દર વર્ષે જૂન મહિનાના ત્રીજા રવિવારે ફાધર્સ ડે ઉજવવામાં આવે છે. આજે એટલે કે 15 જૂને ફાધર્સ ડે ઉજવવામાં આવી રહ્યો છે. આ દિવસ તમને બોલિવુડની હિટ બાપ-દીકરાની જોડી વિશે વાત કરીશું. જેમણે ફિલ્મોમાં સાથે કામ કર્યું છે.
ઘણા બોલિવૂડ કલાકારોએ તેમના પુત્રોને ફિલ્મ જગતમાં પ્રોત્સાહન આપ્યું છે. આમાંના ઘણા કલાકારોએ તેમના પિતા સાથે દિગ્દર્શક, સ્ક્રીનરાઈટર અથવા અભિનેતા તરીકે કામ કર્યું છે. ચાલો જાણીએ કે, કયા અભિનેતાએ તેમના પિતા સાથે કામ કર્યું છે.
રણબીર કપૂરે બોલિવૂડમાં 'એનિમલ', 'યે જવાની હૈ દીવાની' જેવી ફિલ્મો આપી છે. તેમણે તેમના પિતા ઋષિ કપૂર સાથે ફિલ્મ 'બેશરમ'માં કામ કર્યું છે. 2013માં રિલીઝ થયેલી આ ફિલ્મમાં તેમની માતા નીતુ કપૂર પણ હતી.
ઋતિક રોશને બોલિવુડમાં કૃષ અને વોર જેવી ફિલ્મોમાં કામ કર્યું છે. તેના પિતા રાકેશ રોશન નિર્દેશન પહેલા એક્ટિંગ કરી ચૂક્યા છે. રાકેશ રોશને વર્ષ 2000માં કહોના પ્યારનું નિર્દેશન કર્યું હતુ.ઋતિક રોશન રાકેશ રોશનના નિર્દેશનમાં બનેલી ફિલ્મ કૃષ 3, કૃષ અને કોઈ મિલ ગયામાં કામ કર્યું છે.
અમિતાભ-અભિષેકથી લઈ સુનીલ દત્ત-સંજય દત્તની પિતા-પુત્રની જોડી ફિલ્મોમાં પણ સાથે જોવા મળી છે. Munna Bhai M.B.B.S.માં પણ સુનીલ દત્ત-સંજય દત્તની આ બાપ -દીકરાની જોડી ચાહકોને પસંદ આવી હતી.
અભિષેક બચ્ચનના નામે 'ગુરુ' અને 'રેફ્યુજી' જેવી ફિલ્મો છે. તેમના પિતા અમિતાભ બચ્ચનને સદીના સુપરસ્ટાર કહેવામાં આવે છે. અભિષેકે તેમના પિતા સાથે કામ કર્યું છે. બંનેએ 'સરકાર 3', 'કભી અલવિદા ના કહેના' અને 'બંટી ઔર બબલી'માં સાથે કામ કર્યું છે.
સની દેઓલ અનેક વખત તેના પિતા ધર્મેન્દ્ર સાથે જોવા મળે છે. તેઓ 'અપને', 'યમલા પગલા દીવાના' અને 'સિંહ સાહબ ધ ગ્રેટ' માં સાથે જોવા મળ્યા હતા.
