Categorical Adda : નેટફ્લિક્સના કો-સીઈઓ ટેડ સારંડોસે કહ્યું છે કે વિશ્વનો સૌથી સફળ શો બનનાર ‘સ્ક્વિડ ગેમ’ બનાવવાનો નિર્ણય કોઈ ડેટાના આધારે લેવામાં આવ્યો ન હતો. તેમના જણાવ્યા અનુસાર જો કોઇ મોટા ક્રિએટિવ નિર્ણય માત્ર ડેટા જોઈને લેવામાં આવે તો તે એક મૂર્ખામીભર્યો નિર્ણય હશે.
એક્સપ્રેસ અડ્ડા ઇવેન્ટમાં ઇન્ડિયન એક્સપ્રેસ ગ્રુપના એક્ઝિક્યુટિવ ડાયરેક્ટર અનંત ગોએન્કા સાથેની વાતચીત દરમિયાન ટેડ સારંડોસે કહ્યું હતું કે ‘સ્ક્વિડ ગેમ’ની શરૂઆત એક ફિલ્મ તરીકે થઈ હતી. તેના નિર્માતા અને દિગ્દર્શક હ્વાંગ ડોંગ-હ્યુકે લગભગ 12 વર્ષ સુધી તેને ફિલ્મ તરીકે બનાવવાનો પ્રયાસ કર્યો, પરંતુ દરેક વખતે તેમને નિરાશ હાથ લાગી હતી.
સારંડોસે જણાવ્યું હતું કે ડેટા ક્યારેય કહેતો નથી કે ‘સ્ક્વિડ ગેમ’ જેવો શો બનાવો, ખાસ કરીને વૈશ્વિક પ્રેક્ષકો માટે. તે સૌ પ્રથમ ફિલ્મ તરીકે બનાવવામાં આવી હતી. દિગ્દર્શક ઘણા વર્ષો સુધી તેને વેચવાનો પ્રયાસ કરતા રહ્યા, પરંતુ કોઈએ તેનો સ્વીકાર કર્યો નહીં. પાછળથી તેમને ખબર પડી કે નેટફ્લિક્સ હવે સિરીઝ બનાવી રહ્યું છે. તેમણે નેટફ્લિક્સની ટીમ સાથે વાત કરી અને તેને સિરીઝમાં ફેરવી દીધી.
બીજી કોરિયન શ્રેણી કરતા ડબલ બજેટ હતું
ટેડ સારંડોસે જણાવ્યું કે ‘સ્ક્વિડ ગેમ’ પર દાવ લગાવવો એ આર્થિક રીતે પણ સરળ નિર્ણય ન હતો. તેમણે કહ્યું કે આ શોના એપિસોડ દીઠ ખર્ચ તે સમયે બનેલી કોઈપણ કોરિયન સિરીઝ કરતા લગભગ બમણો હતો. અમારી ટીમને વિશ્વાસ હતો કે તે એક મોટો શો બનશે.
જોકે તેમણે કબૂલ્યું હતું કે નેટફ્લિક્સની ટીમને પણ આટલી મોટી વૈશ્વિક સફળતા મળશે એવી અપેક્ષા ન હતી. શું તેઓએ વિચાર્યું હતું કે તે આખી દુનિયામાં આટલી મોટો હિટ હશે? કદાચ નહીં. પરંતુ તે નેટફ્લિક્સનો જાદુ છે.
અલ્ગોરિધમે વિશ્વભરમાં શો પહોંચાડ્યો
સારંડોસે કહ્યું કે “સ્ક્વિડ ગેમ” ની સફળતા મોટા માર્કેટિંગ અભિયાનને કારણે નથી, પરંતુ નેટફ્લિક્સના રિકમેંડેશન અલ્ગોરિધમને કારણે છે. તેમણે કહ્યું કે જ્યારે કોઈ દેશના લોકો આ શોને સતત જોવા લાગ્યા, ત્યારે અલ્ગોરિધમે તેને અન્ય દેશોના એવા દર્શકોને બતાવવાનું શરૂ કર્યું, જેમની પસંદ મિલતી જુલતી હતી. અમારી પાસે એક અબજ લોકો નેટફ્લિક્સ જુએ છે. લોકો અલ્ગોરિધમની ટીકા કરે છે, પરંતુ તેની સૌથી મોટી તાકાત એ છે કે તે તરત જ પ્રેક્ષકોની પસંદગીઓને સમજે છે. માત્ર ત્રણ જ દિવસમાં આ શો દુનિયાભરના લગભગ તમામ યુઝર્સ સુધી પહોંચ્યો હતો અને લોકોને તે ગમ્યું હતું.
ડેટા ક્રિએટિવ નિર્ણયો લઈ શકતો નથી
ટેડ સારંડોસે કહ્યું કે આજે લોકો ‘સ્ક્વિડ ગેમ’ની સફળતા જોઈને વિચારે છે કે તે શરુઆતથી જ ફિક્સ હતું, પરંતુ વાસ્તવિકતા તદ્દન અલગ હતી. તેમણે કહ્યું કે આજે પાછળ જોતા દરેકને લાગે છે કે આ શો હિટ થવાનો હતો. પરંતુ સત્ય એ છે કે તેનું બજેટ કોઈપણ કોરિયન ટીવી શો કરતા બમણું હતું. ટીમને તેના પર ઊંડો ભરોસો હતો, પરંતુ સફળતાની કોઈ ગેરંટી ન હતી. તેમણે સ્પષ્ટ કર્યું હતું કે શો બનાવવો કે નહીં તે નક્કી કરવા માટે ડેટાનો ઉપયોગ થવો જોઈએ નહીં.
શ્રેયા કાલરા લોક અપ સિઝન 2 માં વિજેતા બની, ફાઇનલ જીતી 1 કરોડ રૂપિયા જીત્યા
તેમણે કહ્યું કે જો કોઇ મોટા ક્રિએટિવ નિર્ણય ફક્ત ડેટાના આધારે લો છો, તો તે મૂર્ખતાપૂર્ણ નિર્ણય હશે. ડેટા ફક્ત એ સમજવામાં મદદ કરે છે કે જો કહાની, લેખન અને નિર્માણ એવું જ શાનદાર થયું જેવું વિચારવામાં આવ્યું તો તો તે કેટલું મોટું બની શકે છે. ડેટા રોકાણ અને વ્યવસાયિક નિર્ણયોમાં મદદ કરે છે, પરંતુ તેમાંથી સર્જનાત્મક નિર્ણયો લઈ શકાતા નથી.
‘સ્ક્વિડ ગેમ’ 2021 માં રિલીઝ થઈ હતી
હ્વાંગ ડોંગ-હ્યુક દ્વારા લખાયેલ અને દિગ્દર્શિત એસ’સ્ક્વિડ ગેમ’ 17 સપ્ટેમ્બર 2021 ના રોજ નેટફ્લિક્સ પર રિલીઝ થઈ હતી અને તે પ્લેટફોર્મની અત્યાર સુધીની સૌથી વધુ જોવાયેલી સિરીઝ બની હતી. આ પછી શોની વધુ બે સિઝન આવી હતી. ત્રીજી અને અંતિમ સિઝન જૂન 2025 માં રિલીઝ થઈ હતી. આજે, ‘સ્ક્વિડ ગેમ’ માત્ર એક વેબ સિરીઝ નથી, પરંતુ લાઇવ ઇવેન્ટ્સ, ગેમિંગ અને મર્ચેન્ડાઇઝમાં ફેલાયેલી વૈશ્વિક બ્રાન્ડ છે અને કોરિયન મનોરંજનમાં સૌથી મોટી સાંસ્કૃતિક સફળતાઓમાં ગણવામાં આવે છે.
