દેવભૂમિ દ્વારકાના ભાણવડમાં બરડા ડુંગરમાં ધમધમતી દેશી દારૂની ભઠ્ઠીઓ પર પોલીસે ડ્રોન કેમેરાની મદદથી મોટી કાર્યવાહી કરી છે. ધામણી નેસ પાસેના ચેકડેમ નજીક ચાલતા દારૂના અડ્ડાઓ પર પોલીસે દરોડા પાડ્યા છે. આ દરમિયાન દારૂ બનાવવાનો કાચો આથો અને સાધનો મળી કુલ 1.32 લાખનો મુદ્દામાલ જપ્ત કર્યો છે. આ દરોડા ડ્રોન કેમેરાની મદદથી પાડવામાં આવ્યા હતા. પહેલા ડ્રોન ટેકનોલોજીના ઉપયોગથી દારૂના અડ્ડાઓ શોધવામાં આવ્યા, બાદમાં પોલીસે અચાનક દરોડા પાડ્યા હતા. જોકે, ડુંગરાળ વિસ્તારનો લાભ લઈ આરોપીઓ નાસી છૂટવામાં સફળ રહ્યા હતા.
Source link
