Inventory Market Vacation for New 12 months 2026 : 1 જાન્યુઆરી, ગુરુવારથી નવું વર્ષ 2026 શરૂ થઇ રહ્યું છે. આ દિવસ વિશે રોકાણકારો અને ટ્રેડરોના મનમાં સૌથી મોટો સવાલ એ છે કે 1 જાન્યુઆરી તારીખે શેરબજાર ચાલુ છે કે બંધ? દર વર્ષની જેમ, ન્યુ યરના પ્રથમ દિવસે સ્ટોક માર્કેટની રજા વિશે મૂંઝવણ છે, કારણ કે ઘણા લોકો તેને રાષ્ટ્રીય રજા માને છે, જ્યારે કેટલાક તેને સામાન્ય ટ્રેડિંગ દિવસ તરીકે જુએ છે.
આવી સ્થિતિમાં, જો તમે પણ શેરબજારમાં રોકાણ કરો છો, સ્ટોક ટ્રેડિંગ કરો છો અથવા કોઈ મહત્વપૂર્ણ રોકાણના નિર્ણયની રાહ જોઈ રહ્યા છો, તો માર્કેટ સ્ટેટ્સ જાણવું ખૂબ જ મહત્વપૂર્ણ બની જાય છે. શેરબજાર માટે પણ હોલીડે કેલેન્ડર હોય છે, જેમા ક્યાં તારીખે અને ક્યા અવસર નિમિત્તે શેરબજારમાં ટ્રેડિંગ બંધ રહેશે તેની જાણકારી આપેલી હોય છે. સામાન્ય રીતે પ્રત્યેક શનિવાર અને રવિવારે શેરબજારમાં રજા હોય છે. અહીં અમે તમને 1 જાન્યુઆરીએ શેરબજાર ચાલુ છે કે નહીં તેની માહિતી આપીશું.
1 જાન્યુઆરી, 2026 ના રોજ શેરબજાર ચાલુ છે?
1 જાન્યુઆરી, 2026 ના રોજ ઇક્વિટી ટ્રેડિંગ માટે શેરબજાર બંધ રહેશે નહીં. બોમ્બે સ્ટોક એક્સચેન્જ (બીએસઈ) અને નેશનલ સ્ટોક એક્સચેન્જ (એનએસઈ) બંને દ્વારા બહાર પાડવામાં આવેલી 2026 ની શેરબજારની હોલિડે લિસ્ટ 2026 મુજબ, નવા વર્ષના દિવસને ઇક્વિટી સેગમેન્ટ માટે રજા તરીકે શામેલ કરવામાં આવ્યો નથી, એટલે કે ગુરુવાર, 1 જાન્યુઆરી, 2026 ના રોજ, રોકાણકારો હંમેશની જેમ શેર ખરીદી અને વેચી શકશે.
કયા સેગમેન્ટ્સમાં ટ્રેડિંગ ચાલુ રહેશે?
નવા વર્ષે ઇક્વિટી, ઇક્વિટી ડેરિવેટિવ્ઝ અને કરન્સી ડેરિવેટિવ્ઝ સેગમેન્ટ્સમાં રાબેતા મુજબ ટ્રેડિંગ કામકાજ ચાલુ રહેશે. આનો અર્થ એ છે કે શેર, ફ્યુચર-ઓપ્શન અને કરન્સી ટ્રેડિંગમાં કોઈ અવરોધ ઉભો નહીં થાય.
/filters:format(webp)/indian-express-gujarati/media/media_files/2025/12/31/bse-trading-holidays-list-for-2026-2025-12-31-17-41-21.jpg)
કયા સેગમેન્ટમાં 1 જાન્યુઆરીએ રજા રહેશે?
1 જાન્યુઆરી, 2026 ના રોજ એનએસઈ નો માત્ર કોમોડિટી ડેરિવેટિવ્ઝ સેગમેન્ટ બંધ રહેશે. જાન્યુઆરી મહિનામાં શેરબજારનું પ્રથમ સંપૂર્ણ ટ્રેડિંગ હોલિડે 26 જાન્યુઆરી, 2026 (સોમવાર) પ્રજાસત્તાક દિવસના અવસર પર હશે. આ દિવસે એનએસઈ અને બીએસઈના તમામ સેગમેન્ટમાં ટ્રેડિંગ બંધ રહેશે.
