાતે એક કાર્યક્રમમાં પહોંચ્યા હતા.
કુઆલાલમ્પુર ખાતે PM મોદીએ સભાને સંબોધિત કરતાં કહ્યું કે, ‘સૌ પ્રથમ, હું મારા પ્રિય મિત્ર વડાપ્રધાન અન્વર ઇબ્રાહિમનો આ કાર્યક્રમમાં સામેલ થવા બદલ આભાર માનું છું. PM અનવર ઇબ્રાહિમ પોતે એરપોર્ટ પર મારું સ્વાગત કરવા આવ્યા હતા. તેઓ મને તેમની કારમાં અહીં લાવ્યા. એટલું જ નહીં, તેઓએ મને તેમની સીટ પર પણ બેસાડ્યો. મોદીએ કહ્યું કે, આ ખાસ સન્માન ભારત અને ભારતીય સમુદાય પ્રત્યેના તેમના પ્રેમ અને આદરને દર્શાવે છે. તમારા સ્નેહપૂર્ણ શબ્દો, આતિથ્ય અને મિત્રતા માટે હું આભારી છું.’
પીએમ મોદીએ કહ્યું કે, ‘મિત્રો, અમે હમણાં જ એક ઐતિહાસિક સાંસ્કૃતિક પ્રસ્તુતિ જોઈ, જેમાં 800 નર્તકોએ પૂર્ણ સામંજસ્ય સાથે નૃત્ય કર્યું. આ પ્રસ્તુતિ અમારી જનતાને હંમેશા યાદ રહેશે. હું તમારા બધાને અને પ્રસ્તુતિના તમામ સહભાગીઓને અભિનંદન આપું છું.’
તેમણે કહ્યું કે, ‘મિત્રો, વડાપ્રધાન અન્વર ઇબ્રાહિમ અને હું તેમના વડાપ્રધાન બન્યા પહેલાંથી જ મિત્ર છીએ. ગયા વર્ષે હું ASEAN સમિટ માટે મલેશિયા આવી શક્યો નહોતો, પરંતુ મેં મારા મિત્રને વચન આપ્યું હતું કે હું જલ્દી જ મલેશિયા આવીશ. આજે હું મારું વચન પૂરું કરવા આવ્યો છું. વર્ષ 2026માં આ મારી પહેલી વિદેશયાત્રા છે.’
પીએમ મોદીએ કહ્યું કે, તમે રોટી ચણાઈને મલબાર પરોઠા સાથે જોડી દીધી છે. નારિયેળ, મસાલા અને ચા પણ આપણા સંબંધને જોડે છે. કુઆલાલમ્પુર હોય કે કોચી, સ્વાદ સમાન છે. અમે એકબીજાને સારી રીતે સમજીએ છીએ, કદાચ કારણ કે આપણી ભાષાઓ અને મલય ભાષામાં ઘણા શબ્દો સમાન છે. મોદીએ કહ્યું કે, મેં એ પણ કહ્યું કે મેં સાંભળ્યું છે કે ભારતીય સંગીત અને ફિલ્મો મલેશિયામાં ખૂબ લોકપ્રિય છે. તમે બધા જાણો છો કે વડાપ્રધાન અન્વર ઇબ્રાહિમ ખૂબ સારું ગાય છે, પરંતુ ભારતમાં ઘણા લોકોને આ વાતની ખબર નહોતી. ભારતની તેમની છેલ્લી મુલાકાત દરમિયાન જ્યારે તેમણે એક જૂનું હિન્દી ગીત ગાયું હતું, ત્યારે તેનો વીડિયો સોશિયલ મીડિયા પર વાયરલ થયો હતો. આ ખૂબ સારી વાત છે કે તેમને મહાન એમજીઆરના તમિલ ગીતો પણ ખૂબ પસંદ છે.
પીએમ મોદીએ કહ્યું કે, હું આ અવસર પર મલેશિયામાં નેતાજી સેવા કેન્દ્ર અને નેતાજી કલ્યાણ ફાઉન્ડેશનના પ્રયાસોને પણ સલામ કરું છું. ભારત અને મલેશિયા વચ્ચેની સાંસ્કૃતિક વિરાસતને વધુ મજબૂત કરવા માટે ભારત જલ્દી જ એક તિરુવલ્લુવર કેન્દ્ર સ્થાપિત કરશે.
ભારત-મલેશિયા સંબંધો દર વર્ષે નવી ઊંચાઈઓને સ્પર્શી રહ્યા છે. 2024માં મલેશિયાના વડાપ્રધાન અન્વર ઇબ્રાહિમની નવી દિલ્હી મુલાકાત દરમિયાન, બંને દેશોએ તેમના સંબંધોને વ્યાપક વ્યૂહાત્મક ભાગીદારીના સ્તર સુધી વધાર્યા. આજે, બંને રાષ્ટ્રો પ્રગતિ અને સમૃદ્ધિમાં ભાગીદાર તરીકે સાથે મળીને કામ કરી રહ્યા છે અને એકબીજાની સફળતાઓને પોતાની સફળતાઓ તરીકે ઉજવી રહ્યા છે.
