UP Politics: પશ્ચિમ બંગાળ અને તમિલનાડુમાં વિધાનસભા ચૂંટણીના પરિણામો જાહેર થયા છે અને તેની ઉત્તર પ્રદેશના રાજકારણ પર અસર પડી છે. રાજ્યમાં સમાજવાદી પાર્ટી (SP) એ IPAC સાથેની ડિલ કેન્સલ કરી છે. જે ચૂંટણી વ્યૂહરચના અને વ્યવસ્થાપનમાં નિષ્ણાત કંપની છે. આ કરાર થોડા મહિના પહેલા જ અંતિમ સ્વરૂપ આપવામાં આવ્યો હતો, જે પશ્ચિમ બંગાળના તત્કાલીન મુખ્યમંત્રી મમતા બેનર્જીની સલાહ પર કામ કરે છે. બંગાળમાં TMC અને મમતાની હાર બાદ અખિલેશે IPAC સાથેના કરારમાંથી ખસી ગયા છે.
મહત્ત્વની વાત એ છે કે, IPAC તમિલનાડુમાં DMK અને પશ્ચિમ બંગાળમાં TMC ના ચૂંટણી પ્રચારનું સંચાલન કરવા માટે જવાબદાર હતું. આ બંને રાજ્યોમાં સંબંધિત પક્ષોને કારમી હારનો સામનો કરવો પડ્યો છે.
એ પણ નોંધનીય છે કે બંને રાજકીય પક્ષોના સુપ્રીમો એમ.કે. સ્ટાલિન અને મમતા બેનર્જી પોતે પોતાના મતવિસ્તારમાં ચૂંટણી હારી ગયા છે. બંને રાજ્યોમાં મળેલી હાર વચ્ચે અખિલેશ યાદવે સાવધાની રાખવાનો સંકેત આપ્યો છે અને પરિણામે IPAC સાથેનો કરાર સમાપ્ત કરી દીધો છે.
ઈડીના નિશાના પર IPAC
ખરેખરમાં આઈપૈકના સૂત્રોએ જણાવ્યું કે, આ વર્ષની શરૂઆતમાં સપા સાથે નક્કી કરવામાં આવેલ ડિલ હવે રદ્દ થઈ ગઈ છે. આ ઘટનાક્રમ એ સમયે આવ્યો છે, જ્યારે ગત મહિને ઈડીએ બંગાળ કોલસા તસ્કરીમાં કથિક નાણાકિય અનિયમિતતાઓના આરોપો અંતર્ગત આઈ-પૈકના રોકાણકાર વિનેશ ચંડેલની ધરપકડ કરી હતી.
મમતા બેનર્જી રાજીનામું નહીં આપે તો શું થશે? હવે બંગાળમાં કેવી રીતે નવી સરકાર બનશે, જાણો નિયમ
નિદેશક વિરૂદ્ધ થયેલી આ કાર્યવાહીએ કંપનીના કામકાજ પર શંકા વ્યક્ત કરી હતી. એક સૂત્રએ જણાવ્યું કે,”અમારી ઓફિસો પર ઈડીના દરોડા અને અમારા રોકાણકાર (વિનેશ ચંદેલ)ની ધરપકડે આ કરારને અટકાવી દીધો છે.”
