Parenting Suggestions For Youngsters Research Motivation : ઘણા બાળકો એવા હોય છે જેમને રમવામાં, નવી વસ્તુઓ શીખવામાં અને તેમની મનપસંદ પ્રવૃત્તિઓ કરવી ગમે છે, પરંતુ ભણવામાં મન નથી લાગતું. અભ્યાસથી દૂર રહેવાનો પ્રયાસ કરે છે. આવી સ્થિતિમાં માતાપિતાને ઘણી વાર એવું લાગે છે કે કદાચ બાળકનું ભણવામાં મન જ નથી અથવા તેની શીખવાની ક્ષમતા નબળી છે. પરંતુ આવા બાળકોને યોગ્ય દિશા આપવાની જરૂર છે.
હકીકતમાં, ઘણી વખત બાળકોનું ધ્યાન ભટકવું, અભ્યાસની રીત પસંદ ન આવવી, દબાણ અનુભવવું અથવા યોગ્ય વાતાવરણનો અભાવ પણ તેનું કારણ હોઈ શકે છે. આવી સ્થિતિમાં, બાળકોને ઠપકો આપવાને બદલે, દબાણ કરવાને બદલે, તેમની રુચિ અને જરૂરિયાતોને સમજવાની અને તેને યોગ્ય દિશા આપવાની જરૂર છે. અહીં અમુક ટીપ્સ આપી છે, જે તમારા બાળકની અભ્યાસમાં રુચિ વધારવામાં મદદ કરી શકે છે.
બાળકોને ભણવા માટે વધાર દબાણ ન કરવું જોઈએ. આનાથી અભ્યાસમાં તેમની રૂચ ઘીમે ધીમે ઘટવા લાગે છે. ઉપરાંત અચાનક કોઈ નિત્યક્રમને અનુસરવાને બદલે, તેમને થોડો સમય આપો. દરરોજ અભ્યાસ કરવા માટે ચોક્કસ સમય નક્કી કરો અને ધીમે ધીમે તેને અનુકૂળ થવાનો પ્રયાસ કરો. આનાથી બાળક પર દબાણ નહીં આવે અને ધીમે ધીમે તેમની અભ્યાસમાં રુચિ વધશે.
અભ્યાસને મનોરંજક બનાવો
બાળકો લાંબા સમય સુધી અભ્યાસ કરવાથી ઝડપથી કંટાળી જાય છે. આવી સ્થિતિમાં, તેમના અભ્યાસને થોડું રસપ્રદ બનાવવાનો પ્રયાસ કરો. આ માટે, રંગબેરંગી ચાર્ટ, ક્વિઝ, વાર્તા અને રમતોની મદદથી તેમની રુચિ વધારો. વચ્ચે વચ્ચે તેમને કેટલીક મનોરંજક પ્રવૃત્તિઓ કરતા રહો. આનાથી બાળકને અભ્યાસમાં વધુ રસ પડે છે અને તેના માટે વસ્તુઓ શીખવાનું સરળ બને છે.
ઠપકો ન આપવો
જ્યારે બાળકને ભણવાનું મન થતું નથી, ત્યારે માતા-પિતા ઘણીવાર તેને ઠપકો આપે છે અને તેમને ભણવા માટે બેસાડે છે. પરંતુ આમ કરવાથી બાળક અભ્યાસમાં ધ્યાન કેન્દ્રિત કરવાને બદલે તેનાથી દૂર ભાગી શકે છે. આવા કિસ્સામાં, સૌ પ્રથમ બાળકને ઠપકો આપવાનું બંધ કરો. બાળકને મિત્રની જેમ પ્રેરિત કરો. જેનાથી તે તમારી વાતને વધુ સારી રીતે સમજી શકે છે.
નાના નાના લક્ષ્યો નક્કી કરો
એક સાથે વધુ પડતો અભ્યાસ કરવાને બદલે, નાના નાના લક્ષ્યો નક્કી કરો. લાંબા સમય સુધી બેસી રહેવાથી બાળકો બહુ જલ્દી કંટાળી શકે છે. આ માટે, એક સમયે એક પ્રકરણ પૂર્ણ કરો, 10 નવા શબ્દો યાદ કરો અથવા 5 પ્રશ્નો ઉકેલો. જ્યારે તે આ કાર્ય પૂર્ણ કરે ત્યારે તેની પ્રશંસા કરો. તેનાથી તેમનો આત્મવિશ્વાસ વધે છે અને અભ્યાસમાં રુચિ પણ વધે છે.
આ પણ વાંચો | વરસાદમાં નાહવાના ફાયદા: જાણો કેમ વરસાદનું પાણી સ્વાસ્થ્ય માટે છે અમૃત સમાન
યોગ્ય માહોલ બનાવો
ઘણી વખત ટીવી, મોબાઇલ અને અન્ય ઘોંઘાટવાળી ચીજો અભ્યાસથી ધ્યાન ભટકાવે છે. આવી સ્થિતિમાં, જ્યારે પણ બાળક ભણવા બેસે, ત્યારે શાંત વાતાવરણ બનાવો. ઉપરાંત, તેને એવી જગ્યાએ વાંચવા માટે બેસાડો જ્યાં માહોલ વ્યવસ્થિત હોય અને ઓછા વિક્ષેપો હોય.
