Holi 2026 : હોળી રંગો અને ખુશીઓનો તહેવાર છે. આ દિવસે લોકો રંગ અને ગુલાલથી ઉત્સાહ સાથે હોળી રમે છે. ઘણા લોકો આ દિવસે સ્વાદિષ્ટ મીઠાઈ પણ બનાવે છે. અહીં અમે તમને 3 પ્રકારની મીઠાઈ વિશે જણાવીશું, જેને તમે હોળીના અવસર પર તમારા ઘરે સરળતાથી બનાવી શકો છો.
માલપુઆ
માલપુઆ બિહાર-યુપી સહિત ઘણા રાજ્યોમાં હોળી પર પણ બનાવવામાં આવે છે. તમે તેને તમારા ઘરે પણ સરળતાથી બનાવી શકો છો. આને બનાવવા માટે તમારે 1 કપ લોટ, અડધો કપ સોજી, 1 કપ દૂધ, અડધો કપ ખાંડ, વરિયાળી અને એલાઇચી પાવડર, એક ચમચી ઘી અને તેલ તળવા માટે જરૂર પડશે.
માલપુઆ કેવી રીતે બનાવશો?
જો તમે હોળીના પર્વ પર માલપુઆ બનાવી રહ્યા છો, તો આ માટે સૌથી પહેલા લોટ, સોજી, ખાંડ, વરિયાળી અને દૂધ મિક્સ કરીને ખીરું તૈયાર કરો. હવે તેને ઢાંકીને એક કલાક માટે રહેવા દો. હવે કડાઇમાં તેલ નાખીને ગરમ કરો. હવે આ ખીરાને ગોળ આકારમાં રેડી ધીમા તાપે ગોલ્ડન થાય ત્યાં સુધી શેકી લો. આ રીતે તમારો માલપુઆ તૈયાર થઈ જશે.
મસાલા થંડાઇ
હોળીના અવસરે ઠંડાઇ પીવાનો પણ ટ્રેન્ડ છે. આવી સ્થિતિમાં તમે તેને સરળતાથી તૈયાર પણ કરી શકો છો. આને બનાવવા માટે તમારે 2 કપ દૂધ, એક ચમચી વરિયાળી, 15 બદામ, 5 કાળા મરી, 3 ઇલાયચી, 2 કાજુ, ગુલાબજળ અને 3 ચમચી ખાંડની જરૂર પડશે.
મસાલા થંડાઇ બનાવવાની રીત
મસાલા થંડાઇ બનાવવા માટે સૌ પ્રથમ બદામ, કાજુ, વરિયાળી અને કાળા મરીને પાણીમાં લગભગ બે કલાક સુધી પલાળી રાખો. હવે તેને પીસીને પેસ્ટ બનાવી લો. આ પેસ્ટને દૂધમાં નાખો અને તેમાં ખાંડ ઉમેરો. આ મિશ્રણને ફ્રિજમાં રાખી ઠંડુ કરો. હવે તેને ગાળીને તેમાં ગુલાબજળ ઉમેરો. આ રીતે તમે થંડાઇ તૈયાર કરી શકો છો.
આ પણ વાંચો – હોળી પર આંખોને નુકસાન પહોંચાડી શકે રંગ, આવી રીતે રાખો સંભાળ
ગુજીયા
ગુજીયા બનાવવા માટે તમારે 2 કપ મેંદાનો લોટ, અડધો કપ ઘી, એક કપ ખોયા, અડધો કપ ખાંડ, થોડાક ડ્રાયફ્રૂટ્સ, અડધી ચમચી એલચી અને તળવા માટે તેલની જરૂર પડશે. મેંદાના લોટમાં ઘી અને પાણી નાખી મિક્સ કરી લો. ખોયાને શેકીને તેમાં ખાંડ, ડ્રાયફ્રૂટ્સ અને એલાઇચી પાવડર ઉમેરો.
હવે મેંદાની લોઇ બનાવો સ્ટફિંગને વચ્ચે રાખી લો અને તેને ફોલ્ડ કરીને સીલ કરી દો. હવે તેને ગરમ તેલમાં ધીમા તાપે ગોલ્ડન થાય ત્યાં સુધી શેકી લો. હવે તેને બ્રાઉન રંગના થઇ જાય પછી ઉતારી લો. તે ઠંડુ થયા પછી તમે તેને સર્વ કરી શકો છો.
