મલાઇ ડુંગળીનું શાક ઘરે જ બનાવો, આ રીતે રેસ્ટોરન્ટ જેવો સ્વાદ આવશે

Malai Pyaz Sabji Recipe : કેટલાક લોકો ટેસ્ટી ભોજનની મજા માણવા માટે ઢાબા અથવા રેસ્ટોરન્ટમાં જાય છે. રેસ્ટોરન્ટમાં તેમને વિવિધ પ્રકારની સ્વાદિષ્ટ વાનગીઓ મળે છે. બહારનું ભોજન ભલે સ્વાદમાં ટેસ્ટી લાગતું હોય પણ તે ઘણી વખત અનેહેલ્ધી રીતે તૈયાર કરવામાં આવે છે.

ઘણી વખત લોકો ઘરે સાદી થાળી ખાઈને કંટાળી જાય છે. આવી સ્થિતિમાં જો તમે પણ તે લોકોમાંથી એક છો જે કંઈક અલગ ખાવા માંગે છે તો પછી મલાઇ ડુંગળીનું શાક સારો વિકલ્પ બની શકે છે. ક્રીમી ગ્રેવી અને હળવા મસાલાથી તૈયાર કરવામાં આવેલી આ શાકભાજી સ્વાદમાં ખૂબ જ સારી છે. તમે તેને રોટલી, પરોઠા અથવા નાન સાથે પણ ખાઈ શકો છો.

મલાઈ ડુંગળીનું શાક બનાવવા માટે સામગ્રી

4 મોટી ડુંગળી
1 કપ ફ્રેશ ક્રીમ
2 મોટી ચમચી માખણ
2 ટામેટાં
1  સમારેલું લીલું મરચું
1 ચમચી આદુ-લસણની પેસ્ટ
10-12 કાજુ
અડધી ચમચી જીરું
1 તમાલપત્ર
અડધી ચમચી હળદર પાવડર
1 ચમચી ધાણા પાવડર
અડધો ચમચી લાલ મરચું પાવડર
1/2 ચમચી ગરમ મસાલા,
મીઠું
1 મોટી ચમચી તેલ
કોથમીર

ઘરે મલાઈ ડુંગળીનું શાક કરી કેવી રીતે બનાવવું?

સ્ટેપ 1

ઘરે મલાઈ ડુંગળીનું શાક બનાવવા માટે પહેલા એક કડાઇમાં તેલ અને માખણ ગરમ કરો. તેમાં જીરું અને તમાલપત્ર ઉમેરો. જ્યારે જીરું તતડે ત્યારે તેમાં આદુ-લસણની પેસ્ટ અને લીલા મરચાં મેળવી હળવા હાથે સાંતળી લો. હવે તેમાં ટામેટાની પ્યુરી મેળવી મધ્યમ તાપ પર પકાવો. આ પછી તેમાં હળદર, કોથમીર, લાલ મરચું અને મીઠું મેળવી ધીમા તાપે સારી રીતે પકાવો.

આ પણ વાંચો – ઠંડીમાં આ સમયે સૂર્યપ્રકાશ બની શકે છે દવા, વિટામિન ડી સાથે મેદસ્વીતા-શુગર-ડિપ્રેશન થશે કંટ્રોલ

સ્ટેપ 2

હવે તેમાં કાજુની પેસ્ટ નાખીને થોડી વાર રાંધી લો. ત્યારબાદ તેમાં સમારેલી ડુંગળી ઉમેરી હળવા હાથે પકાવો. ડુંગળીને વધુ પડતી ગળી ન જાય તેની કાળજી લો. હવે તેમાં ક્રીમ ઉમેરો અને ધીમા તાપ પર લગભગ 7-10 મિનિટ સુધી પકાવો. છેલ્લે તેમાં ગરમ મસાલો મેળવો અને તેની ઉપર લીલી કોથમીર નાખી ઉમેરીને ગેસની ફ્લેમ બંધ કરી લો. આ રીતે તમે ઘરે રેસ્ટોરન્ટ જેવી ટેસ્ટી ક્રીમ ડુંગળીનું શાક સરળતાથી તૈયાર કરી શકો છો.