હૈદરાબાદના અંબરપેટમાં એવી ઘટના સામે આવી છે કે જે જાણીને તમે પણ ચોંકી જશો. તમે સાંભળ્યું હશે કે લોકો પૈસા કમાવવા મહેનત કરે છે, તો કેટલાક લોકો ચોરી કરે છે પણ અહી સામે આવેલા કિસ્સામાં કપલ પોતાના પ્રાઈવેટ વીડિયો (અંગત વીડિયો)ને જાતે જ રેકોર્ડ કરીને ઓનલાઈન શેર કરી પૈસા કમાતું હતું.
પોલીસના જણાવ્યા અનુસાર, તે રિયલ એસ્ટેટ બ્રોકર તરીકે કામ કરતો હતો. હવે તેણે આ આ ધંધા વિશે ખુલાસો કર્યો છે કારણ કે તેને તેનાથી વધુ પૈસા મળતા ન હતા. છેલ્લા ચાર મહિનાથી તેણે એક ધંધો શરૂ કર્યો છે જેમાં તે તેની પત્નીના પ્રાઈવેટ વીડિયો કેમેરામાં રેકોર્ડ કરી તેને ઓનલાઈન શેર કરતો હતો.
આ ઘટના સામે આવ્યા બાદ લોકોના મનમાં એક સવાલ આવે છે કે, શું કપલ પોતાના પ્રાઈવેટ વીડિયો શેર કરીને પૈસા કમાઈ શકે. તો આજે આપણે તેના કાનુન વિશે વાત કરીએ. ભારતમાં પોતાના અંગત વીડિયોને શેર કરીને પૈસા કમાવવા એ સજાપાત્ર હોઈ શકે છે. કારણ કે તેને પ્રકાશન અથવા પ્રસારણ ગણી શકાય. અહીં સંકળાયેલા કાનૂની જોખમો છે:
ભારતમાં કાયદા શું કહે છે? ચાલો જાણી (IT Act 2000) કોઈપણ ઇલેક્ટ્રોનિક માધ્યમ દ્વારા 'અશ્લીલ ' સામગ્રી પ્રકાશિત/પ્રસારિત કરવો મોટો ગુનો છે, આ કેસમાં પહેલી વાર દોષિત ઠેરવવા પર 3 વર્ષ અને 5 લાખનો દંડ, બીજી વાર દોષિત ઠેરવવા પર 5 વર્ષ અને 10 લાખનો દંડ ફટકારવામાં આવે છે.
“sexually express”સામગ્રીનું પ્રસારણ કરવા પર પહેલી વખત દોષિત ઠેરવા પર 5 વર્ષ અને 10 લાખનો દંડ અને ત્યારબાદ દોષિત ઠેરવવા પર 7 વર્ષની જેલ થઈ શકે છે.
ભારતીય દંડ સંહિતા (IPC) 292/293 : 'અશ્લીલ' સામગ્રીનો પ્રસાર, વેચાણ અથવા જાહેર પ્રદર્શન કરવા પર, પહેલી વાર દોષિત ઠેરવવા બદલ 2 વર્ષની કેદ અથવા દંડ, પછીના કેસોમાં 5 વર્ષ સુધીની સજા થઈ શકે છે.
66E IT એક્ટ: સંમતિ વિના સેક્સુઅલ કન્ટેન શેર કરવી (Voyeurism/Revenge porn) પર 3 વર્ષ સુધીની કેદ + ₹2 લાખ દંડ ફટકારવામાં આવે છે.Home Violence Act, IPC 354C/D: જ્યારે કોઈ મહિલાની ગોપનીયતાનો ઉપયોગ તેને ધમકાવવા અથવા હેરાન કરવા માટે કરવામાં આવે છે ત્યારે કેસ થઈ શકે છે.
જો વીડિયોમાં કોઈ સગીર હોય, તો કલમ 67B IT એક્ટ અને POCSO એક્ટ હેઠળ 5-7 વર્ષની સજા થઈ શકે છે. ડિજિટલ માધ્યમ દ્વારા કોઈપણ સાથે શેર કરવું કે, પછી ભલે તે WhatsApp હોય કે OnlyFans તેને "પ્રસારણ" ગણવામાં આવશે અને IT એક્ટ અને IPC હેઠળ સજાપાત્ર હોઈ શકે છે.
તેથી, જો કોઈ કપલ તેમના ખાનગી વિડિયો શેર કરવા અથવા વેચવાનો પ્લાન બનાવી રહ્યું છે. પછી ભલે તે પ્લેટફોર્મ ભારતમાં હોય કે વિદેશમાં તે હજુ પણ ભારતના IT એક્ટ, IPC અને BNS નિયમો હેઠળ સજાપાત્ર ગુનો ગણવામાં આવશે.
(Disclaimer: જો તમારી પાસે કોઈ ચોક્કસ કેસ હોય તો કાનૂની નિષ્ણાત (વકીલ) ની સલાહ લેવી સલાહભર્યું છે. અહીં આપેલી માહિતી ફક્ત કોર્ટના નિર્ણયો અને કલમોને આધારે આપવામાં આવી છે. તમારે કોઈ કેસ માટે જાણવું હોય તો યોગ્ય વકીલની સલાહ લઈ શકો છો.)(All Picture Symbolic)
