Mirzapur The Film Starcast Charges : પ્રાઇમ વીડિયોની સૌથી ચર્ચિત વેબ સિરીઝ ‘મિર્ઝાપુર’ ની 3 સિઝન અત્યાર સુધી રિલીઝ થઈ ચૂકી છે, પરંતુ ઓટીટી બાદ હવે મિર્ઝાપુરની જંગ મોટા પડદા પર જોવા માટે તૈયાર છે. લગભગ પહેલી સિઝનના મુખ્ય અને સૌથી પ્રિય કલાકારો આ વખતે ફિલ્મ ‘મિર્ઝાપુર ધ મૂવી’માં જોવા મળશે.
કાલીન ભૈયા, મુન્ના ભૈયા, ગુડ્ડુ ભૈયાની જંગ પડદા પર ધૂમ મચાવવા માટે તૈયાર છે અને આ વખતે આ ફિલ્મમાં રવિ કિશન પણ જોવા મળશે. પરંતુ શું તમે જાણો છો કે આ લોકપ્રિય સિરીઝ બનાવનારા આ કલાકારોએ આ ફિલ્મ માટે કેટલી ફી લીધી છે.
કોણે કેટલી ફી લીધી
ફરહાન અખ્તરના એક્સેલ એન્ટરટેઇનમેન્ટના બેનર હેઠળ બનેલી ફિલ્મ ‘મિર્ઝાપુર ધ મૂવી’ના તમામ કલાકારોએ મોટી રકમ વસુલી છે. આ ફિલ્મમાં પંકજ ત્રિપાઠી, રવિ કિશન, રસિકા દુગ્ગલ, દિવ્યેન્દુ શર્મા, અલી ફઝલ, જિતેન્દ્ર કુમાર, શ્વેતા ત્રિપાઠી અને અન્ય એક્ટર છે. ફિલ્મનું ટ્રેલર જોયા બાદ દર્શકોમાં તેના માટે ઉત્સાહ વધી ગયો છે. ચાલો આ બધા કલાકારોની ફી જાણીએ.
પંકજ ત્રિપાઠીની ફી
ફિલ્મ ‘મિર્ઝાપુર ધ મૂવી’માં કાલીન ભૈયાની ભૂમિકા ભજવનાર પંકજ ત્રિપાઠીએ આ ફિલ્મ માટે મોટી રકમ લીધી છે. એનડીટીવીના જણાવ્યા અનુસાર પંકજ ત્રિપાઠીએ કથિત રીતે 15 કરોડ રૂપિયાની ફી લીધી છે. ખાસ વાત એ છે કે જો આ અહેવાલ સાચો છે તો તે મિર્ઝાપુર ધ મૂવી માટે સૌથી વધુ ફી લેનાર અભિનેતા છે.
મિર્ઝાપુર ધ મૂવીમાં અલી ફઝલ અને દિવ્યેન્દુ શર્માની ફી
અલી ફઝલ અને દિવ્યન્દુ શર્મા જે ગુડ્ડુ ભૈયા અને મુન્ના ભૈયાના રોલમાં જોવા મળશે. આ ફિલ્મ માટે અલીએ લગભગ 4 કરોડ રૂપિયા ફી લીધી છે. જ્યારે દિવ્યન્દુએ ૩ કરોડ રૂપિયાની ફી વસૂલી કરી છે. સિરીઝના બીજા ભાગમાં મુન્ના ભૈયાનો રોલ ખતમ કરી દીધો હતો, જે પછી ચાહકો તેને ઘણા મિસ કરી રહ્યા હતા, હવે એ ફરી એકવાર મુન્ના ભૈયાના ગેંગસ્ટર અવતારમાં જોવા મળશે.
જિતેન્દ્ર કુમારની ફી
‘પંચાયત’માં સચિવની છબી સાથે બધાને પોતાનો ચાહક બનાવ્યા બાદ આ વખતે જિતેન્દ્ર કુમાર બબલુ પંડિતના રોલમાં જોવા મળશે. આ પાત્ર આ સિરીઝમાં વિક્રાંત મેસીએ ભજવ્યું હતું. રિપોર્ટ્સ અનુસાર તેણે આ ફિલ્મમાં 1.5 કરોડ રૂપિયાની ફી લીધી છે.
શ્વેતા ત્રિપાઠીની ફી
અભિનેત્રી શ્વેતા ત્રિપાઠી ફરી એકવાર ગજગામિની એટલે કે ગૌલુ ગુપ્તાની ભૂમિકામાં જોવા મળશે. અહેવાલો અનુસાર, તેણે આ ફિલ્મ માટે 95 લાખ રૂપિયાની ફી લીધી છે.
ટોક્સિક ટ્રેલર : યશનો ડાર્ક અવતાર જોઇ દંગ રહી જશો, ટ્રેલરમાં ભરપૂર એક્શન અને સસ્પેન્સ યથાવત્
રવિ કિશનની ફી
જિતેન્દ્ર કુમાર સિવાય રવિ કિશનની પણ આ ફિલ્મમાં એન્ટ્રી થઇ છે. આ ફિલ્મમાં રવિ કિશનનું પાત્ર સામેલ કરવામાં આવ્યું છે. મિર્ઝાપુરના સિંહાસન માટે કાલીન ભૈયા સાથે તેની સીધા લડાઈ જોવા મળશે. આ ફિલ્મમાં તેણે બબ્બન યાદવની ભૂમિકા ભજવી છે અને અહેવાલો અનુસાર અભિનેતાએ આ ફિલ્મ માટે 2-2.5 કરોડ રૂપિયાની ફી લીધી છે.
મિર્ઝાપુર ધ મૂવી ક્યારે રિલીઝ થશે
આ ફિલ્મનું દિગ્દર્શન ગુરમીત સિંહે કર્યું છે અને ફિલ્મની કહાની પુનીત કૃષ્ણાએ લખી છે. આ ફિલ્મનું નિર્માણ રિતેશ સિધવાની અને ફરહાન અખ્તરના પ્રોડક્શન હાઉસના બેનર હેઠળ કરવામાં આવ્યું છે અને આ ફિલ્મ 4 સપ્ટેમ્બર, 2026 ના રોજ થિયેટરોમાં રિલીઝ થશે.
