આ વિકેન્ડમાં ઓટીટી પર મનોરંજનનું ઘોડાપૂર ! આ મૂવીઝ અને સિરીઝ રિલીઝ થશે

મનોરંજન ન્યૂઝ | આ અઠવાડિયાની OTT પર JioHotstar, Amazon Prime Video, Sony LIV અને અન્ય પ્લેટફોર્મ પર નવી રિલીઝ અને પરત ફરતી મનપસંદ ફિલ્મોનું રોમાંચક મિશ્રણ લાવી રહ્યું છું. સૌથી વધુ અપેક્ષિત ફિલ્મોમાંની એક મોહનલાલની મલયાલમ થ્રિલર દ્રશ્યમ 3 છે, અહીં જુઓ લિસ્ટ

જે લોકોને સસ્પેન્સ, એક્શન અથવા ઈમોશનલ સ્ટોરી જોવાનો શોખ છે તેમની પાસે આ અઠવાડિયે ઓટીટી પર જોવા માટે વિવિધ ઓપ્શન છે. 18 જૂનથી 21 જૂન, 2026 દરમિયાન સ્ટ્રીમિંગ પ્લેટફોર્મ પર અવેલેબલ નવી ફિલ્મો અને સિરીઝની લિસ્ટ આપી છે.

આ અઠવાડિયે ઓટીટી રિલીઝ 

અથિરાડી (સોની LIV)

મલયાલમ એક્શન કોમેડી ડ્રામા મુવી અથિરાડી, 19 જૂન, 2026 થી સોની LIV પ્લેટફોર્મ પર સ્ટ્રીમિંગ શરૂ થશે. બેસિલ જોસેફ, રિયા શિબુ અને ટોવિનો થોમસ અભિનીત, આ ફિલ્મનું દિગ્દર્શન અરુણ અનિરુધનએ કર્યું છે.

મુવી એક કોલેજ વિદ્યાર્થીની સ્ટોરીને અનુસરે છે જે પ્રતિબંધિત કોલેજ ફેસ્ટિવલને પુનર્જીવિત કરે છે, જે એક એવી હરીફાઈ શરૂ કરે છે જે ઉજવણીને અરાજકતામાં ફેરવે છે.

એજન્સી સીઝન 2 (પ્રાઇમ વિડીયો)

થ્રિલર સિરીઝ ધ એજન્સીની બીજી સીઝન 21 જૂનથી પેરામાઉન્ટ+ પર સ્ટ્રીમિંગ શરૂ થશે. આ સ્પાય થ્રિલર શોમાં માઈકલ ફાસબેન્ડર, જેફરી રાઈટ, જોડી ટર્નર-સ્મિથ અને રિચાર્ડ ગેરે મુખ્ય ભૂમિકામાં છે. નોંધનીય છે કે, પહેલી સીઝન JioHotstar પ્લેટફોર્મ પર સ્ટ્રીમ કરવા માટે ઉપલબ્ધ છે. 

સેવ ધ ટાઇગર્સ સીઝન 3 (JioHotstar)

પ્રદીપ અદ્વૈથમ અને માહી વી રાઘવ દ્વારા બનાવવામાં આવેલ, તેલુગુ કોમેડી ડ્રામા સેવ ધ ટાઈગર્સ સીઝન 3 એ તારીખ 19 જૂન, 2026 થી JioHotstar પ્લેટફોર્મ પર સ્ટ્રીમિંગ શરૂ થશે. તેમાં દેવિયાની શર્મા, પ્રિયદર્શી, અભિનવ ગોમાતમ, ચૈતન્ય કૃષ્ણ, જોરદાર સુજાતા અને પાવાની ગાંગીરેડ્ડી મુખ્ય ભૂમિકામાં છે. 

દ્રશ્યમ (પ્રાઇમ વિડીયો)

મોહનલાલની મલયાલમ થ્રિલર ફિલ્મ દ્રશ્યમ 3 આખરે 18 જૂન, 2026 ના રોજ પ્રાઇમ વિડીયો પર આવી. જીતુ જોસેફ દ્વારા લખાયેલ અને દિગ્દર્શિત, આ ફિલ્મમાં મીના, અંસીબા હસન, એસ્થર અનિલ અને આશા શરથ મુખ્ય ભૂમિકાઓમાં છે. આ ફિલ્મ જ્યોર્જકુટ્ટી (મોહનલાલ) ની સ્ટોરીને અનુસરે છે, જે અપરાધભાવ અને તેના ભૂતકાળના કાર્યોના માનસિક પરિણામોથી ગભરાયેલો છે.

સામંથા રૂથ પ્રભુ સીએમ વિજયને મળ્યા બાદ ભાવુક થઈ, ખાસ પોસ્ટ શેર કરી

ઠુકરા કે મેરા પ્યાર 2 (JioHotstar)

ઠુકરા કે મેરા પ્યાર એ એક હિન્દી ડ્રામા સિરીઝ છે જેનો પ્રીમિયર 22 નવેમ્બર 2024 ના રોજ ડિઝની+ હોટસ્ટાર પર થયો હતો. આ સિરીઝમાં નવા કલાકારો ધવલ ઠાકુર અને સંચિતા બાસુ છે, આ સ્ટોરી કપલની લવ સ્ટોરી છે, જે જાતિ અને વર્ગના તફાવતોમાં રહેલા કૌટુંબિક ઝઘડાઓથી ઘેરાયેલી છે. હવે ઠુકરા કે મેરા પ્યાર 2 JioHotstar પર 19 જૂને રિલીઝ થવાની છે.