Arjun Tendulkar In Mumbai T20 League: ક્રિકેટ લેજન્ડ સચિન તેંડુલકરના પુત્ર અર્જુન તેંડુલકરને વર્તમાન સિઝનમાં પણ આઇપીએલમાં રમવાની તક મળી રહી નથી. અગાઉ તે લાંબા સમય સુધી મુંબઈ ઈન્ડિયન્સ સાથે હતો પરંતુ તેને માત્ર પાંચ મેચમાં તક મળી હતી. આઈપીએલ 2026 પહેલા લખનઉ સુપર જાયન્ટ્સે તેને 30 લાખની કિંમતે મુંબઇ સાથે શાર્દુલ ઠાકુરના બદલે ટ્રેડ કરી લીધો હતો. તેમ છતાં, પરિણામ સમાન છે અને અર્જુન બેંચ પર જ છે. આ દરમિયાન, શનિવાર, 2 મે, 2026 ના રોજ, અર્જુનની નવી ટી20 લીગ માટે બોલી લાગી હતી.
મુંબઈ ટી20 લીગની ચોથી સીઝન માટે ખેલાડીઓ બોલી લગાવી રહ્યા છે. આ જ એપિસોડમાં એક ટીમે 10 લાખની બોલી લગાવીને અર્જુન તેંડુલકરને પણ સામેલ કર્યો હતો. તમને જણાવી દઈએ કે અહીં અર્જુનની બેઝ પ્રાઈસ 2 લાખ રૂપિયા હતી. આ પછી, હરાજીમાં, ARCS Andheri 10 લાખ રૂપિયાની સૌથી વધુ બોલી લગાવી પોતાની ટીમમાં સામેલ કર્યો હતો.
મુશીર ખાન પણ અર્જુનની ટીમમાં
આ ટુર્નામેન્ટની ત્રણ સીઝન અત્યાર સુધી રમાઈ ચૂકી છે. ચોથી સીઝન માટે ખેલાડીઓની બોલી લગાવવામાં આવી રહી છે. આગામી સિઝનમાં કુલ 8 ટીમો ભાગ લેશે. ગત સિઝન એમએસસી મરાઠા રોયલ્સે જીતી હતી. આ વખતે અંધેરી ફ્રેન્ચાઈઝીએ અર્જુન તેંડુલકર પર બોલી લગાવીને હેડલાઈન્સ બનાવી છે. બિડિંગ બાદ સરફરાઝ ખાનના ભાઈ મુશીર ખાનને પણ આ ટીમમાં સામેલ કરવામાં આવ્યો છે.
અર્જુન તેંડુલકરનો ટી20 મેચમાં દેખાવ
અર્જુન તેંડુલકરના ટી20 મેચમાં દેખાવની વાત કરીએ તો તે અત્યાર સુધી 29 ટી20 મેચ રમી ચૂક્યો છે. તેના નામે કુલ 35 વિકેટ છે. તો અર્જુને 189 રન બનાવ્યા છે અને 47 રન તેનો શ્રેષ્ઠ સ્કોર છે. IPL 2026 પહેલા, અર્જુને DY પાટિલ ટૂર્નામેન્ટમાં બેટ અને બોલ બંનેથી કમાલ કરી હતી. જુનિયર તેંડુલકરે આઇપીએલમાં પાંચ મેચમાં ત્રણ વિકેટ ઝડપી છે.
