Final Up to date:
શુક્રવારથી સોમવાર સુધી ચાલનારું આ તોફાન તેની પાછળ 1 ફૂટથી વધારે બરફ અને જીવલેણ જામેલો બરફ છોડતું જશે.
વોશિંગ્ટન: અમેરિકામાં હાલમાં મૌસમ વૈજ્ઞાનિકોમાં ફફડાટ છે. હાલમાં જ કુદરતના કહેરની ચેતવણી જાહેર કરવામાં આવી છે. જેમાં 23 કરોડથી વધારે લોકોના માથે સફેદ મોત મંડરાઈ રહ્યું છે. આ વોર્નિંગ વિન્ટર સ્ટોર્મ ફર્નને લઈને છે. જે કેટલાય રાજ્યોમાં તબાહી મચાવશે. દાવો કરવામાં આવી રહ્યો છે કે આ વખતે ગત વર્ષની તુલનાએ બધા રેકોર્ડ તૂટવાના છે. આ તોફાનના કારણે માણસોનું બહાર નીકળવાનું મુશ્કેલ થઈ જશે. કહેવાય છે કે આ સફેદ તોફાનનો સામનો કરનારું શરીર 10 મિનિટમાં ફ્રોસ્ટબાઈટની ચપેટમાં આવી જશે.
આ કોઈ મામૂલી બરફવર્ષા નહીં પણ આ બરફ, જામી જાય તેવો વરસાદ અને આર્કટિક કોલ્ડનું જીવલેણ મિશ્રણ છે, જે સમગ્ર અમેરિકાને ઠપ કરી દેશે. કહેવાય છે કે આ ભયાનક તોફાન 2300 માઈલ લાંબા મોતનો રસ્તો નક્કી કરે છે, એટલે કે તેની ચપેટમાં ટેક્સાસથી લઈને ન્યૂયોર્ક સુધી, લગભગ 15 રાજ્યો આવવાના છે. આવનારો ખતરો જોતા અહીંની સરકારોએ સ્ટેટ ઓફ ઇમરજન્સી ઘોષિત કરી દીધી છે.
ન્યૂયોર્ક સિટી અને ફિલાડેલ્ફિયા જેવા શહેરોમાં છેલ્લા 4 વર્ષની સૌથી મોટી બરફવર્ષા થવાની આશંકા છે. રવિવારનો દિવસ આ શહેરો માટે સૌથી ખતરનાક હશે. જ્યારે બરફવાળા તોફાનની ગતિ અને તીવ્રતા તેની ચરમ પર હશે.
શુક્રવારથી સોમવાર સુધી ચાલનારું આ તોફાન તેની પાછળ 1 ફૂટથી વધારે બરફ અને જીવલેણ જામેલો બરફ છોડતું જશે. આ ખતરાને જોતા શનિવારે 1400થી વધારે ફ્લાઇટ રદ થઈ ચૂકી છે. ડલાસ અને ફોર્ટવર્થ જેવા મોટા એરપોર્ટ પર સન્નાટો છવાયેલો છે.
આ ઉપરાંત ભારે બરફના કારણે વીજળીની લાઈનો તૂટવાનો ખતરો છે. દક્ષિણના રાજ્યોમાં 2 ઇંચ સુધી બરફની પરત જામી શકે છે. તેના કારણે હજારો લોકો અંધારામાં રહેવા મજબૂર થશે.
આ તોફાન સાથે પોલર વોર્ટેક્સની ઠંડી હવા પણ મિક્સ થઈ જશે એટલે કે ડબલ તબાહી આવશે. શિકાગો અને મિડવેસ્ટના વિસ્તારમાં તાપમાન -30થી -46 ડિગ્રી સુધી તાપમાન જઈ શકે છે. આટલી ઠંડીમાં ખાલી 10 મિનિટ બહાર રહ્યા તો ફ્રોસ્ટબાઈટનો ખતરો છે. એટલે કે માણસનું શરીર ખોટું પડી જશે. ફ્રોસ્ટબાઈટની ચપેટમાં આવેલા શરીરના અંગ કાળા પડી જાય છે. કન્ડિશન વધારે સીરિયસ થવા પર ફ્રોસ્ટબાઈટ અંગોને ઓગાળી નાખે છે.
Jan 23, 2026 11:52 PM IST
