થાઇલેન્ડમાં ત્રણ ભારતીય નાગરિકોના અપહરણ કરીને અને ક્રૂર યાતનાઓ આપવાનો એક ચોંકાવનારો કિસ્સો પ્રકાશમાં આવ્યો છે. પોલીસે આ ઘટનાના સંદર્ભમાં પાંચ ભારતીય નાગરિકોની ધરપકડ કરી છે. તપાસમાં જાણવા મળ્યું છે કે અપહરણનું આખું કાવતરું દુબઈમાં રહેતા એક પાકિસ્તાની નાગરિક દ્વારા રચવામાં આવ્યું હતું, જેણે દરેક પીડિતના પરિવાર પાસેથી ₹40 લાખની ખંડણી માંગી હતી.
બેંગકોક પોલીસના જણાવ્યા અનુસાર, પીડિતોને સાત દિવસના સસ્તા થાઇલેન્ડ ટૂર પેકેજના વચન સાથે પટાયા લાવવામાં આવ્યા હતા. જોકે પહોંચ્યા પછી આરોપીઓ તેમને એક ઘરમાં લઈ ગયા અને બંધક બનાવ્યા હતા. ત્યાં તેમને બાંધી દેવામાં આવ્યા, મોઢા પર ટેપ લગાવી દેવામાં આવી અને તેમની સાથે મારઝુડ કરવામાં આવી.
આરોપી એરપોર્ટ થઈને ભાગી જવાની યોજના બનાવી રહ્યા હતા
બેંગકોક પોસ્ટના અહેવાલ મુજબ, ધરપકડ કરાયેલા વ્યક્તિઓની ઓળખ અવતાર સિંહ, જગજીત સિંહ, રામબાલક કુમાર, સુખબીર સિંહ અને કુલરા સિંહ તરીકે થઈ છે. થાઈ પોલીસે મંગળવારે બેંગકોકના ખ્લોંગ તાન વિસ્તારની એક હોટલમાંથી તે સમયે ધરપકડ કરી હતી જ્યારે તેઓ દેશ છોડવા માટે ફ્લાઇટમાં બેસવાની રાહ જોઈ રહ્યા હતા.
દુબઈથી કાવતરું રચાયું: ક્રિપ્ટોકરન્સીમાં ખંડણી માંગવામાં આવી
પૂછપરછ દરમિયાન આરોપીઓએ કબૂલાત કરી કે તેઓ દુબઈમાં રહેતા એક પાકિસ્તાની નાગરિકના નિર્દેશ પર કામ કરી રહ્યા હતા. તેઓ એક મહિના પહેલા જ ચેટ એપ દ્વારા પાકિસ્તાની માસ્ટરમાઇન્ડના સંપર્કમાં આવ્યા હતા.
આ પણ વાંચો: પાલતુ કૂતરાનો મૃતદેહ નદીમાં વહાવ્યો, ભાવુક વીડિયો વાયરલ થતાં સોશિયલ મીડિયા પર વિવાદ
માસ્ટરમાઇન્ડે પીડિતોના પરિવારો પાસેથી ક્રિપ્ટોકરન્સીમાં ખંડણી વસૂલવાની યોજના બનાવી હતી. ગુનો કરવાના બદલામાં ભારતીય આરોપીઓને થાઇલેન્ડ ભાગી જવા માટે કિંમતી વસ્તુઓ, રોકડ અને ફ્લાઇટ ટિકિટનું વચન આપવામાં આવ્યું હતું.
ભારતીય દૂતાવાસની સતર્કતાને કારણે જીવ બચ્યા
21 જુલાઈના રોજ પીડિતોના પરિવારોએ થાઇલેન્ડમાં ભારતીય દૂતાવાસનો સંપર્ક કર્યો અને ફરિયાદ નોંધાવી હતી. પરિવારોએ પોલીસ સાથે વીડિયો કોલ રેકોર્ડિંગ પણ શેર કર્યું જેમાં પીડિતોને બંધક બનાવવામાં આવ્યા હતા જ્યારે અપહરણકારોએ દરેક પરિવાર પાસેથી ₹40 લાખની માંગણી કરી હતી. દૂતાવાસે તાત્કાલિક ચોનબુરી ઇમિગ્રેશન પોલીસ અને પટાયા સિટી પોલીસને ચેતવણી આપી, જેના કારણે મોટી શોધખોળ શરૂ કરવામાં આવી.
આ પણ વાંચો: ગુજરાતમાં અત્યંત ભારે વરસાદની આગાહી, 8 જિલ્લામાં રેડ એલર્ટ; સ્ટેટ ઈમરજન્સી ઓપરેશન સેન્ટર એક્શન મોડમાં
પોલીસે દરોડામાં ત્રણ પીડિતોને બચાવ્યા
CCTV ફૂટેજ અને ગુપ્ત માહિતીના આધારે પોલીસે પટાયામાં એક બે માળના મકાન પર દરોડો પાડ્યો. બીજા માળે પહોંચ્યા પછી તેઓએ ત્રણેય પીડિતોને અલગ-અલગ રૂમમાં બાંધેલા જોયા. તેમના મોં પર ટેપ લગાવેલી હતી અને તેમના શરીર પર માર માર્યાના ઊંડા નિશાન હતા. પોલીસે ત્રણેયને સુરક્ષિત રીતે બચાવી લીધા.
અગાઉ બીજા ભારતીય પાસેથી ખંડણી
પોલીસ પીડિતોના દાવાની પણ સંપૂર્ણ તપાસ કરી રહી છે કે અન્ય એક ભારતીય નાગરિકને અગાઉ આ જ ઘરમાં બંધક બનાવવામાં આવ્યો હતો. અહેવાલ મુજબ તે વ્યક્તિને તેના પરિવારે આશરે ₹30 લાખની ખંડણી ચૂકવ્યા પછી જ મુક્ત કરવામાં આવ્યો હતો. અધિકારીઓ હવે આ સમગ્ર સિન્ડિકેટ સાથે જોડાયેલી વધુ કડીઓ શોધવા માટે કામ કરી રહ્યા છે.
