નિફ્ટી IT ઈન્ડેક્સ હાલ એક મહત્વપૂર્ણ ઝોનમાં પહોંચ્યો છે. આ વિશ્લેષણ સંપૂર્ણપણે RSI (Relative Power Index) અને છેલ્લા 30 વર્ષના ઐતિહાસિક ડેટા પર આધારિત છે.
17 માર્ચ 2026ના રોજ નિફ્ટી IT ઈન્ડેક્સનો RSI લગભગ 15.36 સુધી નીચે આવ્યો છે. જો આ ટ્રેન્ડ ચાલુ રહે, તો 18 માર્ચે RSI 15ની નીચે જવાની શક્યતા છે. છેલ્લા 30 વર્ષમાં આ માત્ર પાંચમી વખત હશે જ્યારે RSI 15થી નીચે ગયો હોય.
ઇતિહાસ પર નજર કરીએ તો, છેલ્લે માર્ચ 2020ના કોરોના સમયમાં RSI 15ની નીચે ગયો હતો. તે પહેલાં ઑગસ્ટ 2011, જાન્યુઆરી 1996 અને ઑક્ટોબર 1996માં પણ આવી પરિસ્થિતિ જોવા મળી હતી. આ દરેક વખતે માર્કેટે ત્યારબાદ મજબૂત રિકવરી દર્શાવી હતી.
હાલમાં નિફ્ટી IT ઈન્ડેક્સ તેના ઓલ ટાઈમ હાઈ 46,088.90માંથી લગભગ 38% જેટલો ઘટી ગયો છે. કોરોના સમય દરમિયાન તે આશરે 26,000 સુધી આવ્યો હતો, જ્યારે હાલનો લેવલ લગભગ 28,760 છે. એટલે કે, અગાઉના લો લેવલથી હવે માત્ર અંદાજે 2,500 પોઇન્ટ જ દૂર છે.
આ તમામ પરિસ્થિતિને ધ્યાનમાં લેતા, કહી શકાય કે નિફ્ટી IT ઈન્ડેક્સ હાલમાં બોટમ ઝોનમાં પ્રવેશી ચૂક્યો છે. આવનારા અઠવાડિયામાં અહીંથી ઝડપી રિકવરી શરૂ થવાની સંભાવના છે.
આ કારણે, લાંબા ગાળાના રોકાણકારો માટે નિફ્ટી IT ઈન્ડેક્સ ETF, મ્યુચ્યુઅલ ફંડ્સ અથવા IT સેક્ટરના સારા સ્ટોક્સમાં ટોપ-અપ અથવા એવરેજિંગ કરવાનું આ એક ઉત્તમ મોકો સાબિત થઈ શકે છે. (નોંધ : અહીં આપવામાં આવેલી માહિતી ફકત આપની જાણકારી માટે છે. કોઈ પણ રોકણ કરવા પહેલા નિષ્ણાંતોની સલાહ લેવી જરૂરી છે.)
