મનોરંજન ન્યૂઝ | બોલિવૂડ સ્ટાર સોનમ કપૂર (Sonam Kapoor) અને તેમના પતિ આનંદ આહુજાએ લંડનના નોટિંગ હિલમાં તેમના 270 કરોડ રૂપિયાના બંગલા પાસે વધુ પાંચ ફ્લેટ ખરીદ્યા બાદ એક નવા વિવાદમાં ફસાઈ ગયા છે. ડેઈલી મેઈલના અહેવાલ મુજબ, પડોશીઓ દ્વારા ફ્લેટ ખરીદવાનો વિરોધ કરવામાં આવતા આ ઘટના વિવાદમાં પરિણમી હતી.
મુંબઈ, દિલ્હી અને યુકે વચ્ચે રહેતા આ દંપતી લંડનના સૌથી મોંઘા અને વૈભવી નોટિંગ હિલમાં એક હવેલી ધરાવે છે. તેમણે 2023 માં 200 વર્ષ જૂનો બંગલો ખરીદ્યો હતો.
સોનમ કપૂર લંડન ફ્લેટ્સ વિવાદ
બંગલો ખરીદ્યાના થોડા સમય પછી, દંપતીએ અધિકારીઓને ઇમારતના બાહ્ય ભાગને જાળવી રાખીને અંદર વ્યાપક ફેરફારો કરવાની યોજના રજૂ કરી. આ યોજનામાં ભોંયરામાં સ્વિમિંગ પૂલ અને ભૂગર્ભ બાસ્કેટબોલ કોર્ટનો સમાવેશ થતો હતો. પડોશીઓના વાંધા અને અપીલોને કારણે ત્રણ વર્ષના ઝઘડા પછી, આ મહિનાની શરૂઆતમાં નવીનીકરણને મંજૂરી આપવામાં આવી હતી.
પરંતુ ત્યારથી એક નવો વિવાદ ઉભો થયો છે. આ દંપતી સાથે જોડાયેલી એક કંપનીએ ‘હિલક્રેસ્ટ’ નામની નજીકની રહેણાંક ઇમારતમાં લગભગ 51 કરોડ રૂપિયા (£4 મિલિયન) માં પાંચ વધુ ફ્લેટ ખરીદ્યા છે. પડોશીઓનો આરોપ છે કે તેઓ આ ફ્લેટનો ઉપયોગ તેમના મોટા બંગલામાં સ્ટાફને રાખવા માટે કરી રહ્યા છે. કેટલાક રહેવાસીઓએ ડેઇલી મેઇલને જણાવ્યું હતું કે તેઓ દંપતીના પ્રભાવ અને સંપત્તિને કારણે જાહેરમાં બોલવામાં ડરતા હતા.
એક રહેવાસીએ કહ્યું કે “અમે ફક્ત એટલા માટે બોલતા ડરીએ છીએ કારણ કે તેઓ શક્તિશાળી છે. કેટલાક અબજોપતિઓ દ્વારા અમારા નાના સમુદાયની શાંતિ ભંગ કરવામાં આવી રહી છે.”
રહેવાસીઓનો એવો પણ આરોપ છે કે તેમને એક ખાનગી બેઠકમાં ચેતવણી આપવામાં આવી હતી કે જો તેઓ વિરોધ કરવાનું ચાલુ રાખશે, તો ફ્લેટ ‘સોશિયલ હાઉસિંગ’ (આર્થિક રીતે નબળા વર્ગો માટે સરકારી આવાસ) ને સોંપી દેવામાં આવશે. જો તેઓ મીડિયા સાથે વાત કરશે તો તેમને કાનૂની કાર્યવાહીનો પણ ડર છે.
ડેવિડ ધવનની નિવૃત્તિ પર કરણ જોહર ભાવુક, હૈ જવાની તો ઈશ્ક હોના હૈ છેલ્લી ફિલ્મ
સોનમ કપૂરના પ્રતિનિધિએ બાદમાં આરોપોનો જવાબ આપ્યો. તેમણે સ્પષ્ટતા કરી કે સોનમનો ફ્લેટ ખરીદનાર કંપની સાથે કોઈ સીધો સંબંધ નથી અને તેમણે આ એપાર્ટમેન્ટ રોકાણ તરીકે ખરીદ્યા છે. રિપોર્ટમાં એમ પણ કહેવામાં આવ્યું છે કે આ દંપતીએ ફક્ત આ હવેલીના નવીનીકરણ પર લગભગ 60 કરોડ રૂપિયા ખર્ચ કરી દીધા છે.
આનંદ આહુજા અબજોપતિ પરિવારના સભ્ય છે જે ભારતની સૌથી મોટી ગાર્મેન્ટ મેન્યુફેક્ચરિંગ કંપનીઓમાંની એક, શાહી એક્સપોર્ટ્સના માલિક છે. તેઓ ફેશન બ્રાન્ડ ભાણે અને સ્નીકર રિટેલર વેજનોનવેજના સ્થાપક પણ છે.
સોનમ કપૂર અને આનંદ આહુજાના લગ્ન 8 મે, 2018 ના રોજ થયા હતા. આ દંપતીને બે પુત્રો છે, વાયુ કપૂર આહુજા અને રુદ્રલોક કપૂર આહુજા. રુદ્રલોકનો જન્મ આ વર્ષે ૨૯ માર્ચે થયો હતો.
